୨୦୦୬ରୁ ପ୍ରତିବର୍ଷ ମେ’ ୧୭ ତାରିଖକୁ ବିଶ୍ୱ ଉଚ୍ଚ ରକ୍ତଚାପ ଦିବସ ଭାବେ ପାଳନ କରାଯାଉଅଛି। ଏ ବିଷୟରେ ସଚେତନ କରାଇବା ଏହି ଦିବସ ପାଳନର ଅସଲ ଉଦ୍ଦେଶ୍ୟ। ତେବେ ଉଚ୍ଚ ରକ୍ତଚାପ ଦ୍ୱାରା ବିଭିନ୍ନ ଅଙ୍ଗପ୍ରତ୍ୟଙ୍ଗ ଖରାପ ହେବାର ଆଶଙ୍କା ଥାଏ, ଯେପରି କି ମସ୍ତିଷ୍କ, ହୃତ୍ପିଣ୍ଡ, ବୃକ୍କ, ଆଖି ଇତ୍ୟାଦି। ତେଣୁ ଉଚ୍ଚ ରକ୍ତଚାପ ଥିବା ରୋଗୀ ନିୟମିତ ଡାକ୍ତରୀ ପରୀକ୍ଷା କରାଇବା ଜରୁରୀ। ଉଚ୍ଚ ରକ୍ତଚାପ ହେବା ପାଇଁ ଜେନେଟିକ୍, ଅସନ୍ତୁଳିତ ଖାଦ୍ୟପେୟ, ମେଦବହୁଳତା, ବ୍ୟାୟାମ ଅଭାବ, ମଦ୍ୟ ଏବଂ ସିଗାରେଟ୍ ସେବନ ଇତ୍ୟାଦି କାରଣ ମୁଖ୍ୟତଃ ଦାୟୀ। ଡାଇବେଟିସ ଏବଂ କିଡ୍ନୀ ରୋଗୀଙ୍କୁ ମଧ୍ୟ ଉଚ୍ଚ ରକ୍ତଚାପ ହେବାର ଆଶଙ୍କା ଅଧିକ ଥାଏ। ବିଭିନ୍ନ ପ୍ରକାରର ଔଷଧ ଦ୍ୱାରା ଉଚ୍ଚ ରକ୍ତଚାପର ଚିକିତ୍ସା କରାଯାଇଥାଏ। ତେଣୁ ଅବହେଳା ନ କରି ତୁରନ୍ତ ଏବଂ ନିୟମିତ ଅଭିଜ୍ଞ ଡାକ୍ତରଙ୍କ ପରାମର୍ଶ କରାଇ ନେବା ଆବଶ୍ୟକ। ‘ପ୍ରିଭେନ୍ସନ ଇଜ୍ ବେଟର ଦ୍ୟାନ୍ କ୍ୟୁଅର’ ତେଣୁ ଯେପରି ଜଣଙ୍କୁ ଉଚ୍ଚ ରକ୍ତଚାପ ନ ହୁଏ, ସେଦିଗରେ ବିଶେଷ ଧ୍ୟାନ ଦେବା ଜରୁରୀ। ଯେପରି କି – ନିୟମିତ ବ୍ୟାୟାମ କରିବା, ଅଧିକ ଚର୍ବିଯୁକ୍ତ ଖାଦ୍ୟ ନ ଖାଇବା, ନିଶା ସେବନଠୁ ଦୂରେଇ ରହିବା, ଠିକ୍ ସମୟରେ ସନ୍ତୁଳିତ ଆହାର କରିବା, ଉପଯୁକ୍ତ ନିଦ୍ରା, ମାନସିକ ଚାପ ଓ ଅବସାଦଠାରୁ ଦୂରେଇ ରହିବା, ସମୟ ଅନ୍ତରାଳରେ ରକ୍ତଚାପ, ରକ୍ତଶର୍କରା, ଲିପିଡି ପ୍ରୋଫାଇଲ, ୟୁରିଆ କ୍ରିଏଟିନ୍ ଇତ୍ୟାଦି ପରୀକ୍ଷା କରି ଡାକ୍ତରଙ୍କ ପରାମର୍ଶ ନେବା ଆବଶ୍ୟକ।
– ଡା. ମୃଣ୍ମୟ କୁମାର ମହାନ୍ତି
(ଏମ୍ରଜେନ୍ସି ମେଡିସିନ୍ ବିଶେଷଜ୍ଞ), ସିଲ୍ଭରସିଟି ହସ୍ପିଟାଲ, ଚାଉଳିଆଗଞ୍ଜ, କଟକ
