ଯଦି କିଛି କରିବାକୁ ସଂକଳ୍ପ ଏବଂ ଉତ୍ସାହ ଅଛି, ତେବେ ନିଶ୍ଚିତ ଭାବରେ ସଫଳତା ମିଳିବ। ଏହାର ଜ୍ୱଳନ୍ତ ଉଦାହରଣ ହେଉଛନ୍ତି କଲର୍ସ ଚ୍ୟାନେଲର ରିଆଲିଟି ଶୋ’ ‘ହୁନରବାଜ: ଦେଶ୍ କି ଶାନ୍’ର ବିଜେତା ଆକାଶ ସିଂ। ସେ ବିହାରର ଭାଗଲପୁରର ବାସିନ୍ଦା। ଆକାଶ ସିଂ ଚାରି ବର୍ଷ ପୂର୍ବେ ଅନ୍ୟ କିଛି ରିଅଲିଟି ଶୋ’ ପାଇଁ ମୁମ୍ବାଇ ଆସିଥିଲେ, କିନ୍ତୁ ଯେତେବେଳେ ସେ ଏଥିରେ ମନୋନୀତ ହୋଇ ନ ଥିଲେ ଏବଂ ବିହାରକୁ ଫେରିବାକୁ ଟଙ୍କା ମଧ୍ୟ ନ ଥିଲା। ସେ ମୁମ୍ବାଇରେ ରହି ନିଜେ କିଛି କରିବାକୁ ଚେଷ୍ଟା କରିଥିଲେ। ଆକାଶ କହିଛନ୍ତି, ଦେଶର ଲୋକଙ୍କୁ କିଛି ନୂଆ ଦରକାର। ଏହାକୁ ଧ୍ୟାନରେ ରଖି ସେ ଏକ ନୂତନ ନୃତ୍ୟ ଆବିଷ୍କାର କଲେ, ଯାହାକୁ ଲୋକମାନେ ବହୁତ ପସନ୍ଦ କରିଥିଲେ। ଏବେ ସେ ସବୁଠାରୁ ବଡ ‘ହୁନରବାଜ’ ହୋଇଯାଇଛନ୍ତି। ଏହି ଟାଇଟେଲ ସହିତ ସେ ୧୫ ଲକ୍ଷ ଟଙ୍କା ନଗଦ ପୁରସ୍କାର ମଧ୍ୟ ପାଇଛନ୍ତି।
ଆକାଶ ସିଂ କୁହନ୍ତି, ମୁଁ ଥିଏଟରରେ କେବେ ଏକ ଫିଲ୍ମ ଦେଖିଛି, ମୋର ମନେ ନାହିଁ। ମୋ ଘରର ଅବସ୍ଥା ଭଲ ନ ଥିଲା। ମୋ ବାପା ଜଣେ ସାମାନ୍ୟ ଡ୍ରାଇଭର। ସେ କ୍ୱଚିତ୍ ଘରକୁ ଯାଇପାରନ୍ତି। ଘରେ ଟିଭି ନ ଥିଲା। ଫିଲ୍ମ ଦେଖିବାକୁ ଇଚ୍ଛା ଥିଲେ ପଡୋଶୀ ଘରେ ଯାଇ ଦେଖୁଥିଲି। ଆଜି ବି ମୋ ଘରେ ଟିଭି ନାହିଁ । ମୋର ଘର ଲୋକମାନେ ପଡ଼ୋଶୀ ଟିଭିରେ କିମ୍ବା ମୋବାଇଲରେ ମୋ ଶୋ’ ଦେଖୁଥିଲେ। ଏବେ ଜୀବନରେ ପରିବର୍ତ୍ତନ ଆସିଛି।ମୁଁ ବଡ଼ ନିର୍ମାତାମାନଙ୍କ ସହିତ ଫିଲ୍ମ କରିବାକୁ ଚାହୁଁଛି। ମୁଁ ଫିଲ୍ମ ଗୁଡ଼ିକରେ କୋରିଓଗ୍ରାଫ କରିବାକୁ ଚାହୁଁଛି। କିନ୍ତୁ ମୁଁ ଏକ ଅନ୍ତର୍ଜାତୀୟ ଶୋ’ କରିବାକୁ ଚାହୁଁଛି। ଏହା ଦ୍ୱାରା ମୁଁ ମୋ ପରିବାର ଏବଂ ଦେଶ ପାଇଁ ଅଧିକ ଗୌରବ ଆଣିପାରିବ ବୋଲି ଆକାଶ କୁହନ୍ତି।
