ଉତ୍ତମ ସହକର୍ମୀ

କର୍ମକ୍ଷେତ୍ରରେ ସମସ୍ତଙ୍କ ପ୍ରିୟଭାଜନ ହେବାକୁ କିଏ ବା ନ ଚାହେଁ। ଏଥିପାଇଁ ଜଣେ ଦକ୍ଷ ତଥା ସମୟାନୁବର୍ତ୍ତୀ କର୍ମଚାରୀ ହେବା ସହ ସଭିଙ୍କ ସହ ଭଲ ବ୍ୟବହାର, ବିଶ୍ୱସ୍ତ ଆଚରଣ ରହିବା ହିଁ ଜଣେ ଉତ୍ତମ ସହକର୍ମୀର ପରିଚୟଦିଏ…

କଥା ହୁଅନ୍ତୁ: ଅନେକ କର୍ମଚାରୀ ଥାଆନ୍ତି, ଯିଏ ଅଫିସ୍‌କୁ ଆସିବା ପରେ କେବଳ ନିଜ କାମ ସାରି ଚାଲିଯାଆନ୍ତି। ଅତି ଆବଶ୍ୟକ ନ ପଡ଼ିଲେ କାହା ସହ କଥା ହୁଅନ୍ତି ନାହିଁ। ଏଭଳି ବ୍ୟବହାର ଆପଣଙ୍କ ବ୍ୟକ୍ତିତ୍ୱ ଉପରେ ନକାରାତ୍ମକ ପ୍ରକାବ ପକାଇପାରେ। ତେଣୁ ଯଥାସମ୍ଭବ କାମ ପରେ କିଛି ସମୟ ପାଇଲେ ସମସ୍ତଙ୍କ ସହ କଥା ହୁଅନ୍ତୁ। ଏହାଦ୍ୱାରା ଏକ ସୁସମ୍ପର୍କ ସ୍ଥାପନ ହୋଇଥାଏ। ହେଲେ ମନେରଖନ୍ତୁ, କଥା ହେବା ଆଳରେ ଯେପରି ଅନ୍ୟ କେହି ଡିଷ୍ଟର୍ବ ନ ହୁଅନ୍ତି, ସେଥିପ୍ରତି ଧ୍ୟାନ ଦିଅନ୍ତୁ, ନଚେତ୍‌ ଏହି ଅଭ୍ୟାସ ଯୋଗୁ ଅନ୍ୟମାନେ ଆପଣଙ୍କୁ ଆଭଏଡ୍‌ କରିପାରନ୍ତି।
ହସିବା ବି ଆବଶ୍ୟକ: ଅନେକ କର୍ମଚାରୀ କାମ କରିବା ବେଳେ ସାମାନ୍ୟ ଚାପ ପଡ଼ିଲେ ଚିଡ଼ିଥା’ନ୍ତି କିମ୍ବା ଅନ୍ୟମାନଙ୍କ ସହ କଥା ହେବା ବେଳେ ରାଗିଥା’ନ୍ତି। ଏପରି କରିବା ଦ୍ୱାରା ସଭିଙ୍କ ମନରେ ଆପଣଙ୍କ ପ୍ରତି ବଦ୍‌ରାଗୀ, ଅହଂକାରୀ ଭଳି ଭାବନା ସୃଷ୍ଟି ହୋଇଥାଏ। ଏଣୁ ଅନ୍ୟମାନେ ଧୀରେ ଧୀରେ ଆପଣଙ୍କଠାରୁ ଦୂରେଇ ଯିବେ। ତେଣୁ ଆବଶ୍ୟକ ସ୍ଥଳେ ସଭିଙ୍କ ସହ ହସହସ ମୁହଁରେ କଥା ହୁଅନ୍ତୁ।
ଉତ୍ତମ ପରିବେଶ ଗଢ଼ନ୍ତୁ: ଯେହେତୁ କର୍ମକ୍ଷେତ୍ର ପ୍ରତ୍ୟେକଙ୍କ ଲାଗି ଆଉ ଏକ ଘର ଏବଂ ଏହାର କର୍ମଚାରୀ ପରିବାର ସଦୃଶ, ତେଣୁ ଏହାର ପରିବେଶକୁ ଭଲ କରିବା ଲାଗି ନିଜକୁ ହିଁ ଉଦ୍ୟମ କରିବାକୁ ହୋଇଥାଏ। ସେଥିପାଇଁ ମନେରଖନ୍ତୁ, ମଣିଷର ବ୍ୟବହାର ଏବଂ ଆଚରଣ ଅନ୍ୟମାନଙ୍କୁ ଆକୃଷ୍ଟ କରିଥାଏ। ତେଣୁ କର୍ମ କ୍ଷେତ୍ରରେ ଏଥିପ୍ରତି ବିଶେଷ ଧ୍ୟାନ ଦିଅନ୍ତୁ। ଏହାଦ୍ୱାରା କାମ କରିବା ଲାଗି ଏକ ଉତ୍ତମ ପରିବେଶ ସୃଷ୍ଟି ହୋଇପାରିବ।
