ବାରଙ୍ଗ,୧୦।୧୨(ଡି.ଏନ୍.ଏ.): ଝାରସୁଗୁଡ଼ା ଡିଭିଜନ ବେଲପାହାଡ଼ ରେଞ୍ଜ୍ରୁ ଉଦ୍ଧାର ହୋଇଥିବା ହିମାଳୟ ଶାଗୁଣା ଶୁକ୍ରବାର ରାତିରେ ନନ୍ଦନକାନନ ପ୍ରାଣୀ ଉଦ୍ୟାନକୁ ଆସିଛି। ଶାଗୁଣାର ଲିଙ୍ଗ ଚିହ୍ନଟ ହୋଇ ନ ଥିବାବେଳେ ଏହାର ବୟସ ୨ ବର୍ଷ ହେବ। ଏହାର ରଙ୍ଗ ଧଳା ହୋଇଥିବା ବେଳେ ହିମାଳୟ ଓ ମଧ୍ୟଏସିଆ ପାର୍ବତ୍ୟ ଅଞ୍ଚଳରେ ଏମାନେ ବହୁଳଭାବେ ଦେଖାଯାଇଥାନ୍ତି। ଉଦ୍ଧାର ଶାଗୁଣାକୁ କର୍ତ୍ତୃପକ୍ଷ ବନ୍ୟପ୍ରାଣୀ ଚିକିତ୍ସାଳୟରେ ଚିକିତ୍ସକଙ୍କ ଦ୍ବାରା ପ୍ରାଥମିକ ସ୍ବାସ୍ଥ୍ୟ ପରୀକ୍ଷା ପରେ ବନ୍ୟପ୍ରାଣୀ ଚିକିତ୍ସାଳୟର କ୍ବାରାଣ୍ଟାଇନ୍ର ପୃଥକୀକରଣ ଏନ୍କ୍ଲୋଜରରେ ରଖାଯାଇଛି। ଏହି ଶାଗୁଣା ଆସିବା ପରେ ନନ୍ଦନକାନନରେ ଏମାନଙ୍କ ସଂଖ୍ୟା ବୃଦ୍ଧି ପାଇ ୫ରେ ପହଞ୍ଚତ୍ଛି।
