ବଲାଙ୍ଗୀର ଅଫିସ,୨୧।୧୨: ମମତା ମେହେର ହତ୍ୟା ମାମଲାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଆତ୍ମହତ୍ୟା କରିଥିବା ଘଟଣାକୁ ସହଜରେ ଗ୍ରହଣ କରିପାରି ନାହାନ୍ତି ଗୋବିନ୍ଦଙ୍କ ପରିବାର ଲୋକେ। ମୃତ ଗୋବିନ୍ଦ ସାହୁଙ୍କ କକା ଶ୍ବଶୁର ମହେନ୍ଦ୍ର ସାହୁ ଓ ଶଳା ଟୁନା ସାହୁ ଗୁରୁତର ଅଭିଯୋଗ ଆଣିଛନ୍ତି। ଗୋବିନ୍ଦ ସାହୁଙ୍କୁ ଷଡ଼ଯନ୍ତ୍ର କରି ମାରି ଦିଆଯାଇଛି ଓ ଏହାର ସିବିଆଇ ତଦନ୍ତ କରାଗଲେ ସବୁ ରହସ୍ୟ ଜଣାପଡିବ ବୋଲି କହିଛନ୍ତି । ମଙ୍ଗଳବାର କଣ୍ଟାବାଞ୍ଜି ଜେଲ ଭିତରେ ଗୋବିନ୍ଦ ସାହୁଙ୍କ ପକେଟରୁ ଏକ ଦୁଇ ପେଜର ହାତଲେଖା ଚିଠି ମିଳିଥିବା ପୋଲିସ କହିଥିଲା । ମାତ୍ର ସେଥିରେ କ’ଣ ଲେଖା ଯାଇଥିଲା ପଢ଼ିବା ପାଇଁ ପୋଲିସ ଦେଇ ନ ଥିଲା । ଏଣୁ ଏହା ସୁଇସାଇଡାଲ ନୋଟ କି କ’ଣ ତାହା ଜଣାପଡିନାହିଁ ।
