ନୂଆଦିଲ୍ଲୀ,୧୦।୯: ଭାରତୀୟ କ୍ରିକେଟ୍ର ଷ୍ଟାର୍ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ପ୍ରତ୍ୟାବର୍ତ୍ତନକୁ ନେଇ ଆସିଛି ବଡ଼ ଖବର। ଆହତ ସମସ୍ୟା କାରଣରୁ ଦୀର୍ଘ ସମୟ ଧରି କ୍ରିକେଟରୁ ଦୂରେ ଥିବା ପାଣ୍ଡ୍ୟାଙ୍କୁ ଅଷ୍ଟ୍ରେଲିଆ ‘ଏ’ ବିପକ୍ଷ ଦିନିକିଆ ସିରିଜ ପାଇଁ ଇଣ୍ଡିଆ ‘ଏ’ ଦଳରେ ସାମିଲ କରାଯାଇଛି। ତେବେ ତାଙ୍କ ଖେଳିବା ଫିଟନେସ କ୍ଲିୟରାନ୍ସ ଉପରେ ନିର୍ଭର କରିବ।
ଅଷ୍ଟ୍ରେଲିଆ ‘ଏ’ ଦଳର ଭାରତ ଗସ୍ତ ସେପ୍ଟେମ୍ବର ୨୨ରୁ ଆରମ୍ଭ ହେବ। ପ୍ରଥମେ ଦୁଇଟି ମଲ୍ଟି-ଡେ ମ୍ୟାଚ ଖେଳାଯିବ। ଏହି ଦୁଇ ମ୍ୟାଚରେ ପାଣ୍ଡ୍ୟା ଖେଳିବେ ନାହିଁ। ତାଙ୍କୁ ଇଣ୍ଡିଆ ‘ଏ’ର ଦିନିକିଆ ଦଳରେ ରଖାଯାଇଛି, ଯାହାର ପ୍ରଥମ ମ୍ୟାଚ ଅକ୍ଟୋବର ୬ରେ ପୁଡୁଚେରୀରେ ଖେଳାଯିବ।
ତେବେ ଫିଟନେସ କ୍ଲିୟାରାନ୍ସ ମିଳିଲେ ହିଁ ପାଣ୍ଡ୍ୟା ଅଷ୍ଟ୍ରେଲିଆ ‘ଏ’ ବିପକ୍ଷରେ ଖେଳିପାରିବେ। BCCI ମଧ୍ୟ ତାଙ୍କ ନାମ ପାଖରେ ‘ସବଜେକ୍ଟ ଟୁ ଫିଟନେସ କ୍ଲିୟାରାନ୍ସ’ ଉଲ୍ଲେଖ କରିଛି।
BCCI ଘୋଷଣା କରିଥିବା ୧୫ ଜଣିଆ ଦିନିକିଆ ଦଳରେ ହାର୍ଦ୍ଦିକ ପାଣ୍ଡ୍ୟାଙ୍କ ସହ ରୁତୁରାଜ ଗାଏକୱାଡ, ରଜତ ପାଟିଦାର, ସାଇ ସୁଦର୍ଶନ, ଦେବଦତ୍ତ ପଡିକଲ ଓ ନମନ ଧୀରଙ୍କ ଭଳି ଖେଳାଳି ରହିଛନ୍ତି। ରୁତୁରାଜ ଗାଏକୱାଡ ଦିନିକିଆ ଦଳର ଅଧିନାୟକ, ଯେତେବେଳେ ଦେବଦତ୍ତ ପଡିକଲଙ୍କୁ ଉପଅଧିନାୟକ କରାଯାଇଛି।
ପାଣ୍ଡ୍ୟାଙ୍କ ପାଇଁ ଆହତ ସମସ୍ୟା ଦୀର୍ଘଦିନ ଧରି ଚିନ୍ତାର କାରଣ ପାଲଟିଛି। ସେ ଶେଷଥର IPL ୨୦୨୬ ସିଜିନରେ ଖେଳିଥିଲେ ଏବଂ ଏହାପରେ ଆହତ କାରଣରୁ ପ୍ରତିଯୋଗିତାମୂଳକ କ୍ରିକେଟ୍ରୁ ଦୂରେ ରହିଛନ୍ତି। ଏବେ ଇଣ୍ଡିଆ ‘ଏ’ ଦଳ ଜରିଆରେ ତାଙ୍କ ପ୍ରତ୍ୟାବର୍ତ୍ତନର ରାସ୍ତା ଖୋଲିଛି।
ପାଣ୍ଡ୍ୟାଙ୍କ ପ୍ରତ୍ୟାବର୍ତ୍ତନ ଭାରତୀୟ ଦଳ ପାଇଁ ମଧ୍ୟ ଗୁରୁତ୍ୱପୂର୍ଣ୍ଣ, କାରଣ ଜଣେ ଫିଟ ହାର୍ଦ୍ଦିକ ଭାରତର ହୱାଇଟ-ବଲ ଟିମରେ ବ୍ୟାଟିଂ ଓ ବୋଲିଂଦୁଇଟି ବିଭାଗରେ ଗୁରୁତ୍ୱପୂର୍ଣ୍ଣ ବିକଳ୍ପ ଦେଇପାରନ୍ତି।
