ଗୁଣପୁର,୨୮ା୨(ଡି.ଏନ୍.ଏ.): ରାୟଗଡ଼ା ଜିଲା ଗୁଣପୁର ପୌରାଞ୍ଚଳ ପାଇଁ ନିର୍ବାଚନ ମାର୍ଚ୍ଚ ୨୪ରେ ହେବ। ଏଥପାଇଁ ଭୋଟର ତାଲିକା ପ୍ରକାଶ ପାଇଛି। ପୌରାଞ୍ଚଳରେ ୧୯ ୱାର୍ଡ ରହିଥିବାବେଳେ ୨୨୬୦୮ ଭୋଟର ଅଛନ୍ତି। ସେଥିମଧ୍ୟରୁ ୧୧,୫୩୩ ମହିଳା ଏବଂ ୧୧,୦୬୩ ପୁରୁଷ ଏବଂ ୧୨ କିନ୍ନର ଭୋଟର ରହିଛନ୍ତି। ୧ ନଂ ୱାର୍ଡରେ ୧୪୩୫, ୨ ନଂ ୱାର୍ଡରେ ୧୪୫୦, ୩ ନଂ ୱାର୍ଡରେ ୧୦୩୨, ୪ ନଂ ୱାର୍ଡରେ ୯୭୪, ୫ନଂ ୱାର୍ଡରେ ୭୬୯, ୬ ନଂ ୱାର୍ଡରେ ୧୧୧୫, ୭ ନଂ ୱାର୍ଡରେ ୧୩୭୭, ୮ ନଂ ୱାର୍ଡରେ ୧୦୮୧, ୯ ନଂ ୱାର୍ଡରେ ୧୧୪୩, ୧୦ ନଂ ୱାର୍ଡରେ ୧୬୮୩, ୧୧ ନଂ ୱାର୍ଡରେ ୮୬୨, ୧୨ ନଂ ୱାର୍ଡରେ ୯୪୭, ୧୩ ନଂ ୱାର୍ଡରେ ୯୪୨, ୧୪ ନଂ ୱାର୍ଡରେ ୭୯୫, ୧୫ ନଂ ୱାର୍ଡରେ ୧୨୯୮, ୧୬ ନଂ ୱାର୍ଡରେ ୧୧୩୧, ୧୭ ନଂ ୱାର୍ଡରେ ୯୬୮, ୧୮ ନଂ ୱାର୍ଡରେ ୨୨୧୩ ଏବଂ ୧୯ ନଂ ଓ୍ବାର୍ଡରେ ୧୩୯୩ ଭୋଟର ରହିଛନ୍ତି। ଏଥିନିମନ୍ତେ ୨୮ ମତଦାନ କେନ୍ଦ୍ର କରାଯାଇଛି। ୨୦୧୧ ଜନଗଣନା ଅନୁଯାୟୀ ଜନସଂଖ୍ୟା ୨୮୮୭୦ ରହିଛି। ନିର୍ବାଚନ ପାଇଁ ମାର୍ଚ୍ଚ ୨ରୁ ୭ ପର୍ଯ୍ୟନ୍ତ ନାମାଙ୍କନ ପତ୍ର ଦାଖଲ କରାଯିବ। ୯ରେ ପ୍ରାର୍ଥୀପତ୍ର ଯାଞ୍ଚ ଏବଂ ୧୪ ତାରିଖ ମଧ୍ୟରେ ନାମାଙ୍କନ ପତ୍ର ପ୍ରତ୍ୟାହାର ହେବ। ଅପରପକ୍ଷେ ବିଭିନ୍ନ ରାଜନୈତିକ ଦଳ ପକ୍ଷରୁ ନିର୍ବାଚନ ନେଇ ତପତ୍ରତା ପ୍ରକାଶ ପାଇଛି। ତିନି ପ୍ରମୁଖ ରାଜନୈତିକ ଦଳ ବିଜେଡି, କଂଗ୍ରେସ ଏବଂ ଭାଜପାରେ ଅନେକ ଆଶାୟୀ ରହିଛନ୍ତି। ଏହା ଦଳ ପାଇଁ ମୁଣ୍ଡବ୍ୟଥାର କାରଣ ହୋଇଛି।
