ନୂଆଦିଲ୍ଲୀ, ୧୩।୭: ଅନ୍ତର୍ଜାତୀୟ କ୍ରିକେଟ କାଉନସିଲ (ICC) ପକ୍ଷରୁ ଜୁନ ମାସ ପାଇଁ ‘ପ୍ଲେୟାର ଅଫ ଦ ମନ୍ଥ’ (Player of the Month) ମନୋନୟନ ତାଲିକା ପ୍ରକାଶ ପାଇଛି। ଏହି ଦୌଡ଼ରେ ପୁରୁଷ ଏବଂ ମହିଳା ବର୍ଗରେ ଦୁଇଜଣ ଭାରତୀୟ ତାରକା ସ୍ଥାନ ପାଇ ଦେଶକୁ ଗୌରବାନୱିତ କରିଛନ୍ତି। ପୁରୁଷ ବର୍ଗରେ ଭାରତୀୟ ଅଧିନାୟକ ଶୁଭମନ ଗିଲଙ୍କ ନାଁ ସାମିଲ ଥିବାବେଳେ, ମହିଳା ବର୍ଗରେ ସ୍ପିନର୍ ଶ୍ରୀ ଚରଣୀ ନୋମିନେଟ ହୋଇଛନ୍ତି। ଜୁନ ମାସରେ ଶୁଭମନ ଦମଦାର ପ୍ରଦର୍ଶନ ଭାରତୀୟ ଟେଷ୍ଟ ଏବଂ ଦିନିକିଆ ଦଳର ଅଧିନାୟକ ଶୁଭମନ ପାଇଁ ଜୁନ ମାସଟି ବେଶ୍ ଭଲ ରହିଥିଲା। ଆଫଗାନିସ୍ତାନ ବିପକ୍ଷ ଏକମାତ୍ର ଟେଷ୍ଟ ମ୍ୟାଚରେ ସେ ୧୨୬ ରନର ଏକ ଦମଦାର ଶତକୀୟ ପାରି ଖେଳିଥିଲେ। ଏହାପରେ ଦିନିକିଆ ସିରିଜର ୨ଟି ପାରିରେ ସେ ମୋଟ ୨୩୮ ରନ ସଂଗ୍ରହ କରିଥିଲେ। ସେଥିମଧ୍ୟରୁ ପ୍ରଥମ ମ୍ୟାଚରେ ୮୪ ରନ ଏବଂ ଦ୍ୱିତୀୟ ମ୍ୟାଚରେ ୧୫୪ ରନର ବିସ୍ଫୋରକ ପାରି ସାମିଲ ଥିଲା। ଏହି ଚମତ୍କାର ବ୍ୟାଟିଂ ପ୍ରଦର୍ଶନ ପାଇଁ ତାଙ୍କୁ ‘ପ୍ଲେୟାର ଅଫ ଦ ସିରିଜ’ ମଧ୍ୟ ମିଳିଥିଲା।
ବାଂଲାଦେଶର ଏହି ଅଲରାଉଣ୍ଡର ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜରେ ଦଳକୁ ୨-୧ରେ ସିରିଜ ଜିତାଇବାରେ ମୁଖ୍ୟ ଭୂମିକା ଗ୍ରହଣ କରିଥିଲେ। କ୍ରିକେଟ ଇତିହାସରେ ବାଂଲାଦେଶ ପ୍ରଥମ ଥର ପାଇଁ ଅଷ୍ଟ୍ରେଲିଆକୁ ଦିନିକିଆ ସିରିଜରେ ହରାଇଛି। ଏହି ସିରିଜରେ ମୋସାଦେକଙ୍କୁ ‘ପ୍ଲେୟାର ଅଫ ଦ ସିରିଜ’ ଘୋଷଣା କରାଯାଇଥିଲା।
କିୱି ଦଳର ଏହି ଦ୍ରୁତ ବୋଲର ଇଂଲଣ୍ଡ ବିପକ୍ଷ ୩ ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ଘାତକ ବୋଲିଂ କରିଥିଲେ. ନ୍ୟୁଜିଲାଣ୍ଡ ଏହି ସିରିଜକୁ ୨-୧ରେ ଜିତିଥିବା ବେଳେ ସ୍ମିଥ ସର୍ବାଧିକ ୧୬ଟି ଉଇକେଟ୍ ନିଜ ନାମରେ କରିଥିଲେ। ମହିଳା ବର୍ଗରେ ଭାରତର ଷ୍ଟାର୍ ସ୍ପିନର୍ ଶ୍ରୀ ଚରଣୀ ମଧ୍ୟ ନିଜର ଶ୍ରେଷ୍ଠ ପ୍ରଦର୍ଶନ ପାଇଁ ଏହି ସମ୍ମାନଜନକ ପୁରସ୍କାର ଦୌଡ଼ରେ ସାମିଲ ହୋଇଛନ୍ତି। ଏବେ ଦେଖିବାକୁ ବାକି ରହିଲା କ୍ରିକେଟ ପ୍ରେମୀ ଏବଂ ବିଶେଷଜ୍ଞଙ୍କ ଭୋଟ ଆଧାରରେ କିଏ ଜୁନ ମାସର ଶ୍ରେଷ୍ଠ ଖେଳାଳି ବିବେଚିତ ହେଉଛନ୍ତି।
