ମୁମ୍ବାଇ: ଖୁବ୍ କମ୍ ବୟସରେ ବଲିଉଡ ଦୁନିଆରେ ନିଜର ସୁମଧୁର ସ୍ୱରକୁ ନେଇ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି ଧ୍ୱନି ଭାନୁଶାଳି(Dhvani Bhanushali) । ୨୨ ମାର୍ଚ୍ଚ ୧୯୯୮ରେ ମୁମ୍ବାଇରେ ଜନ୍ମ ନେଇଥିବା ଏହି ଗାୟିକା ମୁମ୍ବାଇରେ ହିଁ ପାଠ ପଢିଛନ୍ତି । ପିଲାଟି ଦିନରୁ ସଙ୍ଗିତରେ ରୁଚି ରଖୁଥିବା ଭାନୁଶାଳି ଆଜି ବଲିଉଡରେ ପାଦ ଦେଇଛନ୍ତି । ତେବେ ତାଙ୍କ ଦାଦା ସଙ୍ଗିତର ଜଣେ ପୂଜାରୀ ଥିବା ବେଳେ ପିଲାଦିନେ ସେ ତାଙ୍କଠାରୁ ବି କିଛି ସଙ୍ଗିତ ଶିକ୍ଷା କରିଛନ୍ତି । ୨୦୧୭ରେ ସେ ତାଙ୍କ କ୍ୟାରିୟର ଆରମ୍ଭ କରିଥିଲେ । ଟି ସିରିଜ କମ୍ପାନୀ ପାଇଁ ଫିଲ୍ମ ‘ବଦ୍ରିନାଥ କି ଦୁହ୍ଳନିୟା’ରେ ‘ହମସଫର’ର ଫିମେଲ ଭର୍ସନକୁ ଗାଇଥିଲେ ଭାନୁଶାଳି । ଏହି ଗୀତଟିକୁ ଶ୍ରୋତା ଖୁବ୍ ପସନ୍ଦ କରିଥିଲେ ।
ଭାନୁଶାଳି ଫିଲ୍ମ ୱେଲକମ୍ ଟୁ ନ୍ୟୁୟର୍କ, ବୀରେ ଦ ୱେଡିଂ, ସତ୍ୟମେବ ଜୟତେ, ଲୁକା ଚ୍ଛୁପି ଓ ମରଜାୱାଂ ପାଇଁଗୀତ ଗାଇ ଦର୍ଶକଙ୍କ ନିକଟତର ହୋଇ ପାରିଛନ୍ତି । ତାଙ୍କ ନାଁରେ ରହିଛି ଏକ ବିରଳ ରେକର୍ଡ । ୨୦୧୯ରେ ଟି ସିରିଜ ତା’ର ସୋସିଆଲ ମିଡିଆ ଆକାଉଣ୍ଟରେ ଏକ ପୋଷ୍ଟ ଶେୟାର କରିଥିଲା । ଯେଉଁଥିରେ ଏକ ପୋଷ୍ଟର ସାମିଲ ଥିଲା । ସେଥିରେ ଧ୍ୱନି ଭାନୁଶାଳିଙ୍କ ଫଟୋ ସହ ତାଙ୍କର ଦୁଇଟି ଗୀତ ଲେ ଯା ରେ ଓ ୱାସ୍ତେର ୟୁଟ୍ୟୁବ ଭ୍ୟୁଜ ଏକ ବିଲିୟନ୍ ଅର୍ଥାତ୍ ୧ ଅରବ କ୍ରସ କରିଥିବା ସୂଚନା ଦିଆଯାଇଥିଲା । ଏହି ପୋଷ୍ଟ ମାଧ୍ୟମରେ କୁହାଯାଇଥିଲା କି ଧ୍ୱନି ଭାନୁଶାଳି ୨୧ ବର୍ଷ ବୟସରେ ଇତିହାସ ରଚିଥିବା ପ୍ରଥମ ଭାରତୀୟ ଯୁବା ମହିଳା ସିଙ୍ଗର । ଏବେ ସେ ସବୁଠାରୁ ଲୋପ୍ରିୟ ଗାୟିକା ତାଲିକାରେ ରହିଛନ୍ତି ।
