ବୋଧହୁଏ ଦୁନିଆରେ ଏଭଳି କୌଣସି ବ୍ୟକ୍ତି ନାହାନ୍ତି ଯିଏ ନ ରାଗନ୍ତି। କିଛି କିଛିଙ୍କ ନାକ ଉପରେ ରାଗ ଥାଏ। ସ୍ବଭାବରେ ଜିଦ୍ଦି ହୋଇଥିବା ହେତୁ ରାଗ ଲାଗିବା ମୁଖ୍ୟ କାରଣ ପାଲଟେ। ଆଜି ଆମେ ଏଭଳି ୪ ରାଶି ଝିଅଙ୍କ ବିଷୟରେ କହିବୁ ଯେଉଁମାନେ ବେଶ ଜିଦ୍ଦି ଏବଂ ରାଗି ସ୍ବଭାବର ହୋଇଥାନ୍ତି। କେବଳ ଏହି ଜିଦ୍ ପାଇଁ ସେମାନେ ସ୍ଥିର କରିଥିବା ଲକ୍ଷ୍ୟରେ ପହଞ୍ଚି ମଧ୍ୟ ଯାଇଥାନ୍ତି। କାରଣ ସେମାନେ ଯେଉଁ କାମକୁ କରିବାକୁ ନିଶ୍ଚିତ କରନ୍ତି, ପୂରଣ କରି ନିଶ୍ୱାସ ମାରିଥାନ୍ତି।
ମେଷ ରାଶି: ଜ୍ୟୋତଷ ଶାସ୍ତ୍ର ଅନୁଯାୟୀ ଏହି ରାଶିରେ ଜନ୍ମିତ ମହିଳା ସାହସୀ। ଖୁବ୍ଶୀଘ୍ର ଏମାନେ ରାଗି ଯାଇଥାନ୍ତି। ହେଲେ ସେତିକି ଜଲଦି ଏମାନେ ଶାନ୍ତ ମଧ୍ୟ ହୋଇଯାଇଥାନ୍ତି। ବେଳେବେଳେ ଏମାନଙ୍କର ରାଗ ଭୟଙ୍କର ରୂପ ଧାରଣ କରିଥାଏ। ତେବେ ଭଲକଥାକୁ ନେଇ ଏମାନେ ରାଗିଥାନ୍ତି। ଏହି ରାଶିରେ ଜନ୍ମିତ ମହିଳା ଯେଉଁ କାମ କରିବାକୁ ନିଶ୍ଚିତ କରନ୍ତି ତାହାକୁ ପୂରଣ କରନ୍ତି।
ବୃଷ ରାଶି: ଏହି ରାଶିର ଲୋକ ବହୁତ ରାଗି ହୋଇଥାନ୍ତି। ଏଣୁ ବୃଷ ରାଶିରେ ଜନ୍ମିତ ଝିଅମାନେ ରାଗି ସ୍ବଭାବର ହୋଇଥାନ୍ତି। ଜିଦ୍ ଏବଂ ରାଗ ଯୋଗୁ ଏମାନେ ଜୀବନରେ ଆଶା କରିଥିବା କାମକୁ କରିବାରେ ସଫଳ ହୋଇଥାନ୍ତି। ହେଲେ ହୃଦୟରୁ କାହାରିକୁ ଥରେ ବାହାର କଲେ ଆଉ ସେ ଫେରିବାର ସମ୍ଭାବନା ନ ଥାଏ। କାରଣ ସେମାନେ ସମ୍ପର୍କ ଛିନ୍ନ କରିଦେଇଥାନ୍ତି।
ସିଂହ ରାଶି: ଜ୍ୟୋତିଷ ଶାସ୍ତ୍ର ଅନୁଯାୟୀ ଏହି ରାଶିର ଜାତକଧାରୀ ରାଗି ସ୍ବଭାବର ହୋଇଥାନ୍ତି। ହେଲେ ଏହି ରାଶିରେ ଜନ୍ମିତ ଝିଅ ବେଶ କର୍ମଠ ଏବଂ ସଚ୍ଚୋଟ ହୋଇଥାନ୍ତି। ସେମାନେ ଆଗକୁ ବଢ଼ିବା ପାଇଁ ସର୍ବଦା ପ୍ରୟାସ କରିଥାନ୍ତି। ବେଳେବେଳେ ରାଗ ଉପରେ ସେମାନଙ୍କର ନିୟନ୍ତ୍ରଣ ରହି ନ ଥାଏ। ଅନେକ କାର୍ଯ୍ୟରେ ସଫଳତା କେବଳ ଜିଦ ଯୋଗୁ ତାଙ୍କୁ ମିଳିଥାଏ। ତାଙ୍କ ପାଇଁ କୌଣସି କାମ ଅସମ୍ଭବ ହୋଇ ନ ଥାଏ।
ବିଛା ରାଶି: ବିଛା ରାଶିର ବ୍ୟକ୍ତିବିଶେଷ ବହୁତ ଶୀଘ୍ର ରାଗିଯାଇଥାନ୍ତି। ହେଲେ ଏହି ରାଶିର ଝିଅମାନେ ବହୁତ ପରିଶ୍ରମୀ, ବୁଦ୍ଧିମାନ ଏବଂ କିଛି ମାତ୍ରାରେ ଜିଦ୍ଦି ହୋଇଥାନ୍ତି। ଭୁଲ ଏମାନେ ବରଦାସ୍ତ କରିପାରନ୍ତି ନାହିଁ। ଜିଦ୍ ଯୋଗୁ ଏମାନେ ସବୁକିଛି ହାସଲ କରିପାରିଥାନ୍ତି।
