ଭାରତୀୟ କ୍ରିକେଟ ଦଳର ଚମତ୍କାର ଫିଲ୍ଡର ମହମ୍ମଦ କୈଫ ଆଜି ୪୧ତମ ଜନ୍ମଦିନ ପାଳନ କରୁଛନ୍ତି। ପ୍ରୟାଗରାଜ (ତତ୍କାଳୀନ ଆହ୍ଲାବାଦ) ରେ ଜନ୍ମଗ୍ରହଣ କରିଥିବା କୈଫ ମେୱାଲାଲ ଅଯୋଧ୍ୟା ପ୍ରସାଦ ଇଣ୍ଡରମିଡିୟଡ କଲେଜ ଦ୍ୱାଦଶ ପର୍ଯ୍ୟନ୍ତ ଅଧ୍ୟୟନ କରିଥିଲେ। ଏହା ପରେ ସେ କ୍ରିକେଟ ଦୁନିଆରେ ପାଦ ଦେଇଥିଲେ। ପିଲାଦିନରୁ ତାଙ୍କ ମନ କ୍ରିକେଟରେ ଥିଲା ଏବଂ ସେ ପ୍ରୟାଗରାଜରୁ କାନପୁରକୁ ଚାଲିଗଲେ। ଏଠାରେ ସେ ଗ୍ରୀନ ପାର୍କ ଷ୍ଟାଡିୟମର ହଷ୍ଟେଲରେ ରହିବାକୁ ଲାଗିଲେ। ଏଠାରୁ ତାଙ୍କର ଯାତ୍ରା ଆରମ୍ଭ ହୋଇ ଭାରତୀୟ କ୍ରିକେଟ ଦଳରେ ପହଞ୍ଚିଥିଲା। ଘରୋଇ କ୍ରିକେଟରେ ଭଲ ପ୍ରଦର୍ଶନ ଯୋଗୁ ତାଙ୍କୁ ଭାରତୀୟ ଅଣ୍ଡର -୧୯ କ୍ରିକେଟ ଦଳରେ ସ୍ଥାନ ମିଳିିଥିଲା। ୨୦୦୦ରେ ଶ୍ରୀଲଙ୍କାରେ ଅଣ୍ଡର -୧୯ ବିଶ୍ୱକପ୍ରେ ତାଙ୍କୁ ଅଧିନାୟକ ଦାୟିତ୍ୱ ଦିଆଯାଇଥିଲା ଏବଂ ସେ ଏଥିରେ ରେ ଟିମ ଇଣ୍ଡିଆକୁ ବିଶ୍ୱ ଚାମ୍ପିଅନ କରିଥିଲେ। ତାଙ୍କ ନେତୃତ୍ୱରେ ଭାରତ ପ୍ରଥମ ଥର ପାଇଁ ୧୯ ବର୍ଷରୁ କମ ବିଶ୍ୱକପ ଜିତିଥିଲା। ସେହି ବର୍ଷ ସେ ଦକ୍ଷିଣ ଆଫ୍ରିକା ଗସ୍ତରେ ଭାରତୀୟ ଟେଷ୍ଟ ଦଳରେ ଅନ୍ତର୍ଭୁକ୍ତ ହୋଇଥିଲେ। ସେ ମାତ୍ର ଦୁଇ ବର୍ଷ ପରେ ଏକଦିବସୀୟ ଦଳର ଅଂଶ ହୋଇଥିଲେ ଏବଂ ୨୦୦୩ ବିଶ୍ୱକପରେ ସେ ଟିମ ଇଣ୍ଡିଆର ପ୍ରତିନିଧିତ୍ୱ କରିଥିଲେ। ସେତେବେଳେ ସେ ଯୁବରାଜ ସିଂଙ୍କ ସହ ଭାରତୀୟ ଦଳର ମଧ୍ୟକ୍ରମର ମେରୁଦଣ୍ଡ ଥିଲେ।
