ନୂଆଦିଲ୍ଲୀ,୨୧।୧୨: ୨୦୨୧ ଭାରତୀୟ କ୍ରିକେଟର୍ ହାର୍ଦ୍ଦିକ ପାଣ୍ଡ୍ୟାଙ୍କ ଆଦୌ ଭଲ ନ ଥିଲା। ସେ ପ୍ରଥମେ ଆଇପିଏଲ ୨୦୨୧ରେ ବିଫଳ ହୋଇଥିଲେ। ତା’ପରେ ଟି -୨୦ ବିଶ୍ୱକପରେ ମଧ୍ୟ ଭଲ ପ୍ରଦର୍ଶନ କରିପାରି ନ ଥିଲେ। ଏହା ପରେ ମୁମ୍ବାଇ ଇଣ୍ଡିଆନ୍ସ ତାଙ୍କୁ ଆଇପିଏଲ ୨୦୨୨ ପାଇଁ ରଖିନାହ। ସେ ବର୍ତ୍ତମାନ ଖରାପ ଫିଟନେସ ସହ ଲଢୁଛନ୍ତି। ଏଭଳି ପରିସ୍ଥିତିରେ ସେ ଆସନ୍ତା ୨ ମାସ ପାଇଁ ପଡ଼ିଆକୁ ଫେରି ପାରିବେ ନାହିଁ।
ଆସନ୍ତା ବର୍ଷ ୬ ରୁ ୨୦ ଫେବୃୟାରୀ ୨୦୨୨ ପର୍ଯ୍ୟନ୍ତ ୱେଷ୍ଟଇଣ୍ଡିଜ ସହିତ ଭାରତକୁ ୩ଟି ଦିନିକିଆ ଏବଂ ଟି୨୦ ସିରିଜ ଖେଳିବାକୁ ପଡିବ। ଏହା ପରେ ଶ୍ରୀଲଙ୍କା ଦଳ ଫେବୃଆରୀ ୨୫ରୁ ୧୮ ମାର୍ଚ୍ଚ ପର୍ଯ୍ୟନ୍ତ ୨ ଟି ଟେଷ୍ଟ ଏବଂ ୩ ଟି -୨୦ ମ୍ୟାଚ ପାଇଁ ଭାରତ ଗସ୍ତ କରିବ। ଏହି ଦୁଇଟି ସିରିଜରେ ହାର୍ଦ୍ଦିକ ପାଣ୍ଡ୍ୟାଙ୍କ ଖେଳିବା ସମ୍ଭବ ନୁହେଁ। ବିସିସିଆଇ ସ୍ପଷ୍ଟ କରିଛି ଯେ, ଯଦି ହାର୍ଦ୍ଦିକ ପାଣ୍ଡ୍ୟାଙ୍କୁ ଟିମ ଇଣ୍ଡିଆକୁ ଫେରିବାକୁ ପଡିବ, ତେବେ ତାଙ୍କୁ ଏନସିଏରେ ତାଙ୍କ ଫିଟନେସ ଉପରେ କାମ କରିବାକୁ ପଡିବ ଏବଂ ତା’ପରେ ଘରୋଇ କ୍ରିକେଟ ରେ ନିଜକୁ ପ୍ରମାଣ କରିବାକୁ ପଡିବ।
ଜାନୁଆରୀରେ ଆଇପିଏଲ ୨୦୨୨ ନିଲାମ ହେବାକୁ ଯାଉଛି ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ଫିଟନେସ ଉପରେ ପ୍ରଶ୍ନ ଉଠିଛି।
