ମହାମାରୀ କରୋନା ଯୋଗୁ ଯେବେଠାରୁ ଳକ୍ଡାଉନ୍ ଜାରି ହୋଇଛି ଲୋକଙ୍କ ଜୀବନଶୈଳୀରେ ଅନେକ ପରିବର୍ତ୍ତନ ହୋଇଛି। ରବିବାର ପରି ସବୁଦିନ ଏବେ ଛୁଟିପରି ମନେ ହେଉଛି। ଛାତ୍ରୀଛାତ୍ରଙ୍କ କଥା କହିଲେ ସେମାନଙ୍କ ଟାଇମଟେବୁଲ ପୁରା ବଦଳିଯାଇଛି। ଦିନସାରା ସେମାନେ ଶୋଉଥିବା ବେଳେ ରାତିରେ ଉଜାଗର ରହୁଛନ୍ତି। ଏମିତିରେ ରାତି ଅଧରେ ସେମାନଙ୍କୁ ଭୋକ ହେଉଛି। ଝିଅକୁ ରାତି ଅଧରେ ଭୋକ ଲାଗିବାରୁ ଏହାର କ୍ଷତି ପୂରା ପରିବାରକୁ ସହିବାକୁ ପଡ଼ିଛି। ଏମିତି ଏକ ଘଟଣା ଘଟିଛି ସିଡ୍ନୀରେ।
୫୫ ବର୍ଷୀୟା ଲିଣ୍ଡା ବରେଟ ନିଜର ୩ ନାବାଳିକା ଝିଅଙ୍କ ସହ ରୁହନ୍ତି। ୧୫ ବର୍ଷର ଝିଅକୁ ରାତି ଅଧରେ ଭୋକ ଲାଗିବାରୁ ସେ କାହାକୁ ନିଦରୁ ନ ଉଠାଇ ରେଷେଇ ଘରକୁ ଯାଇଥିଲେ। ଚିପ୍ସ ଛାଣିବା ପାଇଁ ନିଆଁରେ ତେଲ କଡାଇ ବସାଇଥିଲେ। ମାତ୍ର ନାବାଳିକାଙ୍କ ଅସାବଧାନତା ଯୋଗୁ ତେଲ କଡ଼େଇରେ ନିଆଁ ଲାଗିଯାଇଥିଲା। ପରେ ପୁରା ଘର ଜଳିଯାଇଥିଲା। ମାତ୍ର ଲିଣ୍ଡା ଏବଂ ତାଙ୍କର ୩ ଝିଅ ସୁରକ୍ଷୀତ ଅଛନ୍ତି। ଖବର ପାଇ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଅୟତ୍ତ କରିଥିଲେ। ଏଥିପାଇଁ ସେମାନଙ୍କୁ ତାଙ୍କୁ ୩ ଘଣ୍ଟା ସମୟ ଲାଗିଥିଲା। ଏହି ଅଗ୍ନିକାଣ୍ଡରେ ଲିଣ୍ଡାଙ୍କର ୨ କୋଟି ୫୬ ଲକ୍ଷ ଟଙ୍କାର କ୍ଷତି ହୋଇଥିବା ଜଣାପଡ଼ିଛି।