ବିଶ୍ୱସ୍ତ ହୁଅନ୍ତୁ: ସଚ୍ଚୋଟପଣିଆ ମଣିଷର ଏକ ବଡ଼ ଗୁଣ। ଅଫିସରେ ଯଦି କେହି ଆପଣଙ୍କୁ ବିଶ୍ୱାସରେ କିଛି କୁହନ୍ତି, ତେବେ ତାହାକୁ ଗୋପନ ରଖନ୍ତୁ। ଅଫିସ ରାଜନୀତିରେ ମୁଣ୍ଡ ଖେଳାନ୍ତୁ ନାହିଁ। ସେହିପରି କାହା ସମ୍ପର୍କରେ ଅନ୍ୟ ଆଗରେ କହିବାର ଭୁଲ ଆଦୌ କରନ୍ତୁ ନାହିଁ, ନଚେତ୍‌ ଏହାଦ୍ୱାରା ନା କେବଳ ଆପଣଙ୍କ ବ୍ୟକ୍ତିତ୍ୱ ଉପରେ ଆଞ୍ଚ ଆସିବ ବରଂ ଆପଣଙ୍କ ପ୍ରତି ଅନ୍ୟମାନେ ବିଶ୍ୱାସ ହରାଇପାରନ୍ତି। ତେଣୁ ସର୍ବଦା ପରୋପକାରୀ ଏବଂ ବିଶ୍ୱସ୍ତ ହେବାକୁ ଚେଷ୍ଟା କରନ୍ତୁ।
ସାହାଯ୍ୟ କରନ୍ତୁ: ନିଜ ବସ୍‌ ହୁଅନ୍ତୁ ଅବା ସହକର୍ମୀଙ୍କୁ ସର୍ବଦା ସାହାଯ୍ୟ କରନ୍ତୁ। କାହାର କୌଣସି ଅସୁବିଧା ସମୟରେ ସହଯୋଗର ହାତ ବଢ଼ାଇଲେ ସମ୍ପର୍କ ବଢ଼ିଥାଏ। ତେଣୁ କାହାର ସ୍ବାସ୍ଥ୍ୟ ସମସ୍ୟା ଥିଲେ ଡାକ୍ତରଖାନା ନେଇଯିବା କିମ୍ବା ସେଠାକୁ ଯାଇ ଦେଖାକରିବା, କାହାର ମନ ଖରାପ ଥିଲେ ବୁଝାଇବା ଏବଂ ସାନ୍ତ୍ୱନା ଦେବା, ଆବଶ୍ୟକ ଥିଲେ କାହାକୁ ଆର୍ଥିକ ସହାୟତା କରିବା ଜଣେ ଉତ୍ତମ ସହକର୍ମୀଙ୍କ ପରିଚୟ; ଯଦ୍ଦ୍ବାରା ନା କେବଳ ଅନ୍ୟଜଣେ ଉପକୃତ ହେବେ ବରଂ ଏହାହିଁ ଆପଣଙ୍କୁ ପରବର୍ତ୍ତୀ ସମୟରେ ବେଶ୍‌ କାମରେ ଆସିପାରେ।
ସଭିଙ୍କୁ ଗୁରୁତ୍ୱ ଦିଅନ୍ତୁ: ଅନେକ କର୍ମଜୀବୀ ଯେଉଁମାନେ କେବଳ ନିଜ ସମସ୍କନ୍ଧଙ୍କ ସହ ମିଳାମିଶା କରନ୍ତି ଏବଂ ଅନ୍ୟମାନଙ୍କୁ ଅଣଦେଖା କରନ୍ତି। ଏପରି କରିବା ଠିକ୍‌ ନୁହେଁ। ତେଣୁ ଅଫିସରେ ଉଚ୍ଚ ପଦସ୍ତ ଅଧିକାରୀଙ୍କ ଠାରୁ ଆରମ୍ଭ କରି ନୀଚପଦସ୍ତ ଅଧିକାରୀ ଏମିତିକି ପିଅନ ପର୍ଯ୍ୟନ୍ତ ସମସ୍ତଙ୍କ ସହ ଉତ୍ତମ ସମ୍ପର୍କ ରଖିବା ହିଁ ଜଣେ ଭଲ ସହକର୍ମୀଙ୍କ ପରିଚୟ ଦିଏ।

