ପାରଳାଖେମୁଣ୍ଡି:୨।୫(ଡି.ଏନ୍.ଏ.): ଗଜପତି ଜିଲାର ସଦରମହକୁମାର ପାରଳାଖେମୁଣ୍ଡି ପୌରାଞ୍ଚଳ ଓ କାଶୀନଗର ଏନ୍ଏସିରେ ଶଟ୍ଡାଉନ୍ କଡ଼ାକଡ଼ି କରାଯାଇଛି। ଏହାର ପ୍ରଭାବରେ ସହର ଖାଁ ଖାଁ ହୋଇଯାଇଛି। ମେଡିକାଲ ଓ ଅତି ଆବଶ୍ୟକ ସେବାକୁ କଟକଣା ନ ଥିବା ବେଳେ ବିନା କୌଣସି କାରଣ ନଥାଇ ଯାତ୍ରା ସମ୍ପୂର୍ଣ୍ଣ ବନ୍ଦ କରିଛିି । ଗଜପତି ଜିଲା ପ୍ରଶାସନ ଓ ପୋଲିସ । ଜିଲାରେ ପଜିଟିଭ୍ ସଂଖ୍ୟା ୫୪୬୭ରେ ସଂଖ୍ୟା ପହଞ୍ଚିଛି । ସେଥୁରୁ ୪୯୫୦ ସୁସ୍ଥ ହୋଇଥିବା ବେଳେ ୫୧୭ ଆକ୍ଟିଭ୍ କେସ ରହଛିି । ସେପଟେ ରବିବାର ଗୋଟିଏ ଦିନରେ ଜିଲାରେ ୧୨୦ ଜଣ ପଜିଟିଭ୍ ଚିହ୍ନଟ ହୋଇଛନ୍ତି। ଯାହାକୁ ନେଇ ଗଜପତି ଜିଲା ପ୍ରଶାସନ ତତ୍ପର ହେବା ସହ ପୋଲିସ ଶଟ୍ଡାଉନ୍ କଡାକଡି କରିବା ପାଇଁ ପାରଳାଖେମୁଣ୍ଡି ଓ କାଶୀନଗର ସୀମା ସିଲ୍ କରିଛନ୍ତି।
ପ୍ରଶାସନ ପକ୍ଷରୁ ବସନ୍ତ ବିହାରକୁ କଣ୍ଟେନମେଣ୍ଟ ଜୋନ ଘୋଷଣା କରାଯିବା ସହ ଜିଲା ସଦର ମହକୁମା ପାରଳାଖେମୁଣ୍ଡି ପୌରପାଳିକାର ୧୦ ନମ୍ବର ୱାର୍ଡ ଗୋପିନୀ ସାହିରେ ବହୁମାତ୍ରରେ କରୋନା ପଜିଟିଭ୍ ଚିହ୍ନଟ ହେବା ପରେ ଜିଲା ପ୍ରଶାସନ ତରଫରୁ ଗୋପିନୀ ସାହିକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି।
