ଭିଟାମିନ୍ ‘ଡି’ ଆମ ଶରୀର ପାଇଁ ନିହାତି ଆବଶ୍ୟକ। ତେବେ ଏପରି ଭିଟାମିନ୍ର ଅଭାବ ହେଲେ କେତେକ ଲକ୍ଷଣ ପ୍ରକାଶ ପାଇଥାଏ। ଜାଣନ୍ତୁ ସେ ସମ୍ପର୍କରେ..
ଅଯଥା ଝାଳ ବୋହିବା : ବେଶି ପରିଶ୍ରମ କଲେ, ଖରା ଦିନରେ କିମ୍ବା ଗରମ ହେଲେ ଆମ ଦେହରୁ ଝାଳ ବାହାରେ। ଏହାଛଡ଼ା ଜିମ୍ ଗଲେ ଏବଂ ବ୍ୟାୟାମ କଲେ ମଧ୍ୟ ଝାଳ ବାହାରେ। ଯଦି କିଛି କାମ ନ କରି ଆପଣଙ୍କର ଅତ୍ୟଧିକ ଝାଳ ବାହାରୁଛି, ତେବେ ଶରୀରରେ ଭିଟାମିନ୍ ‘ଡି’ ଅଭାବ ଅଛି। ଏଥିପାଇଁ ଆପଣ ଡାକ୍ତରଙ୍କ ସହ ପରାମର୍ଶ କରନ୍ତୁ।
ଦୁର୍ବଳ ଅନୁଭବ କରିବା : ଯଦି ଆପଣଙ୍କୁ ଅଧିକାଂଶ ସମୟ ଦୁର୍ବଳ ଲାଗୁଛି, ତେବେ ତାହା ହୁଏତ ଭିଟାମିନ୍ ‘ଡି’ ଅଭାବର ଲକ୍ଷଣ ହୋଇପାରେ। ବିଶେଷଭାବରେ ବୟସ୍କ ବ୍ୟକ୍ତିମାନଙ୍କଠାରେ ଏପରି ଲକ୍ଷଣ ଅଧିକ ଦେଖାଦେଇଥାଏ।
ଅସ୍ଥି ଦୁର୍ବଳ ହେବା : ଆମ ଶରୀରରେ ଭିଟାମିନ୍ ‘ଡି’ କମିଗଲେ ତାହାର ପ୍ରଭାବ ଅସ୍ଥି ଉପରେ ପଡ଼ିଥାଏ। ଏହାଦ୍ୱାରା ଅସ୍ଥି ଦୁର୍ବଳ ହୋଇଯାଏ। ଏହି ସମସ୍ୟା ଦୀର୍ଘଦିନ ଧରି ଲାଗି ରହିଲେ ତାହା ଅଷ୍ଟିଓପୋରୋସିସ୍ ସମସ୍ୟାର କାରଣ ସାଜିଥାଏ। ତେଣୁ ଏପରି ଲକ୍ଷଣ ଜାଣିବା ମାତ୍ରେ ଡାକ୍ତରଙ୍କ ସହ ପରାମର୍ଶ କରିବାକୁ ଭୁଲନ୍ତୁ ନାହିଁ।
ଡିପ୍ରେସନ : ଭିଟାମିନ୍ ‘ଡି’ ଅଭାବ ହେଲେ ତାହାର ପ୍ରଭାବ ଆପଣଙ୍କର ମାନସିକତା ଉପରେ ପଡ଼ିଥାଏ। ଏପରି ସମସ୍ୟା ଦୀର୍ଘଦିନ ଧରି ଲାଗି ରହିଲେ ତାହା ଡିପ୍ରେସନ (ଅବସାଦ) ପରି ସମସ୍ୟା ସୃଷ୍ଟି କରିବାର ଯଥେଷ୍ଟ ଆଶଙ୍କା ରହିଛି।
