ନୂଆଦିଲ୍ଲୀ, ୪।୨: ଦେଶର ଅଟୋମୋବାଇଲ ଶିଳ୍ପକ୍ଷେତ୍ରରେ ବ୍ୟାପକ ଅଭିବୃଦ୍ଧି ଦେଖାଦେଇଛି ଏପରିକି ଅଟୋମୋବାଇଲ ରପ୍ତାନି ହାର ୨୦୨୧-୨୨ରେ ପ୍ରାୟ ୩୬% (୩୫.୯%) ବୃଦ୍ଧି ଘଟିଛି। ୨୦୨୦-୨୧ ଆର୍ଥିକ ବର୍ଷରେ ୪୧,୩୪,୦୪୭ ୟୁନିଟ୍ ଗାଡ଼ି ରପ୍ତାନି ହୋଇଥିବା ବେଳେ ୨୦୨୧-୨୨ରେ ଏହି ସଂଖ୍ୟା ୫୬,୧୭,୨୪୬ ୟୁନିଟ୍ରେ ପହଞ୍ଚିଛି ବୋଲି ଶୁକ୍ରବାର କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରଣାଳୟ ବିଭାଗର ମନ୍ତ୍ରୀ ଅନୁପ୍ରିୟା ପଟେଲ ସଂସଦରେ ଏକ ପ୍ରଶ୍ନର ଉତ୍ତରରେ କହିଛନ୍ତି। ସେହିଭଳି ଦେଶରେ ଯାତ୍ରୀବାହୀ ଗାଡ଼ି ରପ୍ତାନି ହାର ୨୦୨୦-୨୧ ଆର୍ଥିକ ବର୍ଷରେ ୪,୦୪,୩୯୭ ୟୁନିଟ୍ ଗାଡ଼ି ରପ୍ତାନି କରିଥିବା ବେଳେ ୨୦୨୧-୨୨ ରେ ୫,୭୭,୮୭୫ ୟୁନିଟ୍ ଗାଡ଼ି ରପ୍ତାନି ହୋଇଛି। ତେବେ ଦେଶରେ ବାଣିଜ୍ୟକ ଗାଡ଼ି ୨୦୨୦-୨୧ରେ ୫୦,୩୩୪ ୟୁୂନିଟ୍ ଗାଡ଼ିରୁ ୯୨,୨୯୭ ୟୁନିଟ୍ ଗାଡ଼ି ରପ୍ତାନି ହୋଇଛି। ଫଳରେ ରପ୍ତାନି ହାର ୮୩.୩୬% ବୃଦ୍ଧି ହୋଇଛି। ତେବେ ଦେଶରେ ରପ୍ତାନିକୁ ପ୍ରୋସତ୍ାହିତ କରିବା ପାଇଁ କେନ୍ଦ୍ର ସରକାର ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରୁଛନ୍ତି। ଏହି ପରିପ୍ରେକ୍ଷୀରେ ସରକାର ବୈଦେଶିକ ବାଣିଜ୍ୟ ନୀତିରେ ୨୦୧୫ରୁ ୨୦୨୦ ୩୧ ମାର୍ଚ୍ଚ ୨୦୨୩ ପର୍ଯ୍ୟନ୍ତି ବୃଦ୍ଧି କରାଯାଇଛି। ସେହିଭଳି ଦେଶରେ ପ୍ରି ଏବଂ ପୋଷ୍ଟ ରପ୍ତାନି ଉପରେ କ୍ରେଡିଟ ଉପରେ ସୁଧ ହାର ଯୋଜନା ବାବଦକୁ ୩୧ ମାର୍ଚ୍ଚ ୨୦୨୪ ପର୍ଯ୍ୟନ୍ତି ବୃଦ୍ଧି କରାଯାଇଛି।