ଏମାନେ କ’ଣ କୁହନ୍ତି

ରାଧାଶ୍ୟାମ ବେହେରା (କର୍ମଜୀବୀ, ଆଇଟି ସେଲ୍‌, ବାଲେଶ୍ୱର)- ଅଫିସ୍‌ରେ ମୁଁ କେବଳ ମୋ କାମକୁ ନେଇ ସମସ୍ତଙ୍କ ସହ ମିଳାମିଶା କରେ। ଅଯଥା ଅଫିସ୍‌ ରାଜନୀତିରେ ପଶିବାକୁ ଚେଷ୍ଟା କରେ ନାହିଁ। ସହକର୍ମୀମାନେ ମିଶି ଅନ୍ୟ କାହା ବିରୋଧରେ ଗପୁଥିଲେ ସେ ବିଷୟକୁ ଅଣଦେଖା କରେ। ନିଜ ଦୁର୍ବଳତା ବିଷୟରେ କାହା ଆଗରେ କହେ ନାହିଁ। ଅଫିସ୍‌ରେ କଠିନ ପରିଶ୍ରମ କରେ। ବସ୍‌ କିମ୍ବା ସିନିୟର ଦେଉଥିବା କାମକୁ ଯଥାଶୀଘ୍ର ସାରିବାକୁ ଚେଷ୍ଟା କରେ। ଯଥା ସମ୍ଭବ ଅଫିସରେ ସମସ୍ତଙ୍କ ସହ ସୁସମ୍ପର୍କ ରଖିବାକୁ ଚେଷ୍ଟା କରେ।
ସମୁଦ୍ରିକା ମହାନ୍ତି(ଶିକ୍ଷୟିତ୍ରୀ, ଅକ୍ସଫୋର୍ଡ ପବ୍ଲିକ୍‌ ସ୍କୁଲ୍‌, ତେଲେଙ୍ଗାପେଣ୍ଠ, କଟକ)- ନିଜ କର୍ମକ୍ଷେତ୍ରରେ ସହକର୍ମୀମାନେ ମୋର ଆଉ ଏକ ପରିବାର ସଦୃଶ। ତେଣୁ ସେମାନଙ୍କ ସହ ସର୍ବଦା ଉତ୍ତମ ବ୍ୟବହାର କରେ। ମୋର କୌଣସି କାର୍ଯ୍ୟକଳାପ ଯେପରି କାହାକୁ ମାନସିକ ସ୍ତରରେ ଆଘାତ ନ ପହଞ୍ଚାଏ ସେଥିପ୍ରତି ବିଶେଷ ଗୁରୁତ୍ୱ ଦିଏ।

 


Enter your email to get our daily news in your inbox.

All Right Reserved By Dharitri.Com

ଆମର ଏହି ବସୁନ୍ଧରା

ଦିନକର କଥା। ସୂର୍ଯ୍ୟଠାରୁ ସେଦିନ ଖଣ୍ଡେ ବାହାରି ଆସିଲା। ସେହି ସୂଯର୍ର୍‌ୟାଂଶ ହିଁ ହେଲା ଆମ ପୃଥିବୀ। ତାକୁ ସୂର୍ଯ୍ୟ ଖଣ୍ଡ ନ କହି ସୂର୍ଯ୍ୟକନ୍ୟା କହିବାଟା…

ସଚିନ ତେନ୍ଦୁଲକରଙ୍କ ସହ କ୍ରିକେଟ୍‌ ଖେଳିଲେ ପ୍ରିନ୍ସ ୱିଲିୟମ୍‌, ଚା’ ପିଇବା ପରେ କହିଲେ….

ମୁମ୍ବାଇ,୧୬।୧୧: ବ୍ରିଟେନ୍‌ର ପ୍ରିନ୍ସ ୱିଲିୟମ୍‌ ଓ ପ୍ରିନ୍ସେସ୍‌ କେଟ୍‌ ମିଡଲଟନ୍‌ ମୁମ୍ବାଇର ବଲାର୍ଡ ଇଷ୍ଟେଟ୍‌ ଗସ୍ତ ସମୟରେ କ୍ରିକେଟ୍‌ କିମ୍ବଦନ୍ତୀ ସଚିନ ତେନ୍ଦୁଲକରଙ୍କ ସହ ଏକ ସ୍ମରଣୀୟ…

ଆସିଲା ୨୦୩୫ ପର୍ଯ୍ୟନ୍ତ ପ୍ରମୁଖ ଇଭେଣ୍ଟର କାର୍ଯ୍ୟସୂଚୀ: ଜାଣନ୍ତୁ ଭାରତରେ ହେବ କେଉଁ ସବୁ ବଡ଼ ଇଭେଣ୍ଟ

