କାମରେ ଲାଗୁନି ସରକାରୀ ଅର୍ଥ

ଯାଜପୁର ଅଫିସ,୨୯ା୧୦:ରାଜ୍ୟ ଗ୍ରାମ୍ୟ ନିର୍ମାଣ ବିଭାଗର ନିର୍ବାହୀ ଯନ୍ତ୍ରୀମାନଙ୍କ ପାଖରେ ଗତ ୧୯ ତାରିଖ ସୁଦ୍ଧା ୧୨ କୋଟି ୨ ଲକ୍ଷ ୪ ହଜାର ଟଙ୍କା ଖର୍ଚ୍ଚ ନ ହୋଇ ପଡ଼ିରହିଛି। ସ୍ବାସ୍ଥ୍ୟ ଓ ରାଜସ୍ବ ବିଭାଗର ବିଭିନ୍ନ ନିବାସ ଏବଂ କାର୍ଯ୍ୟାଳୟ କୋଠା ନିର୍ମାଣ କରିବାକୁ ଉକ୍ତ ଅର୍ଥ ଆବଣ୍ଟିତ ହୋଇଥିବା ସୂଚନା ମିଳିଛି। ଅର୍ଥ ବିନିଯୋଗ ନ ହେବା ନେଇ ବିଭାଗକୁ ଉପଯୁକ୍ତ କାରଣ ଦର୍ଶାଯାଇନାହିଁ। ବରଂ ଭୁଲ୍‌ ରିପୋର୍ଟ ଦିଆଯାଇଥିବା ବିଭାଗୀୟ ମୁଖ୍ୟ ଯନ୍ତ୍ରୀ(କୋଠା)ଙ୍କ ଚିଠିରୁ ଜଣାପଡ଼ିଛି। ଏଥିରୁ ନିର୍ବାହୀ ଯନ୍ତ୍ରୀମାନଙ୍କ ଅର୍ଥ ବିନିଯୋଗରେ ସ୍ବଚ୍ଛତା ଓ କାର୍ଯ୍ୟ କରିବାରେ ଆନ୍ତରିକତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
ଗ୍ରାମାଞ୍ଚଳର ବିକାଶରେ ଗ୍ରାମ୍ୟ ନିର୍ମାଣ ବିଭାଗର ବହୁ ଗୁରୁତ୍ୱପୂର୍ଣ୍ଣ ଭୂମିକା ରହିଛି। ଏହି ବିଭାଗ ଅଧୀନରେ ଅପହଞ୍ଚ ଅଞ୍ଚଳକୁ ଗମନାଗମନ ସୁବିଧା ସହ ସରକାରୀ ଗୃହ ନିର୍ମାଣ ହେଉଛି। ଗମନାଗମନ କେବଳ ସଭ୍ୟତାର ଆଧାର ନୁହେଁ, ଏକ ଅଞ୍ଚଳ ଓ ଜାତିର ପ୍ରଗତିର ପରିଚାୟକ ା ଯେଉଁ ଅଞ୍ଚଳକୁ ଯେତେ ଗମନାଗମନ ସୁବିଧା ରହିଛି ସେହି ଅଞ୍ଚଳ ସେତେ ବିକଶିତ ବୋଲି ଧରାଯାଏ ା ଏହି କ୍ରମରେ ଗ୍ରାମ୍ୟ ନିର୍ମାଣ ବିଭାଗକୁ ବାର୍ଷିକ ବିପୁଳ ପରିମାଣର ଅନୁଦାନ ଆବଣ୍ଟିତ ହେଉଛି। କିନ୍ତୁ ସ୍ବଭାବ ସୁଲଭ ଢଙ୍ଗରେ ସେହିସବୁ ଯୋଜନା ଓ କାର୍ଯ୍ୟକ୍ରମ ଦିଗହରା ହୋଇଛି। ଗ୍ରାମ୍ୟ ନିର୍ମାଣ ବିଭାଗ ଅଧୀନରେ କାର୍ଯ୍ୟକାରୀ ହେଉଥିବା ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା (ପିଏମ୍‌ଜିଏସ୍‌ୱାଇ)ରେ ବ୍ୟାପକ ଅନିୟମିତତା ହୋଇଥିବା କମ୍ପଟ୍ରୋଲର ଆଣ୍ଡ ଅଡିଟର ଜେନେରାଲ(ସିଏଜି)ଙ୍କ ପକ୍ଷରୁ ନିକଟରେ ପର୍ଦ୍ଦାଫାଶ ହୋଇଛି। ସିଏଜି ରିପୋର୍ଟରେ ଦର୍ଶାଯାଇଛି ଯେ, ନିର୍ବାହୀ ଯନ୍ତ୍ରୀମାନେ ଠିକାଦାରଙ୍କଠାରୁ କାର୍ଯ୍ୟ ବିଳମ୍ବ ପାଇଁ ଜରିମାନା ଆଦାୟ ନ କରିବାରୁ ୯ କୋଟି ଟଙ୍କା ପଡ଼ିରହିଛି। ଏହି କ୍ରମରେ ବିଭିନ୍ନ କୋଠା ନିର୍ମାଣ ବାବଦକୁ ମଧ୍ୟ ଆବଣ୍ଟିତ ଅର୍ଥ ଖର୍ଚ୍ଚ ହୋଇ ନ ପାରି ପଡ଼ି ରହିଥିବା ଭଳି ଗୁରୁତର ତଥ୍ୟ ସାମ୍ନାକୁ ଆସିଛିି।
ଗତ ୧୯ ତାରିଖ ସୁଦ୍ଧା ହୋଇଥିବା ସରକାରୀ ହିସାବ ଅନୁଯାୟୀ, ସ୍ବାସ୍ଥ୍ୟ ବିଭାଗର ବିଭିନ୍ନ କାର୍ଯ୍ୟାଳୟ କୋଠା ନିର୍ମାଣ କରିବାକୁ ରାଜ୍ୟର ୪୩ ଡିିଭିଜନକୁ ୩୦ କୋଟି ୪୧ ଲକ୍ଷ ୯୮ ହଜାର ଟଙ୍କା ଆବଣ୍ଟିତ ହୋଇଛି। ସେଥିରୁ ୨୩ କୋଟି ୭୦ ଲକ୍ଷ ୬୨ ହଜାର ଟଙ୍କା ଖର୍ଚ୍ଚ (୭୭.୯୩%) ହୋଇଥିବାବେଳେ ୬ କୋଟି ୭୧ ଲକ୍ଷ ୩୬ ହଜାର ଟଙ୍କା ପଡ଼ିରହିଛି। ସେହିପରି ସ୍ବାସ୍ଥ୍ୟ ବିଭାଗର କେତେକ ନିବାସ ନିର୍ମାଣ ପାଇଁ ୨୯ ଡିଭିଜନକୁ ୫ କୋଟି ୯୭ ଲକ୍ଷ ୭୫ ହଜାର ଟଙ୍କା ଆବଣ୍ଟିତ ହୋଇଛି। ସେଥିରୁ ୩ କୋଟି ୯୬ ଲକ୍ଷ ୭ ହଜାର ଟଙ୍କା ଖର୍ଚ୍ଚ (୬୬.୨୬%) ହୋଇଥିବାବେଳେ ୨ କୋଟି ୧ ଲକ୍ଷ ୬୮ ହଜାର ଟଙ୍କା ପଡିରହିଛି। ରାଜସ୍ବ ବିଭାଗର କାର୍ଯ୍ୟାଳୟ କୋଠା ନିର୍ମାଣ ପାଇଁ ୩ଟି ପର୍ଯ୍ୟାୟରେ ଯଥାକ୍ରମେ ୪ କୋଟି ୮୬ ଲକ୍ଷ ୭୩ ହଜାର, ୧ କୋଟି ୨୮ ଲକ୍ଷ ଏବଂ ୭ କୋଟି ୯୪ ଲକ୍ଷ ୬୯ ହଜାର ଟଙ୍କା ଆବଣ୍ଟିତ ହୋଇଛି। ସେଥିରୁ ଖର୍ଚ୍ଚ ନ ହୋଇ ପଡ଼ିରହିଛି ଯଥାକ୍ରମେ ୧ କୋଟି ୨୨ ଲକ୍ଷ ୨୧ ହଜାର, ୬ ଲକ୍ଷ ୯୧ ହଜାର ଏବଂ ୧ କୋଟି ୭୭ ଲକ୍ଷ ୪୨ ହଜାର ଟଙ୍କା। ଏହାସହ ୭ ଡିଭିଜନ ଜରିଆରେ ରାଜସ୍ବ ବିଭାଗର କେତେକ ନିବାସ ନିର୍ମାଣ ବାବଦକୁ ୨ କୋଟି ୭୩ ଲକ୍ଷ ୬୩ ହଜାର ଟଙ୍କା ଆବଣ୍ଟିତ ହୋଇଥିବାବେଳେ ସେଥିରୁ ୨୨ ଲକ୍ଷ ୪୬ ହଜାର ଟଙ୍କା ପଡ଼ିରହିଛି। ତେବେ ଅର୍ଥ ବିନିଯୋଗରେ ଯାଜପୁର ଜିଲାର ୨ ଡିଭିଜନ ବହୁ ଆଗରେ ରହିଥିବା ରିପୋର୍ଟରୁ ଜଣାପଡିଛି। ଯାଜପୁର-୧ ଡିିିଭିଜନକୁ ସ୍ବାସ୍ଥ୍ୟ ବିଭାଗର କାର୍ଯ୍ୟାଳୟ କୋଠା ନିର୍ମାଣ ବାବଦକୁ ଆବଣ୍ଟିତ ହୋଇଥିବା ୮ ଲକ୍ଷ ୯ ହଜାର ମଧ୍ୟରୁ ୮ ଲକ୍ଷ ୮ ହଜାର ଟଙ୍କା ବିନିଯୋଗ(୯୯.