ମୁମ୍ବାଇ: ବଲିଉଡ ଅଭିନେତ୍ରୀ ଉର୍ବଶି ରୌତେଲାଙ୍କ ସୋସିଆଲ ମିଡିଆ ପୋଷ୍ଟକୁ ନେଇ ଆଜିକାଲି ବହୁତ ଅଧିକ ଚର୍ଚ୍ଚା ହେଉଛି । ୟୁଜର୍ସ ସତେ ଯେମିତି ତାଙ୍କ ପୋଷ୍ଟକୁ ଉତ୍ସାହର ସହ ଅପେକ୍ଷା ରଖୁଛନ୍ତି । ସେ ତାଙ୍କ ପୋଷ୍ଟରେ ସବୁବେଳେ ଆରପି ଲେଖୁଥିବା ଦେଖାଯାଇଛି । ଏହାକୁ ଦେଖିବା ପରେ ୟୁଜର୍ସ ତାଙ୍କର ଓ କ୍ରିକେଟର ଋଷଭ ପନ୍ଥଙ୍କ ଆଫେୟାର୍ସକୁ ନେଇ ଆଲୋଚନା ବି କରୁଛନ୍ତି । ହେଲେ ଉର୍ବଶୀଙ୍କ ଲାଟେଷ୍ଟ ପୋଷ୍ଟ ୟୁଜର୍ସଙ୍କ ଧ୍ୟାନ ଆକର୍ଷିତ କରିଛି ।
ଉର୍ବଶି ରୌତେଲା ତାଙ୍କ ଇନଷ୍ଟାଗ୍ରାମ ପୋଷ୍ଟରେ ଏକ ଫଟୋ ଶେୟାର କରିଛନ୍ତି । ଏଥିରେ ସେ ସାଉଥ୍ ଆକ୍ଟର ରାମ ପୋଥିନେନିଙ୍କ ସହ ନଜର ଆସିଛନ୍ତି । ଏହି ପୋଷ୍ଟ ସହ ଅଭିନେତ୍ରୀ ରାମ ପୋଥିନେନିଙ୍କୁ ଟ୍ୟାଗ କରିବା ସହ ଗୋଲାପ ଓ ହାର୍ଟ ଇମୋଜି ଲଗାଇଛନ୍ତି । ଏହାସହ ହାସଟ୍ୟାଗ ଉର୍ବଶି ରୌତେଲା, ହାସଟାଗ ୟୁଆର୧, ହାସଟ୍ୟାଗ ରାମ ପୋଥିନେନି ଲେଖିଛନ୍ତି । ଉର୍ବଶି ଏହାକୁ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ବି ଶେୟାର କରିଛନ୍ତି ଓ ହାସଟ୍ୟାଗ ସହ ଆରପି ଲେଖିଛନ୍ତି । ଏହାକୁ ଦେଖିବା ପରେ ୟୁଜର୍ସ ଋଷଭ ପନ୍ଥଙ୍କ ନାମ ନେଇ ମଜା ଉଠାଇଛନ୍ତି ।
ଉର୍ବଶିଙ୍କ ପୋଷ୍ଟରେ ଜଣେ ୟୁଜର୍ସ ଲେଖିଛନ୍ତି, ଆଚ୍ଛା ତା’ହେଲେ ଇଏ ହେଉଛନ୍ତି ଆରପି । ଆଉ ଜଣେ ୟୁଜର୍ସ ଲେଖିଛନ୍ତି, ଦେଖୁଛନ୍ତି ଋଷଭ ଭାଇ, ଆଉ ଜଣେ ଲେଖିଛନ୍ତି ଏବେ ଆଉ ଋଷଭ ଭାଇ ମନେ ପଡିବେନି । ଅନ୍ୟ ଜଣେ ଲେଖିଛନ୍ତି ଋଷଭ ଭାଇଙ୍କ ସହ ଧୋକା । ଉର୍ବଶିଙ୍କ ସୋସିଆଲ ମିଡିଆ ପୋଷ୍ଟରେ ଏଭଳି କେମେଣ୍ଟ ଦେଖିବାକୁ ମିଳିଛି । ଏବେ ତାଙ୍କ ପ୍ରଶଂସକ ଦ୍ୱନ୍ଦ୍ୱରେ ପଡିଗଲେଣି ପ୍ରକୃତରେ ସେ ଆରପି କିଏ ।
