ପ୍ରେମୀଯୁଗଳଙ୍କ ପାଇ ପାଇଁ ଏକ ବଡ଼ ଖବର। କରୋନା କାରଣରୁ, ୟୁରୋପୀୟ ୟୁନିଅନ ବାହାରେ ରହୁଥିବା ଅବିବାହିତମାନଙ୍କୁ ଆସିବାକୁ ଅନୁମତି ନ ଥିଲା। ବର୍ତ୍ତମାନ ଇୟୁର ଚାପ ଏବଂ ଅନଲାଇନ ଅଭିଯାନ ଯୋଗୁ ଜର୍ମାନୀ ଏପରି ଯୋଡିଙ୍କୁ ସାକ୍ଷାତ ପାଇଁ ଅନୁମତି ଦେଇଛି। ବର୍ତ୍ତମାନ ଅବିବାହିତ ଯୋଡି ମଧ୍ୟ ଇୟୁ ବାହାରୁ ଜର୍ମାନୀକୁ ଆସିପାରିବେ ଏବଂ ଜର୍ମାନୀରେ ରହୁଥିବା ସେମାନଙ୍କ ସାଥୀଙ୍କୁ ଭେଟିପାରିବେ।
ଏହା ଘୋଷଣା କରି ଜର୍ମାନ ଗୃହ ମନ୍ତ୍ରଣାଳୟ ଏକ ସର୍ତ୍ତ ରଖିଛି ଯେ, ସେମାନଙ୍କ ସମ୍ପର୍କ ଦୀର୍ଘ ଦିନ ଧରି ଥିବ। ଏଥିପାଇଁ ପ୍ରେମୀ ଯୁଗଳଙ୍କୁ ଏପରି ଦଲିଲ ଦାଖଲ କରିବାକୁ ପଡିବ ଯାହା ଦର୍ଶାଏ ଯେ, ସେମାନେ ଗୋଟିଏ ଘରେ ଏକାଠି ରହିଛନ୍ତି କିମ୍ବା ଜର୍ମାନୀରେ ଖୁଲମ୍ ଖୁଲା ଭେଟିଛନ୍ତି। ସରକାରଙ୍କ ଏହି ନିଷ୍ପତ୍ତି ଲାଗି ଲୋକମାନେ ବହୁତ ଉତ୍ସାହିତ ଅଛନ୍ତି।
ଇୟୁ ବାହାରେ ଥିବା ଅନେକ ଦେଶ ଏହି ତାଲିକାରେ ଅନ୍ତର୍ଭୁକ୍ତ, ଯେଉଁମାନେ କରୋନା ଲାଗି ଅଧିକ ବିପଦପୂର୍ଣ୍ଣ ବିବେଚନା କରାଯାଏ । ଏହିପରି ଦେଶରୁ ଆସୁଥିବା ସାଥୀଙ୍କୁ ଆବଶ୍ୟକ ହେଲେ କରୋନା ଟେଷ୍ଟ ଏବଂ କ୍ୱାରାଣ୍ଟାଇନ୍ରେ ରହିବା ବାଧ୍ୟତାମୂଳକ।
ଆମେରିକା, ତୁର୍କୀ ଏବଂ ଇରାନ ଅଧିକ ବିପଦପୂର୍ଣ୍ଣ ଦେଶ ତାଲିକାରେ ଅଛନ୍ତି। ମାତ୍ର ଜର୍ମାନ ରାଜ୍ୟ ପାଇଁ ସାମାନ୍ୟ ଭିନ୍ନ ନିୟମ ରହିଛି। ଗୃହ ମନ୍ତ୍ରଣାଳୟ ପ୍ରତ୍ୟେକ ଯାତ୍ରୀଙ୍କୁ ଆସିବା ପୂର୍ବରୁ ସେହି ରାଜ୍ୟର ନିୟମକୁ ଭଲ ଭାବରେ ବୁଝିବାକୁ ନିବେଦନ କରିଛନ୍ତି।
ଜର୍ମାନୀରେ ଏକ ଘରେ ଏକାଠି ରହୁଥିବା ପ୍ରେମୀ ଯୁଗଳଙ୍କୁ ସରକାରଙ୍କ ଦୃଷ୍ଟିରେ ବିବାହିତ ଦମ୍ପତି ଭାବରେ ସ୍ବୀକୃତି ଦିଆଯାଏ। ଆୟକରର ସମାନ ନିୟମ ମଧ୍ୟ ସେମାନଙ୍କ ପାଇଁ ଲାଗୁହୁଏ।
