ଭୁବନ, ୧୧।୬(ଡି.ଏନ୍.ଏ) ଢେଙ୍କାନାଳ ଜିଲା ଭୁବନ ବ୍ଲକ କାନଖାଇ ଗ୍ରାମଦେଇ ଦୈନିକ ଶତାଧିକ କ୍ରୋମାଇଟ୍ ବୋଝେଇ ଭାରିଯାନ ଚଳାଚଳ କରୁଛି। ଫଳରେ ପ୍ରଦୂଷଣ ଏବଂ ଦୁର୍ଘଟଣା ବଢୁଛି। ଗ୍ରାମ୍ୟ ରାସ୍ତା ଶୋଚନୀୟ ହୋଇପଡ଼ିଲାଣି। ଏହାର ପ୍ରତିବାଦରେ ଦୀର୍ଘଦିନ ଧରି କୁହୁଳିଥିବା ପୁଞ୍ଜୀଭୂତ ଅସନ୍ତୋଷ ଉଗ୍ରରୂପ ନେଇଛି। ଗୁରୁବାର ରାତିରେ ଗ୍ରାମବାସୀ ୫୦ରୁ ଊର୍ଦ୍ଧ୍ୱ ଗାଡ଼ି ଅଟକ ରଖିବା ସହ ଏହାର ପ୍ରତିବାଦ କରିଛନ୍ତି। ଏହାକୁ ନେଇ ଟ୍ରକ୍ ଡ୍ରାଇଭର, କର୍ମଚାରୀଙ୍କ ସହ ସେମାନଙ୍କ ବଚସା ହୋଇଥିଲା। ପୋଲିସ ପହଞ୍ଚତ୍ ହସ୍ତକ୍ଷେପ କରିବା ପରେ ସ୍ଥିତି ନିୟନ୍ତ୍ରଣକୁ ଆସିଥିଲା।
ଅଭିଯୋଗ ଅନୁଯାୟୀ, ରାତିରେ ଭାରିଯାନଗୁଡ଼ିକ ୫୩ନଂ. ଜାତୀୟ ରାଜପଥ ପରିବର୍ତ୍ତେ ଗଁା ମଧ୍ୟ ଦେଇ ଯାଇଥିବା ପୂର୍ତ୍ତ ବିଭାଗ ରାସ୍ତାରେ ଚଳାଚଳ କରୁଛି। ଦ୍ରୁତ ଗାଡ଼ିଚାଳନା ଯୋଗୁ ଦୈନିକ ଛୋଟବଡ଼ ଦୁର୍ଘଟଣା ଘଟୁଛି। ଧୂଳିଧୂଅଁା ଅଣନିଃଶ୍ୱାସୀ କରୁଛି। ଏହାକୁ ନେଇ ୬ମାସ ହେଲା ଗ୍ରାମବାସୀ ବିରୋଧ କରି ଆସୁଥିଲେ ମଧ୍ୟ କେହି ଭ୍ରୂକ୍ଷେପ କରୁନାହାନ୍ତି। ସମସ୍ୟା ବଢ଼ିବା ପରେ ଗୁରୁବାର ରାତି ପ୍ରାୟ ୧୦ଟାରେ ଗ୍ରାମବାସୀ ୫୦ରୁ ଊର୍ଦ୍ଧ୍ୱ କ୍ରୋମାଇଟ୍ ବୋଝେଇ ଗାଡ଼ି ଅଟକ ରଖିଥିଲେ। ଭୁବନ ପୋଲିସ ପହଞ୍ଚତ୍ ବୁଝାଶୁଝା କରିଥିଲେ ମଧ୍ୟ ଆନ୍ଦୋଳନକାରୀମାନେ ଜିଦ୍ରେ ଅଟଳ ରହିଥିଲେ। ଗ୍ରାମବାସୀଙ୍କ ଦାବି ପୂରଣ କରାଯିବ ଏବଂ ଏଣିକି ୫୩ନଂ. ଜାତୀୟ ରାଜପଥ ଦେଇ ଟ୍ରକ୍ ଯାତାୟାତ କରିବ ବୋଲି ବୋଲି ପୋଲିସ ପ୍ରତିଶ୍ରୁତି ଦେଇଥିଲା। ଆଗାମୀ ଦିନରେ ଗ୍ରାମ ରାସ୍ତାଦେଇ ଭାରିଯାନ ଚଳାଚଳ କଲେ ଆନ୍ଦୋଳନ କରାଯିବ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି।
