ଭୁବନେଶ୍ୱର,୨।୨: ହୋଣ୍ଡା କାର୍ସ ଇଣ୍ଡିଆ ଲିମିଟେଡ୍ (ଏଚ୍ସିଆଇଏଲ୍)ର ପଞ୍ଜୀକରଣରେ କ୍ରମାଗତ ବୃଦ୍ଧି ଘଟୁଛି। ଫଳରେ ୨୦୨୪ ଜାନୁଆରୀରେ ହୋଣ୍ଡା କାର୍ସର ମୋଟ ୮୬୮୧ ୟୁନିଟ୍ ଯାନ ବିକ୍ରି ହୋଇଛି। ଏପରିକି ୨୦୨୩ର ସମାନ ଅବଧିରେ କମ୍ପାନୀର ମୋଟ ଘରୋଇ ବିକ୍ରି ୭୮୨୧ ୟୁନିଟ୍ ଥିଲା। ଅପରପକ୍ଷରେ ହୋଣ୍ଡା କାର୍ସ ୨୦୨୪ ଜାନୁଆରୀରେ ମୋଟ ୪୫୩୧ ୟୁନିଟ୍ ଯାନ ରପ୍ତାନି କରିଥିଲାବେଳେ ୨୦୨୩ର ସମାନ ଅବଧିରେ ମୋଟ ୧୪୩୪ ୟୁନିଟ୍ ରପ୍ତାନି ପଞ୍ଜୀକରଣ ହୋଇଥିଲା। ଏ ସମ୍ପର୍କରେ ଏଚ୍ସିଆଇଏଲ୍ର ନିର୍ଦ୍ଦେଶକ (ମାକେଟିଂ ଆଣ୍ଡ ସେଲ୍ସ) ୟୁଇଚି ମୁରାତା କହିଛନ୍ତି, ବର୍ଷ ପ୍ରାରମ୍ଭରେ ବ୍ରାଣ୍ଡ୍ର ଚାହିଦା ଓ କାରବାର ସହିତ ହୋଣ୍ଡା ଏଲିଭେଟର ଡିମାଣ୍ଡ ଯୋଗୁ ଆମେ ଏକ ରେକର୍ଡ ପରିମାଣର ସେଲ୍ସ କରିପାରିଛୁ।
