ନୂଆଦିଲ୍ଲୀ,୨୭।୮: ଭାରତୀୟ କ୍ରିକେଟ ଟିମ୍ର ଅଭିଜ୍ଞ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଖୁବ୍ଶୀଘ୍ର ମଇଦାନକୁ ଫେରିବେ। ସେ ଏବଂ ତାଙ୍କ ଭାଇ କ୍ରୁନାଲ ପାଣ୍ଡ୍ୟା ଆଇପିଏଲ୍ ୨୦୨୧ର ଦ୍ୱିତୀୟ ପର୍ଯ୍ୟାୟ ମ୍ୟାଚ୍ ପାଇଁ ୟୁଏଇରେ ପହଞ୍ଚି ସାରିଛନ୍ତି। ଏବେ ଖେଳଠାରୁ ଦୂରରେ ଥିବା ହାର୍ଦ୍ଦିକ ଭିନ୍ନ କାରଣକୁ ନେଇ ଚର୍ଚ୍ଚାରେ। ତାହା ହେଲା ଅଲରାଉଣ୍ଡରଙ୍କ ଘଣ୍ଟା।
ହାର୍ଦ୍ଦିକ ଓ ତାଙ୍କ ଭାଇଙ୍କ ଦାମୀ ଜିନିଷର ସଉକ ରହିଛି। ଉଭୟ ଭାଇ ନିଜ ପରିଶ୍ରମ ବଳରେ ଏପରି ସ୍ତରରେ ପହଞ୍ଚିଛନ୍ତି ଯେ ମନ ମୁତାବକ ଜିନିଷ କ୍ରୟ କରିବାକୁ ସେମାନେ ଦ୍ୱିଧା କରନ୍ତି ନାହିଁ। ବର୍ତ୍ତମାନ ହାର୍ଦ୍ଦିକଙ୍କ ମହଙ୍ଗା ଜିନିଷ ସଂଗ୍ରହରେ ଆଉ ଏକ ନୂତନ ଜିନିଷ ଯୋଡ଼ା ହୋଇଛି। ସେଇଟି ହେଉଛି ତାଙ୍କର ନୂଆ ଘଣ୍ଟା। ପାଣ୍ଡା ନିଜର ଏହି ଘଣ୍ଟାର ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି।
ପାଣ୍ଡ୍ୟାଙ୍କ ନୂଆ ଘଣ୍ଟାର ମୂଲ୍ୟ ୫ କୋଟି ଟଙ୍କା। କାରଣ ଏହା ହେଉଛି ଏକ ବିରଳ କଲେକ୍ସନର ଘଣ୍ଟା। ଏହାର ନାମ ପାଟେକ ଫିଲିପେ ନାଟିଲସ୍ ପ୍ଲାଟିନମ୍ ୫୭୧୧। ଘଣ୍ଟାଟି ସମ୍ପୂର୍ଣ୍ଣ ଭାବେ ପ୍ଲାଟିନମ୍ରେ ନିର୍ମିତ। ଏଥିରେ ସବୁଜ ରଙ୍ଗର ୩୨ଟି ଏମେରାଲ୍ଡ ଅଛି। ତେବେ କିଛି ଦିନ ପୂର୍ବରୁ ପାଣ୍ଡ୍ୟା ଭାଇମାନେ ମୁମ୍ବାଇରେ ୮ ବିଏଚ୍କେ ଫ୍ଲାଟ୍ କିଣିଥିଲେ । ଏହାର ମୂଲ୍ୟ ୩୦ କୋଟି ଥିଲା।