୮୮%) ହୋଇଛି। ସେହିପରି ଯାଜପୁର-୨ ଡିଭିଜନକୁ ଆବଣ୍ଟିତ ୨୦ ଲକ୍ଷ ୪୭ ହଜାର ଟଙ୍କା ମଧ୍ୟରୁ ୨୦ ଲକ୍ଷ ୨୪ ହଜାର ଟଙ୍କା ବିନିଯୋଗ ହୋଇପାରିଛି। ଅର୍ଥ ବିନିଯୋଗ କ୍ଷେତ୍ରରେ ଅନ୍ୟ କେତେକ ଡିଭିଜନର ପ୍ରଦର୍ଶନ ନୈରାଶ୍ୟଜନକ ରହିଛି। ସେଥିମଧ୍ୟରୁ ଭୁବନେଶ୍ୱର ଇଲେକ୍ଟ୍ରିକାଲ ଡିଭିଜନ ୨୨.୧୧% ଏବଂ ବାରିପଦା, ସୋନପୁର, ସମ୍ବଲପୁର, ରାୟଗଡ଼ା ଓ କୋରାପୁଟ ଡିଭିଜନ ଶୂନ ପ୍ରତିଶତ ଅର୍ଥ ବିନିଯୋଗ କରିପାରିଛନ୍ତି। ସେହିପରି ବ୍ରହ୍ମପୁର ଇଲେକ୍ଟ୍ରିକାଲ ଡିଭିଜନ ୫୨.୭୨%, ଭୁବନେଶ୍ୱର ପିଏଚ୍‌ ଡିଭିଜନ ୨୪.୫୮%, ଝାରସୁଗୁଡ଼ା ୬୦%, ଖରିଆର ୨୮.୬୮ %, ଗୁଣପୁର ୨୬.୨୯%, ବଲାଙ୍ଗୀର ୨୦%, ମୋହନା ୩୪.୮୬%, ନୟାଗଡ଼ ୪୨.୩୦%, ବାଲେଶ୍ୱର ୨୮.୭୮% ଏବଂ ବାଲିଗୁଡା ଡିଭିଜନ ୧୯% ଅର୍ଥ ବିନିଯୋଗ କରିପାରିଛନ୍ତି।
ସରକାରୀ ଅର୍ଥ ବିନିଯୋଗ ନ ହୋଇ ପଡ଼ିରହିବା ନେଇ ସିଏଜି ରିପୋର୍ଟରେ ଦର୍ଶାଯିବା ପରେ ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କ ପକ୍ଷରୁ ତତ୍ପରତା ପ୍ରକାଶ ପାଇଛି। ଗ୍ରାମ୍ୟ ନିର୍ମାଣ ବିଭାଗ ମୁଖ୍ୟ ଯନ୍ତ୍ରୀ (କୋଠା) ଗତ ୨୦ ତାରିଖରେ ଉପରୋକ୍ତ ଖିଲାପି ନିର୍ବାହୀ ଯନ୍ତ୍ରୀମାନଙ୍କୁ ଜବାବ ତଲବ କରିଛନ୍ତି। ଆବଣ୍ଟିତ ଅର୍ଥ ଆସନ୍ତା ୩୧ ତାରିଖ ସୁଦ୍ଧା ବିନିଯୋଗ କରି ରିପୋର୍ଟ ପ୍ରଦାନ କରିବାକୁ ଖିଲାପି ନିର୍ବାହୀ ଯନ୍ତ୍ରୀମାନଙ୍କୁ ମୁଖ୍ୟ ଯନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ଏହା କାର୍ଯ୍ୟକାରୀ କରା ନ ଗଲେ ଆସନ୍ତା ୧ ତାରିଖରେ ସମସ୍ତ ଅର୍ଥ ଫେରସ୍ତ କରି ନିଆଯିବ। ଏହାସହ ଭୁଲ୍‌ ସୂଚନା ଦିଆଯାଇଥିବା ସମ୍ପର୍କରେ ସରକାରଙ୍କୁ ଅବଗତ କରାଯିବ ବୋଲି ମୁଖ୍ୟ ଯନ୍ତ୍ରୀ ଚେତାବନୀ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

