କାମାକ୍ଷାନଗର, ୧୭।୮(ଡି.ଏନ୍.ଏ.): ଢେଙ୍କାନାଳ ଜିଲା କାମାକ୍ଷାନଗର ରେକୁଳାଠାରେ ଥିବା ଜନସ୍ବାସ୍ଥ୍ୟ ବିଭାଗର ପମ୍ପ ହାଉସରେ ସୋମବାର ବିଳମ୍ବିତ ରାତ୍ରିରେ ଦୁର୍ବୃତ୍ତ ପଶିଥିଲେ । ଡ୍ରାଇଭରଙ୍କୁ ମାରଣାସ୍ତ୍ର ଦେଖାଇ ମାଡ଼ମାରି ପାଇପ, ମୋବାଇଲ ଓ ସୁନା ଚେନ ଲୁଟିନେଇଛନ୍ତି।
ସୂଚନାଯୋଗ୍ୟ, କାମାକ୍ଷାନଗର ସହରକୁ ଜନସ୍ବାସ୍ଥ୍ୟ ବିଭାଗ ତରଫରୁ ଜଳ ଯୋଗାଣ ହେଉଛି । ସହରକୁ ନୂତନ ପାଣି ପାଇପ ସଂଯୋଗ ପାଇଁ ପମ୍ପ ହାଉସ ନିକଟରେ ପାଇପ ଥିବାସହ ଦୁଇଟି ପମ୍ପ ହାଉସର ଡ୍ରାଇଭର ଶ୍ରୀଧର ବେହେରା ଓ ପ୍ରଦୀପ୍ତ ବେହେରା ଜଗିଥିଲେ। ରାତିରେ ୪ରୁ ୫ ଦୁର୍ବୃତ୍ତ ଶ୍ରୀଧର ଏବଂ ପ୍ରଦୀପ୍ତଙ୍କ ହାତଗୋଡ ବାନ୍ଧିବା ସହିତ ମାଡ଼ ମାରିଥିଲେ। ୫୦ରୁ ଊର୍ଦ୍ଧ୍ୱ ପାଇପ ଗାଡ଼ିରେ ନେଇ ଫେରାର ହୋଇଯିବା ସହ ପ୍ରଦୀପ୍ତଙ୍କ ସୁନାଚେନ, ବ୍ରେସ୍ଲେଟ ଓ ଦାମୀ ମୋବାଇଲ ଲୁଟି ନେଇଥିଲେ। ଏ ନେଇ ପୋଲିସରେ ତଦନ୍ତ ଆରମ୍ଭ କରିଛି ।