ଭାରତୀୟ କ୍ରିକେଟ ପ୍ରେମୀଙ୍କ ପାଇଁ ମହମ୍ମଦ କୈଫଙ୍କ ନାମ ଆସିବା ମାତ୍ରେ ଏହାର ପ୍ରଥମ ସ୍ମୃତି ହେଉଛି ଲର୍ଡସ ପଡିଆରେ ଖେଳାଯାଇଥିବା ନାଟଓ୍ବେଷ୍ଟ ଟ୍ରଫି ଫାଇନାଲ କଥା ମନେପଡେ। ୨୦୦୨ରେ ଖେଳାଯାଇଥିବା ଏହି ମ୍ୟାଚ୍ରେ କୈଫ୍ଙ୍କ ଯୋଗୁ ସୌରଭ ଗାଙ୍ଗୁଳି ନିଜ ଶର୍ଟ ଖୋଲି ଉତ୍ସବ ପାଳିଥିଲେ। ଇଂଲଣ୍ଡ ବିପକ୍ଷରେ ଖେଳା ଯାଇଥିବା ନାଟୱେଷ୍ଟ ଟ୍ରଫିର ଫାଇନାଲରେ କୈଫଙ୍କ ଇନିଂସ ଭାରତୀୟ କ୍ରିକେଟର ସ୍ମରଣୀୟ ଇନିଂସ ମଧ୍ୟରେ ଗଣାଯାଏ। ଲଡ୍ସଙ୍କ ଗ୍ରାଉଣ୍ଡରେ ଖେଳାଯାଇଥିବା ଏହି ମ୍ୟାଚରେ କୈଫ ଅପରାଜିତ ୮୭ ରନ ଖେଳି ଭାରତକୁ ଏକ ଐତିହାସିକ ବିଜୟ ପ୍ରଦାନ କରିଥିଲେ। ନାଟୱେଷ୍ଟ ଟ୍ରଫିର ଅନ୍ତିମ ମ୍ୟାଚରେ ୩୨୫ ରନର ଟାର୍ଗେଟକୁ ପିଛା କରୁଥିବା ଭାରତ ପକ୍ଷରୁ କୈଫ ଯୁବରାଜ ସିଂଙ୍କ ଷଷ୍ଠ ଉଇକେଟ ପାଇଁ ୧୨୧ ରନ ଭାଗିଦାରୀ କରିଥିଲେ। ଯାହା ଭାରତକୁ ଜିତିବାରେ ସାହାଯ୍ୟ କରିଥିଲେ। ଏହି ବିଜୟ ପରେ ଅଧିନାୟକ ସୌରଭ ଗାଙ୍ଗୁଲି ଲର୍ଡସ ବାଲକୋନୀରେ ଶର୍ଟ ଖୋଲିଦେଇଥିଲେ।
କୈଫ ଭାରତ ପାଇଁ ୧୨୫ଟି ଏକଦିବସୀୟ ଖେଳି ହାରାହାରି ୩୨.୦୧ରେ ୨୭୫୩ ରନ ସ୍କୋର କରିଥିଲେ। ତାଙ୍କର ସର୍ବାଧିକ ସ୍କୋର ୧୧୧ ଥିଲ। କୈଫ ଭାରତ ପାଇଁ ୧୩ଟି ଟେଷ୍ଟ ମ୍ୟାଚ ମଧ୍ୟ ଖେଳି ୬୨୪ ରନ ସଂଗ୍ରହ କରିଥିଲେ। ୨୦୦୬ରେ ଦକ୍ଷିଣ ଆଫ୍ରିକା ଗସ୍ତରେ କୈଫ ତାଙ୍କର ଶେଷ ଅନ୍ତର୍ଜାତୀୟ ମ୍ୟାଚ ଖେଳିଥିଲେ। ସେ ଏବେ ଆଇପିଏଲରେ ଦିଲ୍ଲୀ କ୍ୟାପିଟାଲର କୋଚିଂ ଦଳର ଅଂଶବିଶେଷ ଅଛନ୍ତି।
