ଦିଗପହଣ୍ଡି,୧୫।୬(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଳକ ଖମାରିଗାଁ ପଞ୍ଚାୟତ ଅଧୀନ ଗୋଲଣ୍ଡା ଗ୍ରାମରେ ଚାଲିଥିବା ବୃନ୍ଦାବନ ଚନ୍ଦ୍ର କ୍ରିକେଟ ଟୁର୍ନାମେଣ୍ଟ ଉଦ୍ଯାପିତ ହୋଇଯାଇଛି । ସ୍ବର୍ଗତ କୃଷ୍ଣଚନ୍ଦ୍ର ଏବଂ ସାନ୍ତୁନୁଙ୍କ ସ୍ମୃତି ଉଦ୍ଦେଶ୍ୟରେ ଆୟୋଜିତ ଏହି ଟୁର୍ନାମେଣ୍ଟର ଫାଇନାଲ ମ୍ୟାଚରେ ଝଗଡପଲ୍ଲୀ କ୍ରିକେଟ ଟିମକୁ ୨ ଉଇକେଟରେ ହରାଇ ଗୋକର୍ଣ୍ଣପୁର ଟିମ୍ ଚାମ୍ପିୟନ ହୋଇଛି।
ଝଗଡ଼ପଲ୍ଲୀ ଟିମ୍ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୫ ଓଭରରେ ସମସ୍ତ ଉଇକେଟ ହରାଇ ୧୦୪ ରନ୍ ହାସଲ କରିଥିଲା। ଜବାବରେ ଗୋକର୍ଣ୍ଣପୁର ଟିମ୍ ମ୍ୟାଚ୍ ଆରମ୍ଭରୁ ଗୋଟିଏ ପରେ ଗୋଟିଏ ଉଇକେଟ ହରାଇ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ହେଲେ ମଧ୍ୟଭାଗରେ ଟିମ୍ର ଶ୍ରେଷ୍ଠ ଖେଳାଳି ବ୍ରଜ ଦମ୍ଦାର ବ୍ୟାଟିଂ କରି ଦଳକୁ ଶେଷ ଓଭରରେ ଜିତାଇ ଥିଲେ।
ଉଦ୍ଯାପନୀ ସମାରୋହରେ ସ୍ଥାନୀୟ ସରପଞ୍ଚଙ୍କ ପ୍ରତିନିଧି ଚିତ୍ରସେନ ଗୌଡ଼ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ସାମାଜିକ କର୍ମୀ ସଞ୍ଜୟ ପାଣିଗ୍ରାହୀ, ବୃନ୍ଦାବନ ଗୌଡ଼, ଦୁର୍ଗାପ୍ରସାଦ ଗୌଡ଼, ସମିତି ସଭ୍ୟଙ୍କ ପ୍ରତିନିଧି ଭଗବାନ ମହାପାତ୍ର, ନାଏବ ସରପଞ୍ଚ ଶରତ ଶବର, ପୋଷ୍ଟମାଷ୍ଟର ଜୟସେନ ପାଣିଗ୍ରାହୀଙ୍କ ସମେତ ବହୁ ଗଣ୍ୟମାନ୍ୟ ବ୍ୟକ୍ତି ସମ୍ମାନିତ ଅତିଥି ଭାବେ ଯୋଗଦେଇ ଟୁର୍ନାମେଣ୍ଟର ମ୍ୟାନ୍ ଅଫ ଦି ସିରିଜ ଭାବେ ବ୍ରଜ କୁମାର ଏବଂ ମ୍ୟାନ୍ ଅଫ ଦି ମ୍ୟାଚ୍ ଭାବେ ଅଭିମନ୍ୟୁ କୁମାରଙ୍କୁ ପୁରସ୍କାର ପ୍ରଦାନ କରିଥିଲେ । ସେହିପରି ବିଜେତା ଚାମ୍ପିୟନ ଗୋକର୍ଣ୍ଣପୁର ଟିମକୁ ଅତିଥିମାନେ ଅର୍ଥରାଶି ୧୧,୧୧୧ ଟଙ୍କା ଏବଂ ଝଗଡପଲ୍ଲୀ ଉପ ବିଜେତା ରନର୍ସ ଅପ ଟିମ କୁ ୮,୮୮୮ଟଙ୍କା ସହ ଟ୍ରଫି ପ୍ରଦାନ କରିଥିଲେ ।
ସୁମନ ସାହୁ, ବାଙ୍କନିଧି ସାହୁ ମ୍ୟାଚରେ ଅମ୍ପାୟର ରହିଥିବା ବେଳେ ଟୁର୍ନାମେଣ୍ଟ ଆୟୋଜକ କମିଟି କାର୍ଯ୍ୟକର୍ତ୍ତା ସୀମାଞ୍ଚଳ ଗୌଡ, ଲୋକନାଥ କର, ଭୈରବ ଚନ୍ଦ୍ର କର, ରାଜାରାଓ ଆଚାରୀ, ପଞ୍ଚାନନ ସାହୁ, ଶିବାନନ୍ଦ ପାଣିଗ୍ରାହୀ, ପିଣ୍ଟୁ ଆଚାରୀ, ଉପଦେଷ୍ଟା ସନ୍ତୋଷ କୁମାର ସାହୁ, ସମ୍ପାଦକ ତୋଫାନ ଆଚାରୀ ଏବଂ କୋଷାଧ୍ୟକ୍ଷ ରାଜେଶ ଗୌଡ଼, ବଳରାମ ଗୌଡ ଓ କ୍ଳବର ସମସ୍ତ ସଦସ୍ୟ ଏବଂ ଗୋଲଣ୍ଡା ଗ୍ରାମବାସୀ ସମସ୍ତ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
