ନୂଆଦିଲ୍ଲୀ, ୩୦।୧୦: ମହାମାରୀ କରୋନା ରୋକିବାକୁ ଏବେ ବିଶ୍ୱର ଅନେକ ଦେଶ ଟିକା ପ୍ରସ୍ତୁତିରେ ଲାଗିପଡିଛନ୍ତି। ଏହି ସମୟରେ ଆଇସିଏମ୍ଆର୍ ଏକ ଆଶ୍ୱସ୍ତିକର ଖବର ଦେଇଛି। ଆଇସିଏମ୍ଆର୍ ବୈଜ୍ଞାନିକଙ୍କ ମୁତାବକ ଟ୍ୟୁବୋରକ୍ଲୋସିସ୍ରୁ ରକ୍ଷା ପାଇବା ପାଇଁ ବ୍ୟବହାର କରାଯାଉଥିବା ବିସିଜି ଟିକା ଏବେ କରୋନା ଭୂତାଣୁ ସହ ଲଢିବା ପାଇଁ ବେଶ୍ ପ୍ରଭାବଶାଳୀ ସାବ୍ୟସ୍ତ ହେବ। ବୁଦ୍ଧମାନଙ୍କ ଶରୀରରେ ଏହାର ପ୍ରଭାବ ବେଶୀ ରହିବ ବୋଲି ଆଇସିଏମ୍ଆର୍ ପକ୍ଷରୁ ସୂଚନା ଦିଆଯାଇଛି। ବୈଜ୍ଞାନିକମାନେ ବିସିଜି ଟିକା ପ୍ରଭାବ ଜାଣିବା ପାଇଁ ଏବେ ଟି କୋଷିକା, ବି କୋଷିକ ଶ୍ୱେତ ରକ୍ତ କଣିକା ଏବଂ ଡେଣ୍ଡ୍ରାଇଟିସ କୋଷ ପ୍ରତିରୋଧକ ପରୀକ୍ଷଣ କରାଯାଇଛି। ସୂଚନାଯୋଗ୍ୟ, କରୋନାରେ ସର୍ବାଧିକ ପ୍ରଭାବିତ ୬୦ ବର୍ଷରୁ ଅଧିକ ବୟସ୍କମାନେ ହେଉଥିବା ଦେଖାଯାଇଛି। ଏକ ପରୀକ୍ଷା ଦ୍ୱାରା ଜଣାପଡିଛି ଯେ କରୋନା ଆକ୍ରାନ୍ତ ବୃଦ୍ଧ ବ୍ୟକ୍ତିମାନଙ୍କଠାରେ କୋମୋରବିଡିଟି ଭଳି ଗୁରୁତର ରୋଗ ଦେଖାଯିବାରୁ ସେମାନଙ୍କ ମୃତ୍ୟୁ ହେବାର ଆଶଙ୍କା ଅଧିକ ଥାଏ। ବିସିଜି ଟିକା ଏହିପରି ବୃଦ୍ଧ ବ୍ୟକ୍ତିଙ୍କ ଚିକିତ୍ସାରେ ଅତ୍ୟନ୍ତ ପ୍ରଭାବଶାଳୀ ବୋଲି ପ୍ରମାଣିତ ହୋଇଛି। ବିସିଜି ଟିକା ନବଜାତ ଶିଶୁମାନଙ୍କୁ କେନ୍ଦ୍ର ସରକାରଙ୍କ ୟୁନିଭର୍ସାଲ ଟୀକାକରଣ କାର୍ଯ୍ୟକ୍ରମ (ୟୁଆଇପି) ଅଧୀନରେ ଦିଆଯାଉଛି।
