ସରକାରୀ ରାଜକୋଷ ଲୁଟ୍‌ ଯୋଜନା

ସମ୍ବଲପୁର,୨୩ା୧୨(ବ୍ୟୁରୋ): ଏନ୍‌ଏଚ୍‌ଏଆଇ ପକ୍ଷରୁ ସମ୍ବଲପୁର ସହର ଚତୁଃପାର୍ଶ୍ୱରେ ନେକଲେସ ରାସ୍ତା ନିର୍ମାଣ କରିବାକୁ ଜମି ଅଧିଗ୍ରହଣ ପ୍ରକ୍ରିୟା ଆରମ୍ଭ ହୋଇଛି। ହେଲେ ୩ (ଏ) ନୋଟିସ ହେବା ପରେ ମଧ୍ୟ ଅଧିକ କ୍ଷତିପୂରଣ ପାଇବା ଆଶାରେ ଅଧିଗ୍ରହଣ ପାଇଁ ଚିହ୍ନଟ ହୋଇଥିବା ଜମି ଉପରେ ଘର ନିର୍ମାଣ ଚାଲିଛି। ପୂର୍ବରୁ ୫୫ନଂ ଜାତୀୟ ରାଜପଥ ନିର୍ମାଣ ପାଇଁ ଜମି ଅଧିଗ୍ରହଣ ସମୟରେ ବ୍ୟାପକ ଅର୍ଥ ଆତ୍ମସାତ୍‌ ହୋଇଥିବା ନେଇ ଗଣମାଧ୍ୟମରେ ଖବର ପ୍ରକାଶ ପାଇଥିଲା। ଏହା ପରେ ସମ୍ପୃକ୍ତ କମ୍ପାନୀ ୨୩ଲକ୍ଷ ଟଙ୍କା ସରକାରଙ୍କୁ ଫେରସ୍ତ କରିଥିଲା। ସେହିପରି କୋର୍ଟ ଆଳ ଦେଖାଇ ଅନେକ ଲୋକ ବେଆଇନ ଭାବେ ଘର ନିର୍ମାଣ କରି ଟଙ୍କା ହଡ଼ପ କରିଥିବା ନଜିର ରହିଛି। ଭୂଅର୍ଜନ ବିଭାଗ ବେଳ ଥାଉ ନିର୍ମାଣ କାମରେ ରୋକ ନ ଲଗାଇଲେ ସରକାରୀ ରାଜକୋଷ ଲୁଟ୍‌ ହେବା ଆଶଙ୍କା ରହିଥିବା ମାନେଶ୍ୱରର ବ୍ୟବସାୟୀମାନେ ଅଭିଯୋଗ କରିଛନ୍ତି।
ସେମାନଙ୍କ ଅଭିଯୋଗକ୍ରମେ, ସହରରେ ରାସ୍ତା ନିର୍ମାଣ ଲାଗି ଗତ ଜୁଲାଇ ମାସରୁ ଜମି ଅଧିଗ୍ରହଣ ପାଇଁ ଖବରକାଗଜ ଓ ବିଭିନ୍ନ ଗ୍ରାମକୁ ନୋଟିସ କରାଯାଇଛି। ଜମିର ପ୍ଲଟ ନମ୍ବର, ମୌଜା, ଖାତା ନମ୍ବର ସହ କେତେ ପରିମାଣ ଜମି ଅଧିଗ୍ରହଣ କରାଯିବ ତାହାର ସୂଚନା ଦିଆଯାଇଛି। କେତେକ ଜମି ମାଲିକଙ୍କୁ ମଧ୍ୟ ସ୍ବତନ୍ତ୍ର ଭୂଅର୍ଜନ ବିଭାଗ ପକ୍ଷରୁ ନୋଟିସ୍‌ କରାଯାଇଛି। ଏହା ଜାଣିବା ପରେ ଜମି ମାଲିକମାନେ ଅଧିଗ୍ରହଣ ହେଉଥିବା ଜମି ଉପରେ ଘର ନିର୍ମାଣ କାମ ଆରମ୍ଭ କରିଦେଇଛନ୍ତି। ପଶ୍ଚିମ ବଙ୍ଗ, ବିହାରରୁ ଶ୍ରମିକ ଆଣି ଯୁଦ୍ଧକାଳୀନ ଭିତ୍ତିରେ ଘର ବାହାରପଟ କାମ କରୁଛନ୍ତି। ଅନେକ ଜମି ମାଲିକ ଘର କାମ ମଧ୍ୟ ଶେଷ କରିଛନ୍ତି। ସରକାରଙ୍କ ପାଖରୁ ଅଧିକ କ୍ଷତିପୂରଣ ରାଶି ମିଳିବା ଆଶାରେ ଏଭଳି ନିର୍ମାଣ କାମ କରୁଛନ୍ତି। ଏଥିରେ ଭୂଅର୍ଜନ ବିଭାଗର କେତେକ ଅସାଧୁ କର୍ମଚାରୀ ଓ ସ୍ଥାନୀୟ ଦଲାଲମାନଙ୍କ ସମ୍ପୃକ୍ତି ରହିଛି। ଏହାକୁ ନେଇ ଅଧିକାରୀଙ୍କ ପାଖରେ ଅଭିଯୋଗ କଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରୁନାହାନ୍ତି। ଘର ନିର୍ମାଣ କରୁଥିବା ମାଲିକମାନେ ଧମକ ଦେଇ କହୁଛନ୍ତି, ବିଭାଗ ସହିତ କଥା ହୋଇ ନିର୍ମାଣ କରୁଛୁ, ଆମର କେହି କିଛି କରିପାରିବେ ନାହିଁ। ନିୟମ ଦୃଷ୍ଟିରୁ ଅଧିଗ୍ରହଣ ନୋଟିସ ପରେ ଉକ୍ତ ମୌଜାର ଜମି କିସମ ପରିବର୍ତ୍ତନ ହୋଇପାରେନାହିଁ। ଏହାସହ ଉକ୍ତ ଜମିରେ ନିର୍ମାଣ କାମରେ ରୋକ ଲଗାଯାଇଥାଏ। ଯଦି ଅତ୍ୟାବଶ୍ୟକ ଥିବ ତା’ହେଲେ ଜିଲାପାଳଙ୍କ ଅନୁମତିରେ ଘର ନିର୍ମାଣ କରାଯାଇଥାଏ। ହେଲେ ଏଠାରେ ନିୟମର ବ୍ୟତିକ୍ରମ ଦେଖାଦେଇଛି। ଏ ସମ୍ପର୍କରେ ଏନ୍‌ଏଚ୍‌ଏଆଇ ପ୍ରକଳ୍ପ ନିର୍ଦ୍ଦେଶକ ନାଗେଶ୍ୱର ରାଓ କହିଛନ୍ତି, ଅଧିଗ୍ରହଣ ହେବା ପୂର୍ବରୁ ଉକ୍ତ ଜମିର ଜିପିଏସ୍‌ ଓ ସରଜମିନ ତଦନ୍ତ କରି ଭିଡିଓଗ୍ରାଫି ଓ ଫଟୋଗ୍ରାଫ ରେକର୍ଡ କରାଯାଇଛି। ନୋଟିସ ଦିନପରେ ଯେଉଁ ଘରଗୁଡ଼ିକ ନିର୍ମାଣ କରାଯିବ ତାହା ସ୍ପଷ୍ଟଭାବେ ଜଣାପଡ଼ିଯିବ। ଏହାକୁ ରୋକିବା ପାଇଁ ଜିଲା ପ୍ରଶାସନକୁ ପୂର୍ବରୁ ସୂଚନା ଦିଆଯାଇଛି। ଅନ୍ୟପଟେ ଭୂଅର୍ଜନ ଅଧିକାରୀ ସରୋଜ ମିଶ୍ର କହିଛନ୍ତି, ନୋଟିସ ପୂର୍ବରୁ ସମସ୍ତ ସର୍ଭେ ଶେଷ ହୋଇଛି। କାହାକୁ ଘର ତିଆରି କରିବାରେ ମନା ନାହିଁ, ହେଲେ ଟଙ୍କାଟିଏ ମଧ୍ୟ ଦିଆଯିବ ନାହିଁ ବୋଲି ରୋକଠୋକ କହିଥିଲେ। ସୂଚନାଯୋଗ୍ୟ, ସମ୍ବଲପୁର ସହର ଚତୁଃପାର୍ଶ୍ୱରେ ଏନ୍‌ଏଚ୍‌ଏଆଇ ପକ୍ଷରୁ ନେକଲେସ ରୋଡ୍‌ ନିର୍ମାଣ କରାଯିବ। ଏହା ୫୩ନଂ. ଜାତୀୟ ରାଜପଥର ଗୋସାଳା, କଟାପାଲିରୁ ବାହାରି ମାନେଶ୍ୱର, ଜୟନ୍ତପୁର, କବରାପାଲି ଦେଇ ଶାସନ ନିକଟ ବିଜୁ ଏକ୍ସପ୍ରେସ ୱେକୁ ସଂଯୋଗ କରିବ। ଏଥିରେ ଦୁଇଟି ଜାତୀୟ ରାଜପଥ ଦେଇ ରାସ୍ତା ରହିଥିବା ବେଳେ ମହାନଦୀରେ ବ୍ରିଜ ଓ ରେଳ ବ୍ରିଜ ନିର୍ମାଣ ହେବ। ଏଥିପାଇଁ ଡ୍ରଇଂ ହୋଇ ଟେଣ୍ଡର କାମ ଶେଷ ହୋଇଛି। ଏହି ୪ଥାକିଆ ରାସ୍ତା ପାଇଁ ପ୍ରାୟ ୧୦୦୦କୋଟି ଟଙ୍କା ବ୍ୟୟ ଅଟକଳ ରହିଛି।


