ବୈଦିକ ଜ୍ୟୋତିଷରେ ଦେବଗୁରୁ ବୃହସ୍ପତିଙ୍କୁ ଜ୍ଞାନ, ଧନ, ସୁଖ, ସନ୍ତାନ ଏବଂ ସୌଭାଗ୍ୟର କାରକ ଗ୍ରହ ଭାବେ ବିବେଚନା କରାଯାଏ। ଗୁରୁ ଯେତେବେଳେ ରାଶି ପରିବର୍ତ୍ତନ କରନ୍ତି, ତାହାର ପ୍ରଭାବ ସମସ୍ତ ୧୨ଟି ରାଶିର ବ୍ୟକ୍ତିବିଶେଷଙ୍କ ଜୀବନରେ ଭିନ୍ନ ଭିନ୍ନ ଭାବରେ ଦେଖିବାକୁ ମିଳିଥାଏ। ବର୍ତ୍ତମାନ ସମୟରେ ବୃହସ୍ପତି ନିଜର ଉଚ୍ଚ ରାଶି କର୍କଟରେ ବିରାଜମାନ ଅଛନ୍ତି। ଏହି ସ୍ଥିତିରେ କିଛି ରାଶି ପାଇଁ ହଂସ ରାଜଯୋଗ ସହିତ ବିଶେଷ ଭାବଗୁଡ଼ିକରେ ବିପରୀତ ରାଜଯୋଗ ସୃଷ୍ଟି ହେଉଛି। ଜ୍ୟୋତିଷୀୟ ମାନ୍ୟତା ଅନୁସାରେ, ଏହି ଯୋଗର ପ୍ରଭାବରୁ କିଛି ଲୋକଙ୍କର ଅଟକି ରହିଥିବା କାର୍ଯ୍ୟ ସମ୍ପୂର୍ଣ୍ଣ ହେବା, ଆର୍ଥିକ ଲାଭ ଏବଂ ମନୋକାମନା ପୂରଣ ହେବାର ସୁଯୋଗ ମିଳିପାରେ। ଏହି ଫଳାଫଳ ଚନ୍ଦ୍ର ରାଶି ଉପରେ ଆଧାରିତ।
ଦେବଗୁରୁ ବୃହସ୍ପତି ୨ ଜୁନ ୨୦୨୬ରେ କର୍କଟ ରାଶିରେ ପ୍ରବେଶ କରିଥିଲେ ଏବଂ ସେ ୩୧ ଅକ୍ଟୋବର ୨୦୨୬ ପର୍ଯ୍ୟନ୍ତ ଏହି ରାଶିରେ ରହିବେ। ଏହି ସମୟ ମଧ୍ୟରେ ତାଙ୍କର ସ୍ଥିତି କୁଣ୍ଡଳୀର ଷଷ୍ଠ, ଅଷ୍ଟମ ଏବଂ ଦ୍ୱାଦଶ ଭାବରୁ ସୃଷ୍ଟି ହେଉଥିବା ବିପରୀତ ରାଜଯୋଗକୁ ପ୍ରଭାବିତ କରୁଛି। ଆସନ୍ତୁ ଜାଣିବା କେଉଁ ରାଶିଗୁଡ଼ିକ ପାଇଁ ଏହି ସମୟ ବିଶେଷ ହୋଇପାରେ।
ସିଂହ ରାଶିର ବ୍ୟକ୍ତିବିଶେଷଙ୍କ କୁଣ୍ଡଳୀର ଦ୍ୱାଦଶ (୧୨ଶ) ଭାବରେ ଗୁରୁଙ୍କ ଗୋଚର ହେଉଛି। ଏହି ସ୍ଥିତିରେ ସୃଷ୍ଟି ହେଉଥିବା ବିପରୀତ ରାଜଯୋଗ ବିଦେଶ ସମ୍ୱନ୍ଧୀୟ କାର୍ଯ୍ୟରେ ଲାଭ ଦେଇପାରେ। ବିଦେଶ ଯାତ୍ରାର ଇଚ୍ଛା ପୂରଣ ହେବା ସହିତ ଆମଦାନୀ-ରପ୍ତାନି (Import-Export) ବ୍ୟବସାୟରେ ମଧ୍ୟ ଲାଭ ମିଳିବାର ଯୋଗ ବନିପାରେ। ଦୀର୍ଘ ଦିନରୁ ଅଟକି ରହିଥିବା ସରକାରୀ କାମ ସମ୍ପୂର୍ଣ୍ଣ ହୋଇପାରେ ଏବଂ କୌଣସି ଜରୁରୀ ସରକାରୀ ଫାଇଲ କାର୍ଯ୍ୟରେ ମଧ୍ୟ ଅଗ୍ରଗତି ଦେଖିବାକୁ ମିଳିପାରେ।
ଗୁରୁଙ୍କ ଦୃଷ୍ଟି ଚତୁର୍ଥ ଭାବ ଉପରେ ପଡ଼ୁଥିବାରୁ ଘର-ପରିବାରର ପରିବେଶ ଉତ୍ତମ ହୋଇପାରେ। ମାଆଙ୍କ ସହଯୋଗ ମିଳିବ ଏବଂ ଘର କିମ୍ୱା ଗାଡ଼ି କିଣିବାର ଯୋଜନା ଆଗକୁ ବଢ଼ିପାରେ। ଏହି ସମୟ ମଧ୍ୟରେ ନୂତନ ଲୋକଙ୍କ ସହ ସମ୍ପର୍କ ବୃଦ୍ଧି ପାଇବ, ଯାହା ଭବିଷ୍ୟତରେ ଆପଣଙ୍କ ପାଇଁ ଲାଭଦାୟକ ପ୍ରମାଣିତ ହୋଇପାରେ।
