ଢାକା,୬।୨: ପୁଣି ଅଶାନ୍ତ ହେଲା ବାଂଲାଦେଶ। ଶେଖ ହାସିନାଙ୍କ ଭାଷଣକୁ ନେଇ ଦେଶରେ ତୁମୁଳକାଣ୍ଡ ସୃଷ୍ଟି ହୋଇଛି। ଅନଲାନରେ ବିବାଦୀୟ ଭାଷଣକୁ ନେଇ ହାସିନାଙ୍କୁ ଟାର୍ଗେଟ କରାଯାଇଛି। ଏହାକୁ ନେଇ ଶେଖ ହାସିନାଙ୍କ ବାପା ମୁଜିବୁର ରେହମାନଙ୍କ ଘରେ ନିଆଁ ଲଗାଇ ଦେଇଛନ୍ତି ବିକ୍ଷୋଭକାରୀ। ଘରେ ପଶି ଭଙ୍ଗାରୁଜା କରିବା ସହ ନିଆଁ ଲଗାଇ ଦେଇଛନ୍ତି ହଜାର ହଜାର ଆନ୍ଦୋଳନକାରୀ। ସେମାନେ ଆୱାମୀ ଲିଗ ଦଳକୁ ବ୍ୟାନ କରିବାକୁ ଦାବି କରି ଆନ୍ଦୋଳନ କରିଛନ୍ତି।
ସୂଚନାଥାଉ କି, ବୁଧବାର ରାତିରେ ପ୍ରଦର୍ଶନକାରୀମାନେ ହାସିନାଙ୍କ ବାପା ବଙ୍ଗବନ୍ଧ ଶେଖ ମୁଜିବୁର ରହମାନଙ୍କ ଧାନମଣ୍ଡି-୩୨ସ୍ଥିତ ବାସଭବନକୁ ଆକ୍ରମଣ କରିବା ସହ ଭଙ୍ଗାରୁଜା କରିଛନ୍ତି। ଏହି ଆକ୍ରମଣ ଏପରି ସମୟରେ ହୋଇଥିଲା ଯେତେବେଳେ ସୋସିଆଲ ମିଡିଆରେ “ବୁଲଡୋଜର ରାଲି” ଘୋଷଣା ଦ୍ରୁତ ଗତିରେ ପ୍ରସାରିତ ହେଉଥିଲା। ଏହି ସମୟ ମଧ୍ୟରେ, ପ୍ରଦର୍ଶନକାରୀମାନେ ଅନେକ ଉତ୍ତେଜନାପୂର୍ଣ୍ଣ ସ୍ଲୋଗାନ ଦେଇଥିଲେ। କହିରଖୁଛୁ ଯେ ଶେଖ ହାସିନାଙ୍କ ଅନଲାଇନ ସମ୍ବୋଧନର କିଛି ମିନିଟ ପୂର୍ବରୁ ଛାତ୍ରଙ୍କ ଦ୍ୱାରା ଏହି ଘଟଣା ଘଟିଥିଲା।
