ଭୁବନେଶ୍ୱର,୨୪।୪(ବ୍ୟୁରୋ): ସ୍ଥାନୀୟ ୩୪ ନଂ ୱାର୍ଡ ସତ୍ୟନଗର ଡେଭେଲପମେଣ୍ଟ ଓ କଲ୍ଚରାଲ୍ ସୋସାଇଟିଠାରେ ଶନିବାର ଉଡ୍ର ଚାରିଟେବୁଲ୍ ଟ୍ରଷ୍ଟ ପକ୍ଷରୁ ‘ଥିଲେ ଦିଅ, ନ ଥିଲେ ନିଅ’ ଅଭିଯାନ ମାଧ୍ୟମରେ ବସ୍ତ୍ର ଓ ଛତା ବଣ୍ଟନ କରାଯାଇଛି। ଏହି କାର୍ଯ୍ୟକ୍ରମ ମାଧ୍ୟମରେ ବସ୍ତ୍ର ଏବଂ ଛତାର ଅଭାବ ଥିବା ଲୋକଙ୍କୁ ସଂଗ୍ରହ କରାଯାଇଥିବା ପୁରୁଣା ବସ୍ତ୍ର ଏବଂ ଛତାଗୁଡିକୁ ବଣ୍ଟନ କରି ସେମାନଙ୍କ ମୁହଁରେ ହସ ଫୁଟାଇବା ପାଇଁ ଉଡ୍ର ଏକ ପ୍ରୟାସ। ଲୋକଙ୍କୁ ଖଣ୍ଡେ ବସ୍ତ୍ର ଓ ଗୋଟେ ଛତା ଯୋଗାଇ ଦିଆଯାଇଥିଲା। ୬ ବର୍ଷ ଧରି ଉଡ୍ର ଏହି ପ୍ରୟାସ କରିଆସିଛି। ତେବେ ପୂର୍ବବର୍ଷ ଏହି କାର୍ଯ୍ୟକ୍ରମରେ ୨୫ହଜାରରୁ ଉର୍ଦ୍ଧ୍ୱ ବସ୍ତ୍ର ବଣ୍ଟନ କରାଯାଇଥିଲା। ଏହି କାର୍ଯ୍ୟକ୍ରମରେ ଟ୍ରଷ୍ଟର ପରାମର୍ଶଦାତା ତଥା ମୋ କଲେଜ ଅଧ୍ୟକ୍ଷ ଆକାଶ ଦାସନାୟକ, ସମ୍ପାଦିକା ଶୁଭ୍ରାଜ୍ୟୋତି ଦାସନାୟକ, ଭୁବନେଶ୍ୱର ବିଧାୟକ ଅନନ୍ତ ନାରାୟଣ ଜେନା, ମେୟର ସୁଲୋଚନା ଦାସ, ରୁଦ୍ରାକ୍ଷ ପାଣିଗ୍ରାହୀ, ଲୋକନାଥ ପଣ୍ଡା, ତୁଷାର ପଟ୍ଟନାୟକ, ଶୀତଲ୍ ପାତ୍ର, ପ୍ରଭାତ ଶତପଥୀ, କିଶୋର ଦାସ, ଜୋଷିକା ବୋଷ ଓ ଉଡ୍ର ପରିବାରର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ।
