ପୁରୀ ଅଫିସ,୭।୧୧: ଶ୍ରୀମନ୍ଦିର ପରିସରରେ ମହିଳା ଭକ୍ତଙ୍କୁ ଆକ୍ରମଣ ଘଟଣାରେ କାର୍ଯ୍ୟାନୁଷ୍ଠାନ ନିଆଯାଇଛି। ସମ୍ପୃକ୍ତ ସୁରକ୍ଷାକର୍ମୀ ତଥା ହାବିଲଦାର ପ୍ରଶାନ୍ତଙ୍କୁ ପୁରୀ ଏସ୍ପି କେ ବିଶାଲ ସିଂହ ନିଲମ୍ବିତ କରିଛନ୍ତି। ଅପରପକ୍ଷେ ମହିଳାଙ୍କ ଚିକିତ୍ସା ସଦର ହସ୍ପିଟାଲରେ କରାଯାଉଛି।
ପ୍ରକାଶ ଯେ, ଶ୍ରୀଜିଉଙ୍କ ଦର୍ଶନ ପାଇଁ ଆସିଥିଲେ ବ୍ରହ୍ମପୁର ଅଞ୍ଚଳର ମାଧୁରୀ ଦାଶ। ଘଣ୍ଟି ଦ୍ୱାର ନିକଟରେ ପୋଲିସ ତାଙ୍କୁ ଅଟକାଇଥିଲା। ଏହାପରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହେବା ସହ ସେ ତାଙ୍କ ମୁଣ୍ଡକୁ ମାଡ ମାରିଥିଲେ। ଏହାଜଣା ପଡ଼ିବା ପରେ ପୁରୀ ଏସ୍ପି ଡାକ୍ତରଖାନାରେ ପହଞ୍ଚି ଆହତ ମହିଳାଙ୍କୁ ଭେଟିଥିଲେ। ଏଥିସହ ଘଟଣା କାହିଁକି ଘଟିଲା ତାର ତଦନ୍ତ କରାଯିବ ବୋଲି କହିଥିଲେ।
