*ଠାକୁରଙ୍କୁ ପୂଜା କରିବା ସମୟରେ ସକାଳେ ହେଉ ଅବା ସନ୍ଧ୍ୟାରେ ଥରୁଟିଏ ହେଉ ନା କାହିଁକି ଠାକୁରଙ୍କ ପାଖେ ଝୁଣା ଧୂପ କିମ୍ବା କର୍ପୁର ଆଳତି କଲେ ପ୍ରଭୂକୃପା ମିଳିଥାଏ।
*ଖାଦ୍ୟ ଥାଳି ପାଖରେ ଯେଉଁ ଲୁଣ ଦିଆଯାଇଥାଏ, ତାହାକୁ କେବେ ବି ତଳେ ପକାଇବେ ନାହିଁ କିମ୍ବା ହାତରେ ଲାଗିଥିବା ଲୁଣକୁ ଲୁଗାରେ ପୋଛିବେ ନାହିଁ, ବରଂ ତାହାକୁ ପାଣିରେ ଧୋଇଦେବେ। ଲୁଣକୁ ତଳେ ପକାଇଲେ କିମ୍ବା ଲୁଗାରେ ପୋଛିଲେ କରଜ ବଢିଥାଏ ବୋଲି କୁହାଯାଏ।
*ଶୋଇକି ଉଠିବା ପରେ ଅସଜଡ଼ା ଶେଯକୁ ଟିକେ ସଜାଡ଼ି ଦେବା ଭଲ, ନଚେତ୍ ଶନି ଦେବତାଙ୍କର କୁ-ଦୃଷ୍ଟି ସୁଖଶାନ୍ତି ଉପରେ ପଡିଥାଏ ବୋଲି ବିଶ୍ୱାସ କରାଯାଏ।
*ଘରେ ଯଦି ସ୍ବର୍ଗତ ପିତୃପୁରୁଷଙ୍କ ଫଟୋ ଲଗାଉଥାନ୍ତି, ତା’ହେଲେ ଉତ୍ତର ଦିଗର କାନ୍ଥରେ ଲଗାନ୍ତୁ, ଫଳରେ ତାଙ୍କ ମୁଖ ଦକ୍ଷିଣ ଦିଗ ଆଡକୁ ରହିବ; ଯଦ୍ଦ୍ବାରା ଘରେ ସୁଖଶାନ୍ତି ବୃଦ୍ଧି ହେବ। ଆବଶ୍ୟକ ହେଲେ ତାଙ୍କ ଫଟୋକୁ ପୂର୍ବ ଦିଗର କାନ୍ଥରେ ଲଗାଇପାରିବେ, କିନ୍ତୁ କେବେ ବି ଦକ୍ଷିଣ-ପଶ୍ଚିମ ଦିଗର କାନ୍ଥରେ ଲଗାଇବେ ନାହିଁ।
*ଟଙ୍କା ପଇସା ରଖୁଥିବା ଆଲମାରୀର ମୁହଁ କେବେ ବି ଦକ୍ଷିଣ ମୁହାଁ କରି ରଖନ୍ତୁ ନାହିଁ। କାରଣ ଏହାଦ୍ୱାରା ପରିବାରରେ କାହାରି ନା କାହାରି ଦେହ ଖରାପ ହେଉଥିବ ଆଉ ସେହିଥିରେ ହିଁ ପଇସା ସବୁ ଖର୍ଚ୍ଚ ହୋଇଯିବ।
*କୁହାଯାଏ, ଶ୍ରୀଯନ୍ତ୍ର କିମ୍ବା ନାଲି କପଡ଼ାରେ ଗୁଡ଼ା ହୋଇଥିବା ନଡିଆ ଠାକୁରଘରେ ପୂଜା ପାଉଥିବା ମା’ ଲକ୍ଷ୍ମୀଙ୍କ ପାଖରେ ରଖିଲେ ଘରର ମଙ୍ଗଳ ହୋଇଥାଏ।
*ଘରେ ବ୍ୟବହୃତ ହେଉଥିବା ଯେ କୌଣସି ପାଣି ଟ୍ୟାପ୍କୁ ବନ୍ଦ କରିବା ସତ୍ତ୍ୱେ ବି ଯଦି ସେଥିରୁ ପାଣି ଝରୁଥାଏ, ତା’ହେଲେ ଘରେ ଅଭାବ ଅନଟନ ଦେଖାଯାଏ।