ନୂଆଦିଲ୍ଲୀ,୧୫।୧୧: ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ୨୦୩୫ ପର୍ଯ୍ୟନ୍ତ ଏହାର ପ୍ରମୁଖ ପୁରୁଷ ଇଭେଣ୍ଟ କାର୍ଯ୍ୟସୂଚୀକୁ ମଞ୍ଜୁରୀ ପ୍ରଦାନ କରିଛି। ଏଥିସହିତ ପରବର୍ତ୍ତୀ ୩ ବୃହତ୍‌ ଇଭେଣ୍ଟ ଯଥା…

୧୦ କୋଟି ଟଙ୍କାରୁ ଅଧିକ ମୂଲ୍ୟ ଥିବା ପାଞ୍ଚ ଜଣ ଖେଳାଳିଙ୍କୁ ଦଳରୁ ମୁକ୍ତ କରାଯାଇପାରେ; ଆସନ୍ତାକାଲି ଆସିବ ଆଇପିଏଲ (IPL) ୨୦୨୭ ପାଇଁ ରିଟେନସନ ତାଲିକା

ନୂଆଦିଲ୍ଲୀ,୧୬।୧୧: IPL 2027 ପାଇଁ ସମସ୍ତ ଦଳର ରିଟେନସନ ତାଲିକା ନଭେମ୍ବର ୧୭ରେ ପ୍ରକାଶ ପାଇବ। ହାର୍ଦ୍ଦିକ ପାଣ୍ଡ୍ୟା ଏବଂ ରିଷଭ ପନ୍ତଙ୍କ ପରି ପ୍ରମୁଖ ଖେଳାଳିମାନେ…

ପୂର୍ବତନ ପ୍ରଧାନ ଶିକ୍ଷକଙ୍କୁ ଝୁରୁଛି ଗାଁ ମାଟି: ଶିକ୍ଷକତା ପରେ କାହଁକି ନେଲେ ଏଭଳି ଚରମ ନିଷ୍ପତ୍ତି

ବରୀ, ୧୬।୧୧ (ମହେନ୍ଦ୍ର ସ୍ୱାଇଁ): ବରୀ ଶିକ୍ଷାମଣ୍ଡଳ ଅନ୍ତର୍ଗତ ଅରଙ୍ଗାବାଦ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ସୁରେନ୍ଦ୍ର ପ୍ରଧାନଙ୍କ ମୃତ୍ୟୁ ଘଟିଛି। ପାରିବାରିକ କଳହକୁ…

୧୩ ଛକା, ୮ଚୌକା ଇତିହାସ ରଚିଲେ ରଜତ ପାଟିଦାର, ୧୩୫ ରନ କରି କଲେ ବଡ଼ ରେକର୍ଡ

ନୂଆଦିଲ୍ଲୀ,୧୬।୧୧: ନିଜର ବିସ୍ଫୋରକ ବ୍ୟାଟିଂ ପାଇଁ ଜଣାଶୁଣା ରଜତ ପାଟିଦାର, ଗତ କିଛି ବର୍ଷ ମଧ୍ୟରେ ଆଇପିଏଲ (IPL) ରେ ନିଜକୁ ଅନ୍ୟତମ ବିପଜ୍ଜନକ ମଧ୍ୟକ୍ରମ ବ୍ୟାଟର…

କିୱି ମାଟିରେ ଭାରତର କଡ଼ା ପରୀକ୍ଷା, ୧୫ ମିମି ଘାସ…

ନୂଆଦିଲ୍ଲୀ,୧୬।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ନଭେମ୍ବର ୧୯ ତାରିଖରୁ ୱେଲିଂଟନ୍‌ର ଐତିହାସିକ ବେସିନ୍‌ ରିଜର୍ଭ ଷ୍ଟାଡିୟମ୍‌ରେ ଆରମ୍ଭ ହେବ ପ୍ରଥମ ଟେଷ୍ଟ ମ୍ୟାଚ୍‌ । ଏହି…

କାର୍ତ୍ତିକ ମାସର ତୃତୀୟ ସୋମବାରରେ ବଟେଶ୍ୱର ଶୈବପୀଠରେ ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ: ପାଣି ପାଇଁ ଡହଳବିକଳ ହେଲେ….

ଗଞ୍ଜାମ,୧୬/୧୧ (ବିଦ୍ୟାଧର ସାହୁ): ପବିତ୍ର କାର୍ତ୍ତିକ ମାସର ତୃତୀୟ ସୋମବାର ଅବସରରେ ଗଞ୍ଜାମ ବ୍ଲକ୍‌ ଅନ୍ତର୍ଗତ ପାଳିବନ୍ଧ ପଞ୍ଚାୟତର କଣ୍ଟିଆଗଡ଼ସ୍ଥିତ ପ୍ରସିଦ୍ଧ ବଟେଶ୍ୱର ଶୈବପୀଠରେ ୫୦ ହଜାରରୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?