୩୦ ତାରିଖ ମଧ୍ୟରେ ୟୁଜି, ପିଜି ଶେଷବର୍ଷ ସେମିଷ୍ଟର ପରୀକ୍ଷା

ଭୁବନେଶ୍ୱର,୩୧।୮(ବ୍ୟୁରୋ) – ବିଶ୍ୱବିଦ୍ୟାଳୟ ଅନୁଦାନ ଆୟୋଗ (ୟୁଜିସି) ମାର୍ଗଦର୍ଶିକା ଅନୁସାରେ ରାଜ୍ୟର ସମସ୍ତ ବିଶ୍ୱବିଦ୍ୟାଳୟ ଓ ସ୍ବୟଂଶାସିତ ମହାବିଦ୍ୟାଳୟର ଅଣ୍ଡର ଗ୍ରାଜୁଏଟ୍‌(ୟୁଜି) ଏବଂ ପୋଷ୍ଟ ଗ୍ରାଜୁଏଟ୍‌(ପିଜି)...

ମହାବିଷୁବ ସଂକ୍ରାନ୍ତି: ଭକ୍ତଙ୍କୁ ମନ୍ଦିର ମନା, ୬ ଟିମ୍‌ ରଖିଛି କଡ଼ା ନଜର

ଦାରିଙ୍ଗବାଡ଼ି,୧୩ା୪(ଡି.ଏନ୍‌.ଏ.) : କରୋନା ଭୂତାଣୁ ସଂକ୍ରମଣ ରୋକିବା ପାଇର୍ଁ ସରକାରଙ୍କ ପକ୍ଷରୁ ଲକ୍‌ଡାଉନ୍‌ ଘୋଷଣା କରାଯାଇଛି। ଏହାକୁ କଡ଼ାକଡ଼ି ଭାବେ ପାଳନ କରାଯିବା ପାଇଁ ସ୍ଥାନୀୟ...

ଧାନ ଉଠାଣ ଦାବିରେ ଭାଜପାର ଚକାଜାମ ଆନ୍ଦୋଳନ

ବରଗଡ଼ ଅଫିସ,୧୩।୨: ଖରିଫ ଧାନ ସଂଗ୍ରହ ପ୍ରକ୍ରିୟାକୁ ତିନି ମାସ ବିତିଯାଇଛି। ମାତ୍ର ପଶ୍ଚିମ ଓଡ଼ିଶାର ବରଗଡ଼ ସମେତ ବିଭିନ୍ନ ଜିଲାରେ ଧାନ କିଣାବିକା ନେଇ...

