ଭୁବନେଶ୍ୱର,୩୦।୧୨:ଓଡ଼ିଶା ବଜାରରେ ଗୋଦ୍ରେଜ୍ ଇଣ୍ଟେରିଓର ଆଉ ଏକ ଷ୍ଟୋରର ଶୁଭାରମ୍ଭ କରାଯାଇଛି। ଏପରିକି ଗୁରୁବାର ସ୍ଥାନୀୟ ପଟିଆ ଛକଠାରେ ଗୋଦ୍ରେଜ୍ ଇଣ୍ଟେରିଓର ନୂତନ ଆଉଟ୍ଲେଟ୍ ଉଦ୍ଘାଟିତ ହୋଇଯାଇଛି। ଏହି ଅବସରରେ ଓଡ଼ିଆ ଅଭିନେତ୍ରୀ ଅନୁ ଚୌଧୁରୀ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ କମ୍ପାନୀର ବହୁ ବରିଷ୍ଠ ଅଧିକାରୀ ଓ ଆଉଟ୍ଲେଟ୍ କର୍ମଚାରୀ ଓ ଅନ୍ୟମାନେ ଉପସ୍ଥିତ ଥିଲେ। ୫୫୦୦ ବର୍ଗଫୁଟ ପରିମିତ ଅଞ୍ଚଳରେ ବ୍ୟାପ୍ତ ଏହି ଷ୍ଟେଟ୍ ଅଫ୍ ଆର୍ଟ ତଥା ନବୀକୃତ ଫ୍ଲାଗ୍ଶିପ୍ ଷ୍ଟୋର ଓଡ଼ିଶା ଏବଂ ପୂର୍ବ ଭାରତ ବଜାରରେ ଗୋଦ୍ରେଜ୍ ଇଣ୍ଟେରିଓର ରିଟେଲ୍ ସ୍ଥିତିକୁ ଆହୁରି ମଜଭୁତ କରିବ। ଏଠାରେ ବିଭିନ୍ନ ଷ୍ଟାଇଲ୍ ଓ ଫିନିସ୍ ସହ ହୋମ୍ ଫର୍ନିଚର୍, ମାଟ୍ରେସେସ୍ ଓ ହୋମ୍ ଷ୍ଟୋରେଜ୍ ଭଳି ଗୁଣାତ୍ମକ ଉପତ୍ାଦର ସମ୍ଭାର ଉପଲବ୍ଧ। ଏପରିକି ନୂଆ ଷ୍ଟୋରର ଶୁଭାରମ୍ଭ ସହ ଉଦ୍ଘାଟନୀ ଅଫର ଭାବେ ପ୍ରତି କ୍ରୟ ଉପରେ ଗୋଦ୍ରେଜ୍ ଇଣ୍ଟେରିଓ ପକ୍ଷରୁ ନିଶ୍ଚିତ ଉପହାର ପ୍ରଦାନ କରାଯାଉଛି। ଏ ସମ୍ପର୍କରେ ଗୋଦ୍ରେଜ୍ ଇଣ୍ଟେରିଓର ଉପସଭାପତି ମନୋଜ ରାଠି କହିଛନ୍ତି, ଭୁବନେଶ୍ୱର ହେଉଛି ଓଡ଼ିଶା ପାଇଁ ଏକ ଗୁରୁତ୍ୱପୂର୍ଣ୍ଣ ବଜାର। ଏପରିକି ଏହି ଷ୍ଟୋର୍ ବେଶ୍ ଚମତ୍କାର ସ୍ଥାନରେ ଥିବାରୁ ଏବଂ ଉକ୍ତ ଅଞ୍ଚଳରେ ଗୋଦ୍ରେଜ୍ ଇଣ୍ଟେରିଓର ଦୃଢ଼ ଏବଂ ବର୍ଦ୍ଧିତ ବ୍ରାଣ୍ଡ୍ ପରିଚୟକୁ ନେଇ ଏହି ଷ୍ଟୋର୍ର ବାର୍ଷିକ ରାଜସ୍ବ ୫କୋଟି ଟଙ୍କା ଛୁଇଁବ ବୋଲି ଆମେ ଆଶା କରୁଛୁ। ସେହିଭଳି ଏହି ଷ୍ଟୋର୍ ପୂର୍ବ ଭାରତରେ ନିଜର ଉପସ୍ଥିତିକୁ ଗୋଦ୍ରେଜ୍ ଇଣ୍ଟେରିଓ ଆହୁରି ସୁଦୃଢ଼ କରିଛି।
