ଗୁଡାରି,୨୪/୮(ପ୍ରମୋଦ କୁମାର ପତି): ଆସନ୍ତା ଅଗଷ୍ଟ ୩୧ ତାରିଖରେ ସ୍ବାୟତ୍ତ ଶାସନ ଦିବସ ପାଳନ ସମାରୋହରେ ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ(OUAT), ଭୁବନେଶ୍ୱରର ‘କୃଷି ଶିକ୍ଷା ସଦନ’ ଅଡିଟୋରିୟମରେ ଶ୍ରେଷ୍ଠ ପ୍ରଦର୍ଶନ ପାଇଁ ଗୁଡାରି ଏନଏସି ୨ କୋଟିର ଅର୍ଥ ରାଶି ପୁରସ୍କାର ପାଇବା ପାଇଁ ଯୋଗ୍ୟ ବିବେଚିତ ହୋଇଛି। ଏହି କାର୍ଯ୍ୟକ୍ରମରେ ମାନ୍ୟବର ମୁଖ୍ୟମନ୍ତ୍ରୀ, ଓଡ଼ିଶା ମୁଖ୍ୟ ଅତିଥି ଭାବେ ଯୋଗଦେଇ ଉଲ୍ଲେଖନୀୟ ପ୍ରଦର୍ଶନ ନିମନ୍ତେ ଏହି ପୁରସ୍କାର ପ୍ରଦାନ କରିବେ।
ଗୁଡାରି ଏନଏସି ନିଜସ୍ବ ରାଜସ୍ବ ଆଦାୟ ବୃଦ୍ଧି କ୍ଷେତ୍ରରେ ଭଲ ପ୍ରଦର୍ଶନ କରିଛି। ମୁଖ୍ୟତଃ ହୋଲ୍ଡିଂ ଟ୍ୟାକ୍ସ, ଟ୍ରେଡ ଲାଇସେନ୍ସ ଫି’, ଦୋକାନ ଓ ବଜାର ଫି’ ଏବଂ ବିଭିନ୍ନ ଲାଇସେନ୍ସ ଓ ସେବା ଶୁଳ୍କ ଆଦାୟରେ ଏନଏସି ଭଲ ପ୍ରଦର୍ଶନ କରିଛି। ଏନଏସି ଅଧ୍ୟକ୍ଷା ସରମିତା ଶବରଙ୍କୁ ବିଭାଗ ପକ୍ଷରୁ ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ ଏ ନେଇ ଚିଠି ହୋଇଛି। ଏ ନେଇ ଅଧ୍ୟକ୍ଷା ସରମିତା ଶବର କହିଛନ୍ତି, କାର୍ଯ୍ୟନିର୍ବାହୀ ଅଧିକାରୀ ପ୍ରସନ୍ନ କୁମାର ପାଢ଼ୀ ଓ ସମସ୍ତ କର୍ମଚାରୀଙ୍କ ଆପ୍ରାଣ ଉଦ୍ୟମ ଯୋଗୁ ଏହି ସଫଳତା ମିଳିଲା। ତେଣୁ ଏହି ଶ୍ରେୟ ସମସ୍ତଙ୍କର ଅଟେ।
Dharitri – Odisha’s No.1 Odia Daily
