ପୁରୁଷୋତ୍ତମପୁର,୨୦।୮(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ଭାଟକୁମରଡ଼ା ଗ୍ରାମରେ ଚାଲିଥିବା ଏକ ଜୁଆ ଆଡ୍ଡା ଉପରେ ଗୁରବାର ସନ୍ଧ୍ୟାରେ ପୋଲିସ ଅତର୍କିତ ଚଢ଼ାଉ କରିଛି। ଏହି ସମୟରେ କିଛି ଜୁଆଡ଼ି ଘଟଣା ସ୍ଥଳରୁ ଚମ୍ପଟ ମାରିଥିବା ବେଳେ ଗୋଡ଼ାଇ ଗୋଡ଼ାଇ ପୋଲିସ ୭ଜଣଙ୍କୁ କାବୁ କରିବାରେ ସକ୍ଷମ ହୋଇଛି। ସେମାନେ ହେଲେ ରମେଶ ଚନ୍ଦ୍ର ବେହେରା, ରଞ୍ଜନ ସ୍ବାଇଁ, ବିନୋଦ କୁମାର ଦଳବେହେରା, ଶାନ୍ତନୁ ସ୍ବାଇଁ, କୈଳାଶ ରେଡ୍ଡୀ ସୀମାଞ୍ଚଳ ସ୍ବାଇଁ ଓ ସଞ୍ଜୟ ସ୍ବାଇଁ। ସେମାନଙ୍କ ନିକଟରୁ ୬୦ ହଜାର ୬ଶହ ଟଙ୍କା ଜବତ କରାଯାଇଛି। ପୁରୁଷୋତ୍ତମପୁର ପୋଲିସ ପକ୍ଷରୁ ଥାନା ଅଧିକାରୀ ଜଗନ୍ନାଥ ମଲ୍ଲିକଙ୍କ ତତ୍ତ୍ବାବଧାନରେ ଏଏସ୍ଆଇ ରବୀନ୍ଦ୍ର ନାଥ ପାଣିଗ୍ରାହୀଙ୍କ ସମେତ ପୋଲିସ ଫୋର୍ସ ଏହି ଚଢ଼ାଉରେ ସାମିଲ ହୋଇଥିଲେ। ଏ ନେଇ କେସ ନଂ. ୩୭୧/୨୧ରେ ମାମଲା ରୁଜୁ କରିଥିବା ଆଇଆଇସି ମଲ୍ଲିିକ କହିଛନ୍ତି।
