ଆମେ ଚିନ୍ତା ନ କରି ଆମ ଜୀବନରେ ଅନେକ କାର୍ଯ୍ୟ କରିଥାଉ। ଆମେ ଜାଣୁ ନାହିଁ ଏହା ଠିକ୍ କି ଭୁଲ ଏବଂ ବେଳେବେଳେ ଏହାର କ୍ଷତି ଜାଣିବା ପରେ ମଧ୍ୟ ଆମେ ଏହାକୁ ଅଣଦେଖା କରୁ। ତେବେ ଜଣେ ଆମେରିକୀୟ ଡାକ୍ତର କିଛି ଟିପ୍ସ ଦେଇଛନ୍ତି। ଯାହାକୁ ଜାଣିଲେ ଆମେ ବିପଦରୁ ରକ୍ଷା ପାଇପାରିବା। ତେବେ ଜାଣନ୍ତୁ ଏସମ୍ପର୍କରେ…
ଏକ ରିପୋର୍ଟ ଅନୁଯାୟୀ, ଆମେରିକାର ଡ. ପୁନମ ଦେଶାଇ କହିଛନ୍ତି, ଆମ ରୋଷେଇ ଘରେ ରଖାଯାଇଥିବା କିଛି ବାସନକୁ ବ୍ୟବହାର କରିବା ଉଚିତ ନୁହେଁ, ଏହାକୁ ଅଣଦେଖା କଲେ ଆମେ ବଡ଼ ଅସୁବିଧାର ସମ୍ମୁଖୀନ ହେବା। ଡକ୍ଟର ପୁନମଙ୍କ ଏକ ଭିଡିଓ ଇନ୍ଷ୍ଟାଗ୍ରାମରେ ଭାଇରାଲ ହେବାରେ ଲାଗିଛି। ଯେଉଁଥିରେ ସେ କିଛି ବାସନକୁସନ ଦେଖାଇ ରୋଷେଇ ଘରୁ ଏଗୁଡ଼ିକୁ ବାହାର କରିବା ଭଲ ବୋଲି କହିଛନ୍ତି।
ସେ କହିଛନ୍ତି, ରୋଷେଇ ପାଇଁ ସାଧାରଣତଃ ଲୁହା କିମ୍ବା ଷ୍ଟେନ୍ଲେସ ଷ୍ଟିଲ୍ ବାସନ ବ୍ୟବହାର କରନ୍ତି। ଆଜିକାଲି ସମସ୍ତଙ୍କ ରୋଷେଇ ଘରେ ନନ୍ଷ୍ଟିକ୍ ଏବଂ ସେରାମିକ ପ୍ୟାନ୍ ରହିଛି। କିନ୍ତୁ ଯଦି ଏହି ବାସନଗୁଡିକ ସାମାନ୍ୟ ସ୍କ୍ରାଚ୍ ହୋଇ ଚେପା ହୋଇଥିବାର ଦେଖାଯାଏ, ତେବେ ସେଥିରେ ରୋଷେଇ କରିବା ଉଚିତ ନୁହେଁ। କାରଣ ଏଥିରେ ଲକ୍ଷ ଲକ୍ଷ ମାଇକ୍ରୋପ୍ଲାଷ୍ଟିକ କଣିକା ପାତ୍ରରୁ ଖାଦ୍ୟ ଭିତରକୁ ଯାଆନ୍ତି, ଯାହା ଆମ ଶରୀର ପାଇଁ ବହୁତ କ୍ଷତି କରିଥାଏ।
ସେ କହିଛନ୍ତି, ଏହିପରି ପାତ୍ରରେ ରାନ୍ଧିବା ଦ୍ୱାରା ହରମୋନ ଅସନ୍ତୁଳନ, ପ୍ରଜନନ ସମସ୍ୟା ଏବଂ କର୍କଟ ରୋଗ ହେବାର ଆଶଙ୍କା ବଢ଼ିଥାଏ। ତାଙ୍କ କହିବାନୁସାରେ, ସେରାମିକ ପ୍ୟାନ୍ର ତଳ ଭାଗରେ ଆଲୁମିନିୟମର ଏକ ସ୍ତର ଅଛି, ଯାହା ଖାଦ୍ୟରେ ଆସିପାରେ। ଅନେକ ଲୋକ ଡାକ୍ତରଙ୍କ ଏହି ପରାମର୍ଶକୁ ଗ୍ରହଣ କରିଛନ୍ତି। କିଛି ୟୁଜର କହିଛନ୍ତି କାଠ ଏବଂ ଲୁହା ବାସନ ଦେହ ପାଇଁ ଭଲ। ଏହା ନିରାପଦ ଏବଂ ଲାଭଦାୟକ ଅଟେ।