ଅନ୍‌ଲାଇନ୍‌ ପାଠପଢ଼ା ରିପୋର୍ଟ ଶିକ୍ଷକ ଦେବେ

ଭୁବନେଶ୍ୱର,୯।୧୦(ବ୍ୟୁରୋ): ଗତ ୬ମାସ ମଧ୍ୟରେ ହାଇସ୍କୁଲ୍‌ ଶିକ୍ଷୟିତ୍ରୀ, ଶିକ୍ଷକମାନେ ଅନ୍‌ଲାଇନରେ କିଭଳି ଓ କେତେ ପାଠ ପଢାଇଛନ୍ତି ତାହାର ରିପୋର୍ଟ ମାଗିଛି ବିଦ୍ୟାଳୟ ଓ ଗଣଶିକ୍ଷା...

ଇଦ୍‌-ଉଲ୍‌-ଜୁହା ପାଇଁ ସହର ଉତ୍ସବମୁଖର

ଭଦ୍ରକ ଅଫିସ, ୧୨।୮- ସୋମବାର ଇଦ୍‌-ଉଲ୍‌-ଜୁହା ପର୍ବ। ଏଥିପାଇଁ ଭଦ୍ରକ ସହରରେ ଥିବା ବିଭିନ୍ନ ମସ୍‌ଜିଦ, ସମୂହ ନମାଜ ପାଠ ହେବାକୁ ଥିବା କଦମବେଡା ଇଦ୍‌ଗାହା...

ଚାଲୁ ହେଲା ରୂପ୍‌ସା ଝୋଟ କାରଖାନା

ରୂପ୍‌ସା, ୩୧।୩(ଡି.ଏନ.ଏ.)-ବାଲେଶ୍ୱର ଜିଲା ସଦର ବ୍ଲକ ଅଧୀନ ରୂପ୍‌ସାସ୍ଥିତ ଜୟକିଶନ ଦାସ ସହ ଝୋଟ କାରଖାନା ମଙ୍ଗଳବାରଠାରୁ ଚାଲୁ କରାଯାଇଛି। କରୋନା କଟକଣା ପରିପ୍ରେକ୍ଷୀରେ ରାଜ୍ୟ...

ଟିକା ନେଇନାହାନ୍ତି ୧,୯୭,୨୧୭ କୋଭିଡ୍‌ ଯୋଦ୍ଧା

ଭୁବନେଶ୍ୱର,୧୯।୬(ବ୍ୟୁରୋ): ରାଜ୍ୟରେ ଟିକା ନେଇନାହାନ୍ତି ପାଖାପାଖି ୨ ଲକ୍ଷ କୋଭିଡ୍‌ ଯୋଦ୍ଧା। ନାମ ପଞ୍ଜୀକରଣ କରି ମଧ୍ୟ ୧,୯୭,୨୧୭ ଜଣ କୋଭିଡ୍‌ ଯୋଦ୍ଧା ଟିକା ନେଇନାହାନ୍ତି।...

ସଙ୍ଗରୋଧ କେନ୍ଦ୍ରରୁ ଚୋରି ଘଟଣା:୨ ଅଟକ, ଚୋରି ସାମଗ୍ରୀ ଜବତ

ଭଦ୍ରକ ଅଫିସ/ପଦ୍ମପୁର,୧୬।୬(ଡି.ଏନ୍‌.ଏ.): ଭଦ୍ରକ ଗ୍ରାମାଞ୍ଚଳ ଥାନା ଅଧୀନ ଗୋରାମାଟି ପଞ୍ଚାୟତର ତୋରଣପଦା ସଙ୍ଗରୋଧ କେନ୍ଦ୍ରରୁ ଗତ ୫ ତାରିଖରେ ଚୋରି ହୋଇଥିଲା। ଏହି ଘଟଣାରେ ମଙ୍ଗଳବାର...

Advertisement


Archives

Model This Week