ମୁମ୍ବାଇ: ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କ ପୁଅ ଇବ୍ରାହିମ ଅଲ୍ଲୀ ଖାନ ଗତ କିଛି ଦିନ ହେବ ଚର୍ଚ୍ଚାରେ ଅଛନ୍ତି। ନିକଟରେ ଶୁଣିବାକୁ ମିଳୁଥିଲା କି ଇବ୍ରାହିମ ମଧ୍ୟ ବାପା ସୈଫଙ୍କ ଭଳି ଚଳଚ୍ଚିତ୍ରରେ ନିଜର କ୍ୟାରିୟର କରିବାକୁ ନିଷ୍ପତ୍ତି ନେଇଛନ୍ତି ଏବଂ ସେ ଖୁବ୍ଶୀଘ୍ର ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି। ନିର୍ମାତା କରଣ ଜୋହର ତାଙ୍କର ପ୍ରଥମ ସିନେମା ନିର୍ମାଣ କରିବେ। ତେବେ ବର୍ତ୍ତମାନ ଇବ୍ରାହିମଙ୍କ ଏହି ଚଳଚ୍ଚିତ୍ର ସମ୍ବନ୍ଧରେ ସବିଶେଷ ଖବର ସାମ୍ନାକୁ ଆସିଛି। ଏକ ରିପୋର୍ଟ ଅନୁଯାୟୀ, ଇବ୍ରାହିମଙ୍କ ଡେବ୍ୟୁ ଚଳଚ୍ଚିତ୍ରର ନାମ ସରଜାମିନ ହେବ। ଏହା ଏକ ଇମୋଶନାଲ-ଥ୍ରୀଲର ଚଳଚ୍ଚିତ୍ର ହେବ, ଯେଉଁଥିରେ ଇବ୍ରାହିମ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଫିଲ୍ମର ପ୍ରି-ପ୍ରଡକ୍ସନ କାମ ଆରମ୍ଭ ହୋଇଛି ଏବଂ ନିର୍ମାତାମାନେ ଫିଲ୍ମର ଶୁଟିଂ ପାଇଁ ପ୍ରସ୍ତୁତ ହେଉଥିବା ଜଣାପଡିଛି।