Enter your email to get our daily news in your inbox.

All Right Reserved By Dharitri.Com

ଫାଟିଲା ପଛ ଚକା; ଭାରସାମ୍ୟ ହରାଇ ଓଲଟି ପଡ଼ିଲା ବସ୍‌

ଫୁଲନଖରା,୨୮।୪(ଡି.ଏନ୍‌.ଏ.): କଟକ-ଭୁବନେଶ୍ୱର ୧୬ନଂ ଜାତୀୟ ରାଜପଥସ୍ଥିତ ଫୁଲନଖରା ଓଭର ବ୍ରିଜ଼ ନିକଟରେ ବୁଧବାର ବିଳମ୍ବିତ ରାତିରେ ଏକ ଯାତ୍ରୀବାହୀ ବସ ଦୁର୍ଘଟଣାଗ୍ରସ୍ତ ହୋଇଛି। ଭୁବନେଶ୍ୱରର ସାଲିଆସାହି...

ମା’ ତାରିଣୀ ପୀଠରେ ମକର ସଂକ୍ରାନ୍ତି: ସୁନାବେଶରେ ଦର୍ଶନ ଦେଲେ ମା’

କେନ୍ଦୁଝର,୧୪।୧(ସ୍ବ.ପ୍ର.): କେନ୍ଦୁଝର ଜିଲା ଘଟଗଁା ଆରାଧ୍ୟା ଦେବୀ ମା’ ତାରିଣୀଙ୍କ ପୀଠରେ ପବିତ୍ର ମକର ସଂକ୍ରାନ୍ତି ପାଳନ କରାଯାଉଛି। ଏହି ଉପଲକ୍ଷେ ଭକ୍ତଙ୍କ ପ୍ରବଳ ସମାଗମ...

ସିଦ୍ଧେଶ୍ୱର ପାହାଡ଼ରେ ଦନ୍ତା

ବାରଙ୍ଗ,୩।୬(ଡି.ଏନ୍‌.ଏ.): ନରାଜ ସିଦ୍ଧେଶ୍ୱର ପାହାଡ଼ରେ ଏକ ବଣୁଆ ଦନ୍ତାହାତୀ ଦେଖିବାକୁ ମିଳିଛି। ଗୁରୁବାର ସକାଳେ ସ୍ଥାନୀୟ ଲୋକେ ଦନ୍ତାକୁ ଦେଖିବା ପରେ ଭଗିପୁର ବନଖଣ୍ଡକୁ ଖବର...

