ବେଙ୍ଗାଲୁରୁ, ୨୭।୦୭: ସାମାନ୍ୟ କିଛି ଘଟଣାକୁ ନେଇ ଗର୍ଲଫ୍ରେଣ୍ଡକୁ ବାରମ଼୍ବାର ଛୁରି ଭୁଷି ଅତି ନିର୍ମମ ଭାବେ ହତ୍ୟାକରିଛି ବୟଫ୍ରେଣ୍ଡ୍ । ଏପରି ଏକ ଚର୍ଚ୍ଚିତ ହତ୍ୟାକାଣ୍ଡ ବେଙ୍ଗାଲୁରୁରେ ଘଟିଛି । ୨୪ ବର୍ଷୀୟା ଜଣେ ଯୁବତୀଙ୍କୁ ହତ୍ୟା କରିବା ଅଭିଯୋଗରେ ଜଣେ ଯୁବକକୁ ମଧ୍ୟ ପ୍ରଦେଶରୁ ଗିରଫ କରିଛି ପୋଲିସ ।
ମିଳିଥିବା ସୂଚନା ଅନୁସାରେ, ବିହାରର କ୍ରିତି କୁମାରୀ ବେଙ୍ଗାଲୁରୁର କୋରମଙ୍ଗଲା ଅଞ୍ଚଳରେ ଏକ ପେଇଂ ଗେଷ୍ଟ ହିସାବରେ ରହୁଥିଲେ । ଗତ ମଙ୍ଗଲବାର ରାତିରେ ଅଭିଯୁକ୍ତ ବୟଫ୍ରେଣ୍ଡ୍ ରାତି ପ୍ରାୟ ୧୧ଟା ବେଳେ କ୍ରିତିଙ୍କ ହଷ୍ଟେଲ୍ରେ ପହଞ୍ଚି ଏକ ଛୁରିରେ ତାଙ୍କୁ ଆକ୍ରମଣ କରିଥିଲେ । ତାଙ୍କ ଗଳା କାଟିବାକୁ ଅଭିଯୁକ୍ତ ବାରମ଼୍ବାର ପ୍ରୟାସ କରିଥିବା କ୍ରିତିଙ୍କ ରୁମ୍ମେଟ୍ ପୋଲିସକୁ କହିଛନ୍ତି । କ୍ରିତି ନିଜକୁ ବଞ୍ଚାଇବାକୁ ଚେଷ୍ଟା କରିଥିବା ବେଳେ ଅଭିଯୁକ୍ତ ତାଙ୍କୁ ଛାଡ଼ି ନିଥିଲା । ଏମିତିକି କ୍ରିତି ତଳେ ପଡ଼ିଯିବା ପରେ ବି ସେ ତାଙ୍କୁ ଛୁରି ଭୁଷି ଚାଲିଥିଲା।
ପୋଲିସ ଏନେଇ କହିଛି ଯେ, ଅଭିଯୁକ୍ତ ଏବଂ କ୍ରିତିଙ୍କ ମଧ୍ୟରେ ପ୍ରେମ ସଂପର୍କ ରହିଥିଲା । ହେଲେ ବେରୋଜଗାରୀକୁ ନେଇ ଦୁହିଁଙ୍କ ମଧ୍ୟରେ ପାଟିତୁଣ୍ଡ ଲାଗି ରହୁଥିଲା । ଏଥିପାଇଁ କ୍ରିତି ଅଭିଯୁକ୍ତ ଯୁବକ ପାଖରୁ ଦୂରେଇ ରହୁଥିଲେ। ହଷ୍ଟେଲ୍ ମଧ୍ୟ ବଦଳାଇଥିଲେ । ତେବେ ପୋଲିସ୍ ନେଇ ଅଧିକ ତଦନ୍ତ କରୁଛି ।
