ସାଉଥାମ୍ପଟନ,୭।୩ : ଆସନ୍ତା ଜୁନ ୧୮ରୁ ୨୨ ତାରିଖ ପର୍ଯ୍ୟନ୍ତ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ବିଶ୍ୱ ଟେଷ୍ଟ ଚାମ୍ପିୟନଶିପ୍ (ଡବ୍ଲ୍ୟୁଟିସି) ଫାଇନାଲ ମ୍ୟାଚ୍ ଖେଳାଯିବ। ତେବେ ଏହି ମ୍ୟାଚ୍ ଐତିହାସିକ ଲଡର୍ସ କ୍ରିକେଟ ଗ୍ରାଉଣ୍ଡରେ ଖେଳାଯିବାର ସମ୍ଭାବନା ଖୁବ୍ କମ୍। ଉଦ୍ଘାଟନୀ ଡବ୍ଲ୍ୟୁଟିସି ସଂସ୍କରଣର ଫାଇନାଲ ମ୍ୟାଚ୍ ପାଇଁ ବିକଳ୍ପ ଭେନ୍ୟୁ ଖୋଜୁଛି ଅନ୍ତର୍ଜାତୀୟ କ୍ରିକେଟ କାଉନ୍ସିଲ (ଆଇସିସି)। ତେବେ ଇଂଲଣ୍ଡର ଅନ୍ୟ ଭେନ୍ୟୁ ତୁଳନାରେ ଖୁବ ଆଗରେ ଅଛି ସାଉଥାମ୍ପଟନ। କିନ୍ତୁ ଏ ସମ୍ପର୍କରେ ଆଇସିସି ପକ୍ଷରୁ କୌଣସି ସ୍ପଷ୍ଟ ସୂଚନା ଦିଆଯାଇ ନାହିଁ।
ଭେନ୍ୟୁ ସମ୍ପର୍କରେ ଶୀଘ୍ର ଘୋଷଣା କରାଯିବ। ଆଇସିସି ଯୋଜନାରେ ଲଡର୍ସକୁ ସ୍ଥାନ ଦିଆଯାଇନାହିଁ। ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି) ଏବଂ ନିଜସ୍ବ ସ୍ବାସ୍ଥ୍ୟ ବିଶେଷଜ୍ଞଙ୍କ ପରାମର୍ଶ କ୍ରାମ ଆଇସିସି ଭେନ୍ୟୁ ଚୂଡ଼ାନ୍ତ କରିବ। ତେବେ ମ୍ୟାଚ୍ ଯେଉଁଠାରେ ଖେଳାଗଲେ ମଧ୍ୟ ଖେଳାଳିଙ୍କୁ ବାୟୋ ବବଲରେ ରହିବାକୁ ପଡ଼ିବ ବୋଲି ଆଇସିସି ସୂତ୍ରରୁ କୁହାଯାଇଛି।
