ତାଲିକାରେ ଦୁବାଇ, ୧୫ା୯: ଭାରତ ସ୍ପିନର ଶ୍ରୀ ଚରଣୀ କ୍ୟାରିୟର ଶ୍ରେଷ୍ଠ ରେଟିଂ ପଏଣ୍ଟ ସହ ସଦ୍ୟ ପ୍ରକାଶିତ ଆଇସିସି ମହିଳା ଅନ୍ତର୍ଜାତୀୟ ଟି୨୦ ପ୍ଲେୟର ର଼୍ୟାଙ୍କିଙ୍ଗ ତାଲିକାରେ ତାଙ୍କ ଶୀର୍ଷ ସ୍ଥାନ ବଜାୟ ରଖିଛନ୍ତି। ଅନ୍ୟପକ୍ଷରେ ଭାରତର ଦୀପ୍ତି ଶର୍ମା ୪ ସ୍ଥାନ ଉପରକୁ ଉଠି ୨ୟ ସ୍ଥାନ ଅଧିକାର କରିଛନ୍ତି। ଚରଣୀ ଶ୍ରୀଲଙ୍କା ବିପକ୍ଷ ମହିଳା ଟି୨୦ ଏସିଆ କପ୍ରେ ୨୦ରନ ବିନିମୟରେ ୪ ଉଇକେଟ ଅକ୍ତିଆର କରିଥିଲେ, ଯାହାଫଳରେ ତାଙ୍କ ରେଟିଂ ପଏଣ୍ଟ ୮୦୦ ଅତିକ୍ରମ କରି ୮୦୪ରେ ପହଞ୍ଚିଛି। ଆଇସିସି ର଼୍ୟାଙ୍କିଙ୍ଗରେ ଉଭୟ ବ୍ୟାଟର ଓ ବୋଲରଙ୍କ ପାଇଁ ଜଣେ ଭାରତୀୟ ଭାବେ ସେ ସର୍ବୋଚ୍ଚ ରେଟିଂ ପଏଣ୍ଟ ହାସଲ କରିବାର ଗୌରବ ଅର୍ଜନ କରିଛନ୍ତି।
ପୂର୍ବରୁ ଏହି ରେକର୍ଡ ମିଥାଲି ରାଜଙ୍କ ନାମରେ ରହିଥିଲା। ମିଥାଲି ୨୦୧୧ରେ ୭୮୦ ରେଟିଂ ପଏଣ୍ଟ ସହ ରେକର୍ଡର ଅଧିକାରୀ ହୋଇଥିଲେ। ୨୦୧୮ ନଭେମ୍ବରରେ ଅନ୍ତର୍ଜାତୀୟ ଟି୨୦ରେ ଜଣେ ମହିଳା ବୋଲର ହିସାବରେ ସର୍ବୋଚ୍ଚ ରେଟିଂ ପଏଣ୍ଟ ହାସଲ କରିବା ରେକର୍ଡ ଅଷ୍ଟ୍ରେଲିଆର ମେଗାନ ସ୍କଟଙ୍କ ନାମରେ ରହିଛି।
ଚରଣୀ ତାଙ୍କଠାରୁ ମାତ୍ର ୨ ପଏଣ୍ଟ ପଛରେ ରହିଛନ୍ତି। ଏସିଆ କପ୍ରେ ଭାରତ ପକ୍ଷରୁ ଚମତ୍କାର ବୋଲିଂ କରିଥିବା ଦୀପ୍ତି ୪ ସ୍ଥାନ ପଦୋନ୍ନତି ସହ ଦ୍ୱିତୀୟ ସ୍ଥାନକୁ ଉନ୍ନୀତ ହୋଇଛନ୍ତି। ଟୁର୍ନାମେଣ୍ଟରେ ସେ ସର୍ବାଧିକ ୧୪ ଉଇକେଟ ହାସଲ କରିଥିବା ବୋଲର। ଟୁର୍ନାମେଣ୍ଟରେ ସିମ୍ ବୋଲର ନନ୍ଦିନୀ ଶର୍ମା ମଧ୍ୟ ଭଲ ବୋଲିଂ କରିଥିଲେ। ସେ ୧୦ ସ୍ଥାନ ଉପରକୁ ଉଠି ୯୪ତମ ସ୍ଥାନ ଅଧିକାର କରିଥିବା ବେଳେ ଲେଗ୍ସ୍ପିନର ପ୍ରେମା ରାଓ୍ବତ ୫୦ ସ୍ଥାନ ପଦୋନ୍ନତି ସହ ୯୬ତମ ସ୍ଥାନରେ ରହିଛନ୍ତି।
ଏସିଆ କପ୍ ସେମିଫାଇନାଲରେ ୬୪ ଏବଂ ଫାଇନାଲରେ ୬୮ରନ ସମେତ ମୋଟ ୨୩୬ ରନ ସହ ଅଗ୍ରଣୀ ସ୍କୋରର ବିବେଚିତ ଶେଫାଳି ବର୍ମାଙ୍କ ରେଟିଂ ପଏଣ୍ଟ ୭୪୧ରେ ପହଞ୍ଚତ୍ଛିି। ୨୦୨୧ ଅକ୍ଟୋବର ପରେ ଏହା ସର୍ବାଧିକ। ସେ ବର୍ତ୍ତମାନ ସାଥୀ ଖେଳାଳି ସ୍ମୃତି ମନ୍ଧାନାଙ୍କଠାରୁ ମାତ୍ର ଗୋଟିଏ ସ୍ଥାନ ଏବଂ ୪ ରେଟିଂ ପଏଣ୍ଟ ପଛରେ ରହିଛନ୍ତି। ମନ୍ଧାନା ମ୍ୟାଚରେ ୫ଟି ଇନିଂସ ଖେଳି ୨୧୩ରନ କରିଥିବା ବେଳେ ୭୪୫ ପଏଣ୍ଟ ସହ ୫ମ ସ୍ଥାନରେ ରହିଛନ୍ତି। ଶେଫାଳିଙ୍କର ଆହୁରି ମଧ୍ୟ ଅଲରାଉଣ୍ଡର ର଼୍ୟାଙ୍କିଙ୍ଗରେ ୫ ସ୍ଥାନ ପଦୋନ୍ନତି ଘଟିଛି। ସେ ତାଙ୍କ କ୍ୟାରିୟର ଶ୍ରେଷ୍ଠ ୨୨୧ ରେଟିଂ ପଏଣ୍ଟ ସହ୧୫ତମ ସ୍ଥାନକୁ ଉନ୍ନୀତ ହୋଇଛନ୍ତି।
