ଫିନିକ୍ସ,୫।୮ : ଅତ୍ୟଧିକ ଉତ୍ତାପ ଉଭୟ ମଣିଷ ଏବଂ ପ୍ରାଣୀଙ୍କ ଜୀବନ ଉପରେ ପ୍ରଭାବ ପକାଉଛି। ପ୍ରକାଶିତ ଏକ ରିପୋର୍ଟ ଅନୁଯାୟୀ, ଆରିଜୋନାରେ ଅଧିକ ତାପମାତ୍ରା ଯୋଗୁ ମହୁମାଛିଙ୍କ ମୃତ୍ୟୁ ସଂଖ୍ୟା ବୃଦ୍ଧି ପାଇଛି। ଜୁନ ୩୦ ରୁ ଜୁଲାଇ ୩୦ପର୍ଯ୍ୟନ୍ତ, ଫିନିକ୍ସର ତାପମାତ୍ରା କ୍ରମାଗତ ୩୧ ଦିନ ଧରି ୧୧୦ରୁ ଅଧିକ ଡିଗ୍ରୀ ଫାରେନ ହାଇଟ ରେକର୍ଡ ଭାଙ୍ଗିଥିଲା। ଯାହା ଆମେରିକାର ଯେକୌଣସି ସହର ପାଇଁ ରେକର୍ଡରେ ସବୁଠାରୁ ଉତ୍ତପ୍ତ ମାସ ଥିଲା ।
ଆରିଜୋନା ବିଶ୍ୱବିଦ୍ୟାଳୟର ଏଣ୍ଟୋମୋଲୋଜିଷ୍ଟ ଶକୁ ନାୟାର କହିଛନ୍ତି ଏହା ଏକ ପ୍ରମୁଖ ଚିନ୍ତାର ବିଷୟ।
ମହୁଫେଣା ୧୧୩ ଡିଗ୍ରୀ ଫାରେନ ହାଇଟ ପର୍ଯ୍ୟନ୍ତ ତାପମାତ୍ରା ସହ୍ୟ କରିପାରେ। ଜୁଲାଇ ସୁଦ୍ଧା, ଆମର ତାପମାତ୍ରା ୧୧୩ ଡିଗ୍ରୀ ଫାରେନ ହାଇଟ ଉପରେ ଅନେକ ଦିନ ରହିଥିଲା, ତେଣୁ ମହୁମାଛି ବର୍ତ୍ତମାନ ଖରାପ ପ୍ରଭାବ ପକାଉଛନ୍ତି ବୋଲି ନାୟାର କହିଛନ୍ତି।
ଏହି ରିପୋର୍ଟରେ ଫିନିକ୍ସର ମହୁମାଛି ପାଳନକାରୀ କ୍ରିକେଟ ଆଲଡ୍ରିଜ ଦର୍ଶାଇଛନ୍ତି ମହୁମାଛି ରହୁଥିବା ମହୁଫେଣା ତରଳି ଯାଉଛି। ଖାଦ୍ୟ ଅଭାବ ଯୋଗୁ ଅନ୍ୟ ମହୁମାଛି ଦଳ ପରସ୍ପର ଉପରେ ଆକ୍ରମଣ କରୁଛନ୍ତି।
ଉଲ୍ଲେଖଯୋଗ୍ୟ, ମହୁମାଛିମାନେ ମହୁଫେଣାକୁ ଥଣ୍ଡା କରିବା ପାଇଁ ପାଣି ଏବଂ ସେମାନଙ୍କର ଡେଣା ବ୍ୟବହାର କରି ଅତ୍ୟଧିକ ଉତ୍ତାପର ମୁକାବିଲା କରନ୍ତି। ନାୟାର କହିଛନ୍ତି ମହୁଫେଣା ରହିବା ପାଇଁ ୯୨ରୁ ୧୦୪ ଡିଗ୍ରୀ ଫାରେନ ହାଇଟ ମଧ୍ୟରେ ତାପମାତ୍ରା ବଜାୟ ରଖିବା ଆବଶ୍ୟକ ।
ଅତ୍ୟଧିକ ଉତ୍ତାପ ଫୁଲକୁ ମଉଳାଇ ଦେଇଛି ଏବଂ ସାଗୁଆରୋ କାକଟସକୁ ମାରି ଦେଇଛି ଯାହା ମହୁଫେଣାର ମୁଖ୍ୟ ଖାଦ୍ୟ ଉତ୍ସ ବୋଲି ନାୟାର କହିଛନ୍ତି।
