ବିଶ୍ୱର ପ୍ରସିଦ୍ଧ ମହିଳା କ୍ରିକେଟ୍ରଙ୍କ ମଧ୍ୟରୁ ଭାରତର ଝୁଲନ ଗୋସ୍ବାମୀ ଅନ୍ୟତମ। ସେ ଆଜି ନିଜର ୩୯ତମ ଜନ୍ମଦିନ ପାଳନ କରୁଛନ୍ତି। ଝୁଲନ ୨୦୦୩ରେ ଭାରତ ପକ୍ଷରୁ ଡେବ୍ୟୁ କରିଥିଲେ। ଏପର୍ଯ୍ୟନ୍ତ ସେ ଅନେକ ରେକର୍ଡ ନିଜ ନଁାରେ କରିଛନ୍ତି। ଦିନିକିଆ କ୍ରିକେଟ୍ରେ ସେ ବିଶ୍ୱର ସର୍ବାଧିକ ଉଇକେଟ୍ ନେଇଥିବା କ୍ରିକେଟର୍ ଅଟନ୍ତି। ପଶ୍ଚିମବଙ୍ଗର ନଦିଆ ଜିଲାରେ ଜନ୍ମିତ ଝୁଲନ ଦିନିକିଆରେ ମୋଟ ୨୪୦ଟି ଉଇକେଟ୍ ନେଇଛନ୍ତି। ତାଙ୍କୁ ଭାରତୀୟ ମହିଳା ଦଳର ‘ବାବୁଲ’ ମଧ୍ୟ କୁହାଯାଏ। ୨୦୧୦ରେ ଝୁଲନଙ୍କୁ ପ୍ରତିଷ୍ଠିତ ଅର୍ଜୁନ ପୁରସ୍କାରରେ ସମ୍ମାନୀତ କରାଯାଇଥିଲା। ଦୁଇବର୍ଷ ପରେ ତାଙ୍କୁ ପଦ୍ମଶ୍ରୀ ସମ୍ମାନ ଦିଆଯାଇଥିଲା। ଝୁଲନ ନିଜ କ୍ରିକେଟ୍ କ୍ୟାରିୟର୍ରେ ୧୨ଟି ଟେଷ୍ଟରେ ୪୪ଟି ଉଇକେଟ୍, ୧୯୨ଟି ଦିନିକିଆରେ ୨୪୦ଟି ଉଇକେଟ୍ ଏବଂ ୬୮ଟି ଟି-୨୦ରେ ସେ ୫୬ଟି ଉଇକେଟ୍ ନେଇଛନ୍ତି। ୨୦୦୬ରେ ଇଲଂଣ୍ଡ ବିପକ୍ଷ ସିରିଜ୍ର ଦ୍ୱିତୀୟ ଟେଷ୍ଟରେ ସେ ଜବରଦସ୍ତ ପ୍ରଦର୍ଶନ କରିଥିଲେ। ସେ ଏହି ଟେଷ୍ଟରେ ୭୮ ରନ୍ ଦେଇ ୧୦ ଉଇକେଟ୍ ନିଜ ନାମରେ କରିଥିଲେ।
