କେସିଙ୍ଗା,୨୯ା୭(ତୁମେଶ୍ୱର ସାହୁ): କଳହାଣ୍ଡି ଜିଲାର କେସିଙ୍ଗା ବ୍ଲକ ଅଞ୍ଚଳରେ ଦୀର୍ଘ ୪ଦିନ ହେଲା ଲଗାଣ ବର୍ଷା ଲାଗି ରହିଥିବାରୁ ଚାଷଜମିରେ ବର୍ଷାଜଳ ଭରି ଯାଇଥିବାରୁ ଧାନଗଜା ବୁଡି ଗଲାଣି। ଯଦି ଆଉ କିଛି ଦିନ ବର୍ଷା ଲାଗି ରହିବ ତେବେ ଧାନ ଗଜା ବର୍ଷା ଜଳରେ ବୁଡ଼ି ନଷ୍ଟ ହୋଇଯିବାର ସମ୍ଭାବନା ରହିଛି। ସମଗ୍ର କେସିଙ୍ଗା ବ୍ଲକର ୨୬ଟି ପଞ୍ଚାୟତରେ ୯ହଜାର ହେକ୍ଟର ଜମିରେ ଧାନଚାଷ ଚାଷୀମାନେ କରିଛନ୍ତି। ୧୦ହଜାର ହେକ୍ଟରରେ କପା ଚାଷ କରାଯାଇଛି। ମକା , ମାଣ୍ଡିଆ, ଚିନାବାଦାମ, କାନ୍ଦୁଲ ଏଭଳି ବିଭିନ୍ନ ପ୍ରକାର ଚାଷ କରାଯାଇଛି। ଏହିପରି ଲଗାତର ବର୍ଷା ଜାରି ରହିବ। ତେବେ କପା ଗଛ ବର୍ଷା ଜଳରେ ଭାଙ୍ଗି ଯାଇ ବହୁ ନଷ୍ଟ ହେବ। କେସିଙ୍ଗା ବ୍ଲକର ବିଭିନ୍ନ ଗ୍ରାମର ଗରିବ ଲୋକଙ୍କ ଝାଟିମାଟି ଘର ଭାଙ୍ଗି ଗଲାଣି। ଚାଷୀମାନେ ବିଲରେ ଧାନ ବେଉଷଣ କରିବା ସମୟର ବର୍ଷା ଲାଗି ରହିଥିବାରୁ ଚାଷ କରିବାରେ ଚାଷୀଙ୍କ ବହୁ କ୍ଷତି ହେବାର ସମ୍ଭାବନା ଦେଖାଯାଉଛି। ଚାଷଜମିରେ ବର୍ଷାଜଳ ଭରି ରହିଥିବାରୁ ଧାନଗଜାଗୁଡ଼ିକ ନଷ୍ଟ ହେବା ସହ କପା, ମକା, ମାଣ୍ଡିଆ, କାନ୍ଦୁଲ ଭଳି ବହୁ ଚାଷ କ୍ଷତଗ୍ରସ୍ତ ହେବାର ସ୍ପଷ୍ଟ ଦେଖା ଯାଉଛି। ଲଗାତର ବର୍ଷା ହେଉଥିବାରୁ ଲୋକମାନେ ଗ୍ରାମଞ୍ଚଳରୁ ସହରକୁ ଯିବା କଷ୍ଟ ହେଉଛି। କେସିଙ୍ଗା ସହରରେ ପନିପରିବା, ଦୋକାନ, ବଜାର କିଣାବିକାରେ ବହୁ ଅସୁବିଧା ଦେଖାଯାଉଛି।
କେସିଙ୍ଗା ବ୍ଲକ ବାଲସି ଗ୍ରାମର ହଜାର ହଜାର ଏକର ଚାଷଜମିରେ ପାଣି ଭରି ଗଲାଣି। ବାଲସି ଗ୍ରାମରେ ଲୋକମାନେ ବର୍ଷା ଯୋଗୁ ଘରୁ ପଦାକୁ ବାହାରୁ ନାହାନ୍ତି। ଏ ସଂକ୍ରାନ୍ତରେ କେସିଙ୍ଗା ବି.ଏ.ଓ.ଜିତେନ୍ଦ୍ର ସିଂଙ୍କୁ ପଚାରିବାରୁ ବର୍ଷା ସରିଲେ ଆମ ଷ୍ଟାଫ୍ ସବୁ ଅଞ୍ଚଳକୁ ଯାଇ ସର୍ଭେ କରିବେ। ତେବେ ଜଣାପଡ଼ିବ କ’ଣ ସବୁ କ୍ଷୟକ୍ଷତି ହୋଇଛି।