ଗୟାଧରକୁଁ ଚିକିତ୍ସା ଲାଗି ପଠାଲା ପର୍‌ଶାସନ

ପର୍ଲା, ୧୮।୧ (ଡି.ଏନ୍‌.ଏ)- କଳାହାଣ୍ଡି ଜିଲା ଧର୍ମଗଡ଼ ବ୍ଲକ ଜୟନ୍ତପୁର ଗଁାର ଗୟାଧର ଲୋହାର(୨୫)କୁଁ ପରଶାସନ ଶୁକୁରବାର ଉଧାର କରି ଚିକିଛା ଲାଗି ଜିଲା ମୁଖିଆ...

ପ୍ରେମିକାଙ୍କୁ ଗଳାକାଟି ହତ୍ୟା, ବିଷ ପିଇଲେ ପ୍ରେମିକ

ଲହୁଣୀପଡ଼ା, ୧୫।୯(ଡି.ଏନ୍‌.ଏ.): ସୁନ୍ଦରଗଡ଼ ଜିଲା ଚାନ୍ଦିପୋଷ ଥାନା ଗୁରୁଣ୍ଡିଆ ବ୍ଲକ ଅଧୀନ ବାଙ୍କି ନିକଟସ୍ଥ ଭାଲତା ଗ୍ରାମରେ ଗୁରୁବାର ଜଣେ ଯୁବତୀଙ୍କୁ ହତ୍ୟାକରି ଜଣେ ଯୁବକ...

ପାଓ୍ବାର ଟିଲର ନ ପାଇ ସୁଧ ଦେଉଛନ୍ତି ଗଜେନ୍ଦ୍ର: ନ୍ୟାୟ ନ ମିଳିବାରୁ କରିବେ ଅନଶନ

କେନ୍ଦୁଝର , ୮ା୮ (ସ୍ବ.ପ୍ର.)-ଦୀର୍ଘ ୧୦ ମାସ ହେଲା ଋଣ ଅନୁମୋଦିତ ହୋଇଛି ା ଏଥିପାଇଁ ସୁଧ ଆଦାୟ ଦେଉଛନ୍ତି କିନ୍ତୁ ପାଓ୍ବାର ଟିଲର ମିଳୁନଥିବାରୁ...

ଜମି ପରିମାଣ ଅଧିକ ଦର୍ଶାଇ ହରିଲୁଟ୍‌

କେନ୍ଦୁଝର,୧୯ା୧୨(ସ୍ବ.ପ୍ର.):କେନ୍ଦୁଝର ଜିଲା ହରିଚନ୍ଦନପୁର ବ୍ଲକ୍‌ ଅନ୍ତର୍ଗତ ତେନ୍ତଳାପଶି ପଞ୍ଚାୟତ ମୁଖ୍ୟାଳୟରେ ମହାତ୍ମା ଗାନ୍ଧୀ ଗ୍ରାମୀଣ ନିଶ୍ଚିନ୍ତ କର୍ମ ନିଯୁକ୍ତି ଯୋଜନା (ଏମଜିଏନ୍‌ଆର୍‌ଇଜିଏସ୍‌)ରେ କଲମି କାଜୁ ଚାଷ...

କାଇଞ୍ଚପୁର ପଞ୍ଚାୟତରେ କରୋନା ଟିକାର ଶୁଭାରମ୍ଭ

ଗଞ୍ଜାମ, ୩୦।୩(ଡି.ଏନ୍‌.ଏ.): ଗଞ୍ଜାମ ବ୍ଲକ କାଇଞ୍ଚପୁର ଉଚ୍ଚ ପ୍ରାଥମିକ ବିଦ୍ୟାଳୟରେ ମଙ୍ଗଳବାର କରୋନା ଟୀକା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏଥିରେ ଖଣ୍ଡଦେଉଳି ମେଡିକାଲ ଡାକ୍ତର...

Advertisement
Archives

Model This Week