ଆଜିକାଲି ବିବାହର ଶୈଳୀ ଏବଂ ପରିବେଶ ବହୁତ ବଦଳି ଗଲାଣି। ପ୍ରି-ଓ୍ବେଡିଂ ଫଟୋ ଶୁଟ୍ଠାରୁ ଆରମ୍ଭ କରି ବର ମଣ୍ଡପକୁ ଆସିବା ପର୍ଯ୍ୟନ୍ତ ସବୁକିଛି ଆଧୁନିକୀକରଣ ହୋଇଛି। ବର୍ତ୍ତମାନ ପ୍ରତ୍ୟେକ ଶୈଳୀ ଅତ୍ୟନ୍ତ ସ୍ବତନ୍ତ୍ର ହୋଇପାରିଛି।
varshagumashta ନାମକ ଏକ ଇନ୍ଷ୍ଟାଗ୍ରାମରେ ଏହି ଭିଡିଓଟି ଶେୟାର କରାଯାଇଛି। ଯେଉଁଥିରେ ମଣ୍ଡପରେ ବିବାହ ଚାଲିଥିବା ବେଳେ ବର ବସି କ୍ରିକେଟ ଖେଳିଥିଲେ। କ୍ରିକେଟ ପାଇଁ ବରଙ୍କ କ୍ରେଜ୍ ଦେଖି ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ଏହି ମଜାଳିଆ ଭିଡିଓଟି ମାତ୍ର ଗୋଟିଏ ଦିନରେ ୩୦ ହଜାରରୁ ଅଧିକ ଭ୍ୟୁ ପାଇଛି।
ଏହି ବିବାହ ସମାରୋହରେ ପଣ୍ଡିତ ମଣ୍ଡପରେ ବସି ମନ୍ତ୍ର ପାଠ କରୁଛନ୍ତି। ବରକନ୍ୟା ବିବାହ ବେଦୀରେ ବସିଛନ୍ତି। ଏହି ସମୟରେ ବର ସାଙ୍ଗମାନଙ୍କ ସହ କ୍ରିକେଟ ଖେଳିଥିଲେ। ସାଙ୍ଗମାନେ ବିବାହ ସମୟରେ ଗେଣ୍ଡୁଫୁଲକୁ ବଲ୍ ପରି ବରଙ୍କ ଆଡ଼କୁ ଫିଙ୍ଗିଥିଲେ। ବର ମଧ୍ୟ ଏପରି ସୁଯୋଗକୁ ହାତଛଡ଼ା କରି ନ ଥିଲେ। ହାତରେ ଟ୍ୟାବଲେଟ ଧରି ବ୍ୟାଟ୍ ପରି ଫୁଲରେ ଛକାଚୌକା ମାରି ଚାଲିଥିଲେ। ବରଙ୍କର ଏହି ଚମତ୍କାର ଶଟ୍ ଲୋକମାନଙ୍କୁ ଆଶ୍ଚର୍ଯ୍ୟ କରିଥିଲା। ଏହି ଭିଡିଓକୁ ବହୁ ଲୋକ ପସନ୍ଦ କରିଛନ୍ତି।
