ଲକ୍ଷ୍ନୌ,୨୧।୮: ଉତ୍ତରପ୍ରଦେଶର ଲକ୍ଷ୍ନୌରେ ସମାଜବାଦୀ ପାର୍ଟିର ଜାତୀୟ ସାଧାରଣ ସମ୍ପାଦକ ସ୍ବାମୀ ପ୍ରସାଦ ମୌର୍ଯ୍ୟଙ୍କ ଉପରେ ଜୋତା ମାଡ ହୋଇଛି। ଏକ କାର୍ଯ୍ୟକ୍ରମରେ ଏହି ଘଟଣା ଘଟିଛି। ଯୁବକ ଜଣକ ଜଣେ ଓକିଲଙ୍କ ନାମରେ ଆସିଥିଲେ। ଯୁବକମାନେ ସ୍ବାମୀ ପ୍ରସାଦଙ୍କ ଉପରେ ଏକ ଜୋତା ଫିଙ୍ଗିଥିଲେ। ଏହି ଆକ୍ରମଣରେ ସ୍ବାମୀ ପ୍ରସାଦ ଅଳ୍ପକେ ରକ୍ଷା ପାଇଥିଲେ। ଜୋତା ତାଙ୍କ ଶରୀରରେ ବାଜି ନ ଥିଲା। ଏହା ପରେ କାର୍ଯ୍ୟକ୍ରମରେ ଉପସ୍ଥିତ ଥିବା ବ୍ୟକ୍ତି ଏବଂ ସ୍ବାମୀ ପ୍ରସାଦଙ୍କ ସମର୍ଥକମାନେ ଅଭିଯୁକ୍ତ ଯୁବକଙ୍କୁ ଧରିଥିଲେ। ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ଯୁବକଙ୍କୁ ଗିରଫ କରିଥିଲା। ପୋଲିସ ତାଙ୍କୁ ପଚରାଉଚରା ଆରମ୍ଭ କରିଥିଲା। ଅଭିଯୁକ୍ତଙ୍କ ନାମ ଆକାଶ ସଇନି ବୋଲି କୁହାଯାଉଛି।
