ଇସଲାମାବାଦ,୧।୧୧: ଦେଶବ୍ୟାପି ବିରୋଧ ସତ୍ତ୍ୱେ ଗିଲଗିଟ୍-ବଲ୍ଟିସ୍ତାନକୁ ପ୍ରଧାନମନ୍ତ୍ରୀ ଇମ୍ରାନ୍ ଖାଁ ସରକାର ଅସ୍ଥାୟୀ ପ୍ରଦେଶ ମାନ୍ୟତା ଦେଇଛନ୍ତି। ଏନେଇ ସରକାରଙ୍କ ପକ୍ଷରୁ ରବିବାର ଘୋଷଣା କରାଯାଇଛି। ଏସମ୍ପର୍କିତ ପ୍ରସ୍ତାବକୁ ସରକାର ଅନୁମୋଦନ ଦେଇଥିବା ସେ କହିଛନ୍ତି। ସରକାର ଏହି ଅଞ୍ଚଳର ବିକାଶ ପ୍ରତି ଉଦାସୀନ ରହୁଥିବା ସ୍ଥାନୀୟ ବାସିନ୍ଦା ଦୀର୍ଘଦିନ ଧରି ଅଭିଯୋଗ କରିଆସୁଛନ୍ତି। ଏଠାକାର ପ୍ରାକୃତିକ ସମ୍ପଦର ବିନିଯୋଗର ଲାଭ ସରକାରଙ୍କ ହାତକୁ ଯାଉଥିବାବେଳେ ଲୋକେ ଅବହେଳିତ ହୋଇରହିଥିବା କୁହାଯାଉଛି। ଏବେ ଇମ୍ରାନ୍ଙ୍କ ଘୋଷଣା ପରେ ପାକ୍ ଅଧିକୃତ କଶ୍ମୀର ସମେତ ଅନ୍ୟ ସ୍ଥାନରେ ବିକ୍ଷୋଭ ପ୍ରଦର୍ଶନ ଆରମ୍ଭ ହୋଇଛି।
