କରୋନା ଭାଇରସ ସାରା ବିଶ୍ୱରେ ବ୍ୟାପିଯିବା ପରେ ଏବେ ସାନିଟାଇଜର ଆମ ନିତିଦିନ ଜୀବନର ଏକ ମୁଖ୍ୟ ଉପାଦାନ ପାଲଟି ଯାଇଛି । ଛୋଟଠାରୁ ବଡ ପ୍ରାୟ ସମସ୍ତେ ଏବେ ସାନିଟାଇଜର ବ୍ୟବହାର କରୁଥିବା ଦେଖାଯାଇଛି । କାରଣ ବିଶେଷଜ୍ଞଙ୍କ କହିବା କଥା ହେଲା ବାରମ୍ବାର ହାତ ଧୋଇବା ବା ସାନିଟାଇଜର ବ୍ୟବହାର କରିବା, ମାସ୍କ ପିନ୍ଧିବା, ସାମାଜିକ ଦୂରତା ବଜାୟ ରଖିବା ଦ୍ୱାରା କରୋନାକୁ ଆମେ ସହଜରେ ହରାଇ ପାରିବା । ତେବେ ଏହାର ସୁଯୋଗ ନେଇ ଏବେ କିଛି କମ୍ପାନୀ ବଜାରକୁ ନକଲି ସାନିଟାଇଜର ପଠାଉଥିବା ବି ଦେଖା ଗଲାଣି । ତେବେ କିଏ କହୁଛି ଆମ ସାନିଟାଇଜର ୯୯ ପ୍ରତିଶତ ଜୀବାଣୁ ମାରିପାରିବ ତ ଆଉ କିଏ କହୁଛି ଆମର ଆଲୋକହଲ ବେସ୍ଡ ସାନିଟାଇଜର । ପୁଣି କିଏ କହୁଛି ଏହା ଭଲ ବାସ୍ନା ଯୁକ୍ତ ସାନିଟାଇଚଜ । ତେବେ ଜଣେ ସାଧାରଣ ଲୋକ ସାନିଟାଇଜର କିଣିବା ବେଳେ କେତେ ଗୁଡିଏ ଦିଗ ପ୍ରତି ଧ୍ୟାନ ଦେବା ଉଚିତ । ଚର୍ମରୋଗ ବିଶେଷଜ୍ଞଙ୍କ କହିବା ଅନୁଯାୟୀ, ଯେଉଁମାନଙ୍କର ଆଲର୍ଜି ଅଛି ସେମାନେ ବାସ୍ନାଯୁକ୍ତ ସାନିଟାଇଜର ବ୍ୟବହାର ନ କରିବା ଭଲ । ଆଉ ଯେଉଁଥିରେ ଇଥାଇଲ ଆଲୋକହଲର ମାତ୍ରା ୭୦ ପ୍ରତିଶତରୁ ଅଧିକ ରହିଛି ସେପରି ସାନିଟାଇଜର ଭଲ । ବେଳେ ବେଳେ ଆଲକୋହଲ ହାତକୁ ଡ୍ରାଏ ବା ଶୁଖିଲା କରିଦେଇଥାଏ । ତେଣୁ ସେସବୁ କ୍ଷେତ୍ରରେ ଗ୍ଲିସରିନ ଯୁକ୍ତ ସାନିଟାଇଜର ଭଲ । ଏବେ ନିଜ ପାଇଁ ସାନିଟାଇଜର କିଣିବା ବେଳେ ଏସବୁ ଦିଗ ପ୍ରତି ଧ୍ୟାନ ଦେଲେ ଭଲ ।
