ଭୁବନେଶ୍ୱର,୨୭।୧୨:ସୋସିଆଲ ମିଡିଆର ଅନ୍ୟତମ ଚର୍ଚ୍ଚିତ ଯୋଡ଼ି ତଥା ୟୁଟ୍ୟୁବର ଆଶିଷ ଦାଶ ଓରଫ ଗୁଲୁଆ-ବର୍ଷାଙ୍କ ପାରିବାରିକ କଳି ଏବେ ଦାଣ୍ଡରେ ପଡ଼ି ହାଟରେ ଗଡ଼ିଲାଣି। ଅଲଗା ହେବାର ପ୍ରାୟ ଏକ ବର୍ଷ ପରେ ସ୍ତ୍ରୀ ବର୍ଷା ଗୁରୁବାର ଗଣମାଧ୍ୟମ ସାମ୍ନାରେ ମୁହଁ ଖୋଲି ଅନେକ ଅଭିଯୋଗ ଆଣିଥିଲେ। ତେବେ ଘଟଣାକୁ ନେଇ ସବୁଠି ଚର୍ଚ୍ଚା ହେଉଥିବା ବେଳେ ବର୍ତ୍ତମାନ ଶ୍ୱଶୁର-ବୋହୂଙ୍କର ଅଡିଓ ଭାଇରାଲ ହେଉଛି। ଯେଉଁଥିରେ ବୋହୂ ବର୍ଷା ଶ୍ୱଶୁର ତଥା ଗୁଲୁଆଙ୍କ ବାପାଙ୍କୁ ପଚାରୁଛନ୍ତି ଆମ ମ୍ୟାଟର କେବେ ଛିଡାଇବେ। ତାଙ୍କୁ ପଚାରିବାରୁ ସେ କହୁଛନ୍ତି ମୋ ବାପା ଛିଡାଇବେ। ମୋତେ ସେଇଟା ଜଣାନ୍ତୁ। ଆପଣ ମୋତେ କହିଲେ ଦୁଇମାସ ପରେ ମୁଁ ପଇସା ଦେଇଦେବି ତୁ ଯା’। ତା ପରେ ଆପଣଙ୍କ ପୁଅ ପଇସା ଦେଉ ନାହାନ୍ତି। ଆଉ କେତେଦିନ ପରେ ମୁଁ ମୋ ବାପାଙ୍କ ପଇସାକୁ ଭିକାରି ଭଳି ମାଗିବି। ଶ୍ୱଶୁର ମଧ୍ୟ ଉତ୍ତର ରଖି କହୁଛନ୍ତି ମଗାମଗି କରିବାକୁ କ’ଣ ଭଲ ଲାଗିବ। ଆପଣ କୁହନ୍ତୁ ୬ ମାସ ହେଲାଣି ମୋ ଭଳି ପିଲା ନା ଝଗଡ଼ା ନା କିଛି, ଶାନ୍ତିରେ ପଳେଇ ଆସିଲି। କେତେଦିନ ପରେ ମୋ ମ୍ୟାଟର ଛିଡାଇବେ। ମୁଁ ଗୋଟେ ଝିଅ ମୋ ବୟସ ଗଡ଼ୁଛିି। କେତେ ଦିନ ଆପଣ ମୋତେ ଝୁଲେଇ ରଖିବେ। କେସ ଚାଲିବ ଲୋକେ ଜାଣିବେ ଆପଣଙ୍କୁ ଭଲ ଲାଗିବ? ସତକଥା ଜାଣିବେ ଟାହିଟାପରା କରିବେ। ପୁଅର କାଣ୍ଡ କାରନାମା ଜାଣିବେ, ଆପଣ ନିଜେ ମୁଣ୍ଡ ଟେକି ଚାଲିପାରିବେ ତ? ବୋହୂ କେଶ କରିବାକୁ କହିବାରୁ ଶ୍ୱଶୁର କେଶ କଲେ କ’ଣ ଲାଭ ହେବ କହିଛନ୍ତି। ୬ ମାସ ହେଲାଣି ମୁଁ ନିରବ ରହିଲିଣି ମୋତେ ଛିଡଉ ନାହାନ୍ତି କ’ଣ ପାଇଁ? ଶ୍ୱଶୁର କହୁଛନ୍ତି ତୁମ ବାପାଙ୍କ ସହ କଥା ହେବି। ବର୍ଷା କହୁଛନ୍ତି ମୋ ବାବାଙ୍କ ସଙ୍ଗେ କ’ଣ? କୋର୍ଟରେ ମୋ ଓକିଲଙ୍କ ସହ କଥା ହେବେ। କାଳେ ମୁଁ ମିଛ କହିବି କି ପୁଅକୁ ହଇରାଣ କରିବି ଫାଙ୍କି ଦେବି ସେଇଟା କୋର୍ଟ ପେପରରେ ସତ କଥା କହିବ। ନା କଥାରେ କଥାରେ ସତ କହିବ । ବାହାଘର କୋର୍ଟରେ ହୋଇଥିଲା କଥା କୋର୍ଟରେ ହେବାକୁ ବର୍ଷା କହିଛନ୍ତି। ବୋହୂଙ୍କ କଥାକୁ ମଧ୍ୟ ଶ୍ୱଶୁର ସମର୍ଥନ କରିଛନ୍ତି। ଭଦ୍ରଲୋକ ଡାକିି ଲୋକ ଲଜ୍ଜା ହେବାର ନାହିଁ। ଆପଣ ଭଦ୍ର ଲୋକ ଆଣିପାରିବେ ମୋ ପକ୍ଷରୁ ମୋ ବାପା ଏବଂ ମୋ ଓକିଲ ରହିବେ। ଏଭଳି କିଛି ଫୋନ୍ ରେକର୍ଡ ଶ୍ୱଶୁର ବୋହୂଙ୍କର ଭାଇରାଲ ହେବାରେ ଲାଗିଛି।
