ବେଜିଂ,୩ ।୭: ହାଇୱେ, ପୋଲ ଆଦି ନିର୍ମାଣ ସମୟରେ ବେଳେ ବେଳେ ସାଧାରଣ ଜନତାଙ୍କ ଜାଗାକୁ ସରକାର ବ୍ୟବହାର କରିଥାଆନ୍ତି । ଆଉ ଏହା ବଦଳରେ ସେମାନଙ୍କୁ କିଛି ମୂଲ୍ୟ ଦିଆଯାଇଥାଏ । ହେଲେ ଚାଇନାର ଗୁରଙ୍ଗଜାଓ ସହରରେ ରାସ୍ତା ନିର୍ମାଣ ସମୟରେ ଜଣେ ମହିଳା ତାଙ୍କ ଜମି ଦେବାକୁ ମନା କରି ଦେବାରୁ ଏବେ ତାଙ୍କ ଘରଟି ରାସ୍ତା ମଝିରେ ରହିଯାଇଛି ଯାହା ସମସ୍ତଙ୍କୁ ଆକର୍ଷିତ କରୁଛି । ଚାଇନାର ହଇଜୁଆଙ୍ଗ ବ୍ରିଜ ନିର୍ମାଣ ସମୟରେ ଜଣେ ମହିଳାଙ୍କ ୪୩୦ ସ୍କୋୟାର ଫୁଟରେ ଥିବା ଏକ ଘର ମଝିରେ ଆସି ଯାଇଥିଲା । ସରକାର ଏହି ଘର ବଦଳରେ ତାଙ୍କୁ କିଛି ଅର୍ଥ ଅଥବା ଏକ ଫ୍ଲାଟ ଅଫର କରିଥିଲେ । ହେଲେ ଏଥିରେ ମହିଳା ଜଣକ ରାଜି ହୋଇ ନ ଥିଲେ । ଫଳରେ ଘରକୁ ବାଦ୍ ଦେଇ ସଡ଼କ ନିର୍ମାଣ କରାଯାଇଥିଲା । ଏବେ ଏହା ହାଇୱେ ମଝିରେ ରହିଯାଇଛି । ଯାହା ଦେଖେଣାହାରିଙ୍କୁ ଆକର୍ଷିତ କରୁଛି । ହାଇୱେ ତଳେ ରହିଯାଇଥିବାରୁ ଘରର ଦାମ୍ ମଧ୍ୟ ଏବେ କମ୍ ହୋଇ ଯାଇଛି । ହେଲେ ଏହାକୁ ନେଇ ମହିଳା ଜଣକ କୁହନ୍ତି ମୁଁ ମୋ ହିସାବରେ ବଞ୍ଚିବାକୁ ଭଲପାଏ । ଏହାପରେ ଲୋକେ ମୋତେ ମନେ ରଖିବେ । ସୂଚନାଯୋଗ୍ୟ, ଉକ୍ତ ହାଇୱେଟି ୨୦୨୦ରେ ଯାତାୟତ ପାଇଁ ଖୋଲାଯାଇଛି ।
