ନୂଆଦିଲ୍ଲୀ,୨୫।୧: ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜ୍ରେ ଲଜ୍ଜାଜନକ ପରାଜୟ ପରେ ଭାରତୀୟ କ୍ରିକେଟ ଟିମ୍ର ପ୍ରଦର୍ଶନ ଉପରେ ପ୍ରଶ୍ନ ଉଠୁଛି। ବିଶେଷକରି କିଛି ଖେଳାଳିଙ୍କ ଚୟନ ଉପରେ ଅନେକ ପ୍ରତିକ୍ରିୟା ରଖୁଛନ୍ତି। ଏହି କ୍ରମରେ ପୂର୍ବତନ କ୍ରିକେଟର ଗୌତମ ଗମ୍ଭୀର ଦଳରେ ଭେଙ୍କଟେଶ ଆୟାରଙ୍କ ଚୟନକୁ ନେଇ ଆପତ୍ତି ଉଠାଇଛନ୍ତି।
ଗୌତମ କହିଛନ୍ତି, କେବଳ ଆଇପିଏଲ୍ରେ ପ୍ରଦର୍ଶନ ଆଧାରରେ ଚୟନ କରିବା ଠିକ୍ ନୁହେଁ। ଯଦି ଦିନିକିଆ ଟିମରେ ଖେଳାଇବାର ଅଛି ତେବେ ତାଙ୍କୁ ଆଇପିଏଲ୍ ପଠାଇ ଦିଅନ୍ତୁ। ଆଇପିଏଲ୍ରେ ମଧ୍ୟକ୍ରମରେ ତାଙ୍କୁ ବ୍ୟାଟିଂ କରାନ୍ତୁ। କାରଣ ଭେଙ୍କଟେଶଙ୍କ ମ୍ୟାଚୁରିଟି ହୋଇନାହିଁ। ସେ ଓପନିଂ କରି ଆସିଛନ୍ତି, ହେଲେ ତାଙ୍କୁ ମଧ୍ୟକ୍ରମରେ ଖେଳାଯାଉଛି। ସାତ ଆଠଟି ମ୍ୟାଚ୍ ଆଧାରରେ ତାକୁ ଏଭଳି ସୁଯୋଗ ଦିଆଯିବା ଅନୁଚିତ। ଯଦି ଆଇପିଏଲ୍ ଆଧାରରେ ଚୟନ କରାଯାଉଛି ତେବେ ଭେଙ୍କଟେଶଙ୍କୁ ଟି-୨୦ ଟିମ୍ରେ ସ୍ଥାନ ଦିଅନ୍ତୁ। ଦିନିକିଆ କ୍ରିକେଟ ଏବେ ସମ୍ପୂର୍ଣ୍ଣ ଅଲଗା। ସତ କହିବାକୁ ଗଲେ ତାଙ୍କୁ କେବଳ ଓପନର୍ ଭାବେ ଟି-୨୦ ଦଳରେ ଖେଳାଯିବା ଉଚିତ ବୋଲି ସେ କହିଛନ୍ତି।
