ମୁମ୍ବାଇ: ନିକଟରେ ବଲିଉଡ ଅଭିନେତା ରଣଦୀପ ହୁଡା ବିବାହ କରିଥିଲେ। ‘ଜିସମ ୨’ ଅଭିନେତା ରଣଦୀପ ମଧ୍ୟ ଏହି ଓ୍ବେଡିଂ ସିଜନରେ ତାଙ୍କର ସଂସାର ଗଢିଛନ୍ତି। ନଭେମ୍ବର ୨୯ରେ, ରଣଦୀପ ଗର୍ଲଫ୍ରେଣ୍ଡ ଲିନ ଲ୍ୟାଶରାମଙ୍କ ସହ ଗୁପ୍ତ ବିବାହ କରିଥିଲେ। ବର୍ତ୍ତମାନ ଦମ୍ପତିଙ୍କ ବିବାହ ରିସେପଶନ ବିଷୟରେ ଅପଡେଟ ଖବର ସାମ୍ନାକୁ ଆସିଛି। ହଁ, ଅଭିନେତା ବିବାହ ପରେ ମୁମ୍ବାଇରେ ଏକ ବିଶାଳ ରିସେପଶନ ପାର୍ଟି ଦେବାକୁ ଯାଉଛନ୍ତି। ପତ୍ନୀଙ୍କ ସହ ସେ ତାଙ୍କ ଚଳଚ୍ଚିତ୍ର ତାରକା ବନ୍ଧୁମାନଙ୍କୁ ଏହି ପାର୍ଟିକୁ ନିମନ୍ତ୍ରଣ କରିବାର ଯୋଜନା ରଖିଛନ୍ତି। ୧୧ ଡିସେମ୍ବରରେ ଅଭିନେତାଙ୍କ ବିବାହ ରିସେପଶନ ଅନୁଷ୍ଠିତ ହେବାକୁ ଯାଉଛି। ଇଣ୍ଡଷ୍ଟ୍ରିର ବଡ ତାରକା ଏଥିରେ ଭାଗ ନେବାକୁ ଯାଉଛନ୍ତି।
ଏହି ବଲିଉଡ ତାରକା ମଣିପୁରରେ ବିବାହ ପରେ ଏକ ପାର୍ଟିର ଆୟୋଜନ କରିଥିଲେ। ଏହି ଦମ୍ପତି ସୋସିଆଲ ମିଡିଆରେ ଏହାର ଫଟୋ ମଧ୍ୟ ଶେୟାର କରିଥିଲେ। ରଣଦୀପ ଏବଂ ଲିନ ଏକାଠି କେକ ସମାରୋହ ପାଳନ କରୁଥିବା ଦେଖିବାକୁ ମିଳିଥିଲା। ଏବେ ଏହି ଦମ୍ପତି ମୁମ୍ବାଇରେ ହେବାକୁ ଥିବା ବିବାହ ରିସେପଶନ ପାଇଁ ପ୍ରସ୍ତୁତି ଚଳାଇଛନ୍ତି। ନବ ବିବାହିତ ଦମ୍ପତିମାନେ ଏଥିପାଇଁ କାର୍ଡ ପଠାଇବା ଆରମ୍ଭ କରି ଦେଇଛନ୍ତି। ତେବେ ରିସେପ୍ସନ ଭେନ୍ୟୁ ଏପର୍ଯ୍ୟନ୍ତ ଜଣାପଡିନାହିଁ।
ଖବର ଅନୁଯାୟୀ, ରଣଦୀପ ଏବଂ ଲିନ ସେମାନଙ୍କର ସମସ୍ତ ଫିଲ୍ମ ବନ୍ଧୁଙ୍କୁ ବଲିଉଡରୁ ନିମନ୍ତ୍ରଣ କରିବାକୁ ଚାହୁଁଛନ୍ତି। ଉଭୟ ଦୀର୍ଘ ଦିନ ଧରି ବଲିଉଡର ଏକ ଅଂଶ ହୋଇ ସଲମାନ ଖାଁଙ୍କ ଠାରୁ ଆରମ୍ଭ କରି ଗ୍ଲୋବାଲ ଷ୍ଟାର ପ୍ରିୟଙ୍କା ଚୋପ୍ରାଙ୍କ ପର୍ଯ୍ୟନ୍ତ ସମସ୍ତଙ୍କ ସହ କାମ କରିଛନ୍ତି। ଏଭଳି ପରିସ୍ଥିତିରେ ଦମ୍ପତି ସମସ୍ତଙ୍କୁ ନିମନ୍ତ୍ରଣ କରିଛନ୍ତି। ରଣଦୀପଙ୍କ ବିବାହ ରିସେପଶନରୁ ଅତିଥି ତାଲିକା ପ୍ରକାଶ ପାଇନାହିଁ। କିନ୍ତୁ ନୁମାନ କରାଯାଉଛି ଯେ ସଲମାନ ଖାଁ, ଇମ୍ରାନ ହାସମି, ଐଶ୍ୱର୍ଯ୍ୟା ରାୟ ବଚ୍ଚନ, ପ୍ରିୟଙ୍କା ଚୋପ୍ରା, ବିଜୟ ବର୍ମା, ତମନ୍ନା ଭାଟିଆଙ୍କ ପରି କଳାକାରମାନେ ନିଶ୍ଚିତ ଭାବରେ ଏହି ପାଟର୍ଇରେ ଯୋଗ ଦେବେ।
ରିସେପଶନ ପାଇଁ ଲିନଙ୍କ ଘନିଷ୍ଠ ବନ୍ଧୁ ଏବଂ ପରିବାର ମଣିପୁରରୁ ମୁମ୍ବାଇ ଯାତ୍ରା କରିବେ। ଏହି ଦମ୍ପତିଙ୍କ ପୋଷାକ ବିଷୟରେ କୁହାଯାଉଛି ଯେ ଲିନ ଏବଂ ରଣଦୀପ ହୁଡା ନିଜ ବିବାହ ପରି ରିସେପଶନରେ ପାରମ୍ପାରିକ ମଣିପୁରୀ ପୋଷାକ ପିନ୍ଧିବାକୁ ଯାଉଛନ୍ତି।