ଧନୁ ରାଶିର ଲୋକଙ୍କ ପାଇଁ ଗୁରୁ ଅଷ୍ଟମ (୮ମ) ଭାବରେ ଗୋଚର କରୁଛନ୍ତି। ଜ୍ୟୋତିଷରେ ଏହି ଭାବ ହଠାତ୍ ଘଟୁଥିବା ଘଟଣା, ଉତ୍ଥାନ-ପତନ ଏବଂ ଅନିଶ୍ଚିତ ପରିସ୍ଥିତି ସହିତ ଜଡ଼ିତ ବୋଲି ଧରାଯାଏ। ତଥାପି, ଏଠାରେ ଗୁରୁଙ୍କ ସ୍ଥିତି ପ୍ରତିକୂଳ ପରିସ୍ଥିତିରେ ଆଶ୍ୱସ୍ତି ଦେବା ପରି ସାବ୍ୟସ୍ତ ହୋଇପାରେ। ଦୀର୍ଘ ଦିନରୁ ଲାଗି ରହିଥିବା କୌଣସି ସମସ୍ୟାରୁ ମୁକୁଳିବାର ବାଟ ମିଳିପାରେ।
ବିପରୀତ ରାଜଯୋଗର ପ୍ରଭାବରୁ ହଠାତ ଆର୍ଥିକ ଲାଭ ହେବାର ସମ୍ଭାବନା ରହିଛି। ପୁରୁଣା ଅଟକି ରହିଥିବା ଧନ ଫେରି ପାଇବା, ବୀମାରୁ ରାଶି ମିଳିବା କିମ୍ୱା ପୁରୁଣା ନିବେଶରୁ ଲାଭ ମିଳିବାର ଯୋଗ ବନିପାରେ। ବ୍ୟବସାୟୀମାନଙ୍କ ପାଇଁ ମଧ୍ୟ ଏହି ସମୟ ଲାଭଦାୟକ ରହିପାରେ।
ଗୁରୁଙ୍କ ଦୃଷ୍ଟି ଦ୍ୱାଦଶ ଭାବ ଉପରେ ରହିଥିବାରୁ ଅନାବଶ୍ୟକ ଖର୍ଚ୍ଚ ହ୍ରାସ ପାଇପାରେ। ବିଦେଶ ସମ୍ୱନ୍ଧୀୟ ଅଟକି ରହିଥିବା କାମ ପୂରା ହୋଇପାରେ ଏବଂ ବିଦେଶରେ ସମ୍ପତ୍ତି କିଣିବା କିମ୍ୱା ଗଢ଼ିବାର ଯୋଜନା ଆଗକୁ ବଢ଼ିପାରେ। ପରିବାରରେ ଲାଗି ରହିଥିବା ମନୋମାଳିନ୍ୟ ମଧ୍ୟ ଧୀରେ ଧୀରେ କମିପାରେ।
କୁମ୍ଭ ରାଶିର ବ୍ୟକ୍ତିବିଶେଷଙ୍କ ଷଷ୍ଠ (୬ଷ୍ଠ) ଭାବରେ ଗୁରୁଙ୍କ ଗୋଚର ହେଉଛି। ଗୁରୁଙ୍କ ଦୃଷ୍ଟି ଦଶମ, ଦ୍ୱାଦଶ ଏବଂ ଦ୍ୱିତୀୟ ଭାବ ଉପରେ ପଡ଼ୁଛି। ଏହି କାରଣରୁ ଆର୍ଥିକ ସ୍ଥିତି ସୁଦୃଢ଼ ହେବା ସହିତ ପୁରୁଣା ଋଣରୁ ମୁକ୍ତି ମିଳିବାର ଯୋଗ ସୃଷ୍ଟି ହୋଇପାରେ।
ଚାକିରି କରୁଥିବା ଲୋକଙ୍କୁ ପଦୋନ୍ନତି (ପ୍ରମୋସନ) କିମ୍ୱା ଦରମା ବୃଦ୍ଧିର ଲାଭ ମିଳିପାରେ। କାର୍ଯ୍ୟକ୍ଷେତ୍ରରେ ଚାଲିଥିବା କୌଣସି ପ୍ରକାରର ରାଜନୀତି କିମ୍ୱା ବିରୋଧର ମୁକାବିଲା କରିବା ପାଇଁ ଉପଯୁକ୍ତ ରଣନୀତି ପ୍ରସ୍ତୁତ କରିପାରିବେ। ବ୍ୟବସାୟରେ ମଧ୍ୟ ସମ୍ପ୍ରସାରଣ ଏବଂ ଲାଭର ସୁଯୋଗ ମିଳିବ। ପ୍ରତିଦ୍ୱନ୍ଦ୍ୱୀମାନଙ୍କ ଉପରେ ବିଜୟ ହାସଲ କରିବା ସହିତ କୋର୍ଟ-କଚେରୀ ମାମଲାରେ ସକାରାତ୍ମକ ଫଳାଫଳ ମିଳିବାର ସମ୍ଭାବନା ରହିଛି। ଏହି ସମୟ ମଧ୍ୟରେ ସୱାସ୍ଥ୍ୟାବସ୍ଥା ମଧ୍ୟ ସାଧାରଣ ଏବଂ ଅନୁକୂଳ ରହିପାରେ।